Tau muaj ib tsab ntawv cej luam tshiab qhia tias tej zaum neeg Australia yuav tsis tau nyiaj superannuation ntau tshaj $130,000 thaum lawv so tsis ua hauj lwm vim tseem muaj cov superannuation system sib chab sib chaws heev siv.
Lub koom haum Super Members Council (SMC) tsab ntawv cej luam tau nqua hu kom kho Australia cov superannuation system kom siv tau yooj yim thiab xyuas kom muaj neeg siv tau cov kev taw qhia txog tej nyiaj txiaj kom siv tau ntau tuaj ntxiv tsis li ces yuas ua rau muaj teeb meem rau tej neeg yuav so tsis ua hauj lwm tsis tau nyiaj txaus siv lub caij so tsis ua hauj lwm.
Raws li lub koom haum SMC hais ces 10 xyoo ntxiv no ces yuav muaj neeg Australia txog li 2.8 tus so tsis ua hauj lwm lawm, thiab kwv yees tias yuav muaj tej neeg no so tsis ua hauj lwm ib xyoos twg ntau tuaj ntxiv txog li 2 npaug nce ntawm 150,000 tus mus ua 300,000 tus lawm.
Nws thiaj kwv yees tias tib lub caij no ces yuav ua rau tej neeg so tsis ua hauj lwm no tej nyiaj xam ua ke txog li ntawm $750-800 billion yuav muaj tej nyiaj no ntau tuaj ntxiv txog li $1.5 trillion lawm.
Tab sis nws kuj kwv yees tias ntshe tej zaum tej neeg Australia ua hauj lwm txhua hnub uas yuav so tsis ua hauj lwm lawm yuav pob nyiaj txog li ntawm $136,000 — los yog poob nyiaj ib xyoos twg txog $6,500 rau lub caij lawv so tsis ua hauj lwm yog tias tsis kho tej superannuation system kom siv tau yooj yim.
Tsab ntawv cej luam no thiaj ceeb toom tias "yog tsis nrhiav tej tswv yim tshiab los siv, ces peb tej retirement system uas muaj siv tam sim no yeej tseem yuav ua rau tej neeg so tsis ua hauj lwm no yuav ntsib ntau yam teeb meem sib chab sib chaw thiab yog ib co kev txhawj rau tag nrho tias ntsheb xyov puas yuav muaj nyiaj txaus siv rau lub caij so tsis ua hauj lwm."
Ces Misha Schubert uas yog tus coj ntawm lub koom haum SMC thiaj tau hais tias cov kev txheeb tau tej xwm txheej no qhia tias ''yuav tau kub siab npaj ceev nrooj" kho kom siv tau tej retirement system no yooj yim tshaj qub ntxiv thiab kom siv tau zoo tshaj qub ntxiv. Vim rau qhov twg yuav muaj neeg Australia yuav laug txog li 3 million tus yuav so rau ntau xyoo ntxiv no."
'Muaj kev ntseeg siab tias muaj peev xwm so tsis ua hauj lwm tau'
Tsab ntawv cej luam no kuj qhia tias yuav ntsib ntau yam nyuaj ntxiv vim neeg Australia ua lub neej nyob ntev tuaj ntxiv thiab thaum so lawm ces yuav muaj nuj nqes ntau tuaj ntxiv.
Muaj tej cuab yig ntau tshaj 40 feem pua ces twb ze ze rau qhov yuav so tsis ua hauj lwm lawm tab sis tseem tshuav nqe tsev them tsis tau tas, thiab tseem yuav tau txheeb seb ho yuav ua li cas rau tej superannuation thiab tej age pension.
Txawm yeej xav tau kev pab heev los tsuas muaj tej neeg so tsis ua hauj lwm tsawg tug thiaj mus thov kev pab ntawm tej neeg sab laj tawm tswv yim txog nyiaj txiaj pab xwb. Muaj tej neeg neeg txog 80 feem puas uas npaj xub yuav so tsis ua hauj lwm tau hais tias lawv yeej xav siv cov kev sab laj tawm tswv yim txog nyiaj txiaj uas tau siv dawb ntawm lawv tej super fund yog muaj siv, tab sis tsuas muaj ib nrab thiaj hais tias lawv yuav them nyiaj ntiav tej financial adivsor kom tau cov kev taw qhia rau tej no ntxaws.
Cov kev xav thov kho li xav kom cia li tshem kiag tsis txhob tsub se rau tej neeg hnoob nyoog 65 xyoos tej accounts uas muaj cai tau txais kev txo se, rov qab txheeb tej cai uas maj mam rho tej nyiaj super me ntsis siv rau tej neeg so tsis ua hauj lwm uas muaj nyiaj super tsawg, thiab tsim cov quality standars for retirement products zoo coj los siv.
Tsab ntawv cej luam no kuj cav tias tsim nyog los qhia kom tej neeg paub tseeb txog "tej lus cuav" uas muaj ua ntuv zus tias tej neeg so tsis ua hauj lwm siv lawv tej nyiaj super tsawg tshaj qhov tsim nyog siv.
Raws li SMC tsab ntawv cej luam qhia ces cov nyiaj xyoo 2024-25 yeej teev tias 64 feem pua ntawm tej neeg so tsis ua hauj lwm uas muaj tej accounts uas tsis tau them se yeej tau rho nyiaj ntau tshaj qhov tsim nyog rho tsawg kawg nkaus ntau tuaj ntxiv txog 78 feem pua ntawm tej neeg muaj nyiaj super tsawg dua $50,000.
Schubert tau hais tias "Cov kev hloov mus siv ib co superannuation system uas siv tau yooj yim tshaj qub ntxiv, thiab muaj tej xub ke zoo dua pab tej neeg so tsis ua hauj lwm yuav ua rau txhua tus neeg Australia yuav muaj peev xwm ntseeg siab tias lawv yuav ua tau lub neej thaum so tsis ua hauj lwm lawm, vim lawv paub tias lawv yeej muaj nyiaj txaus siv them tej nqe ntau yam thiab pab kom lawv muaj kev zoo siab rau lawv txoj kev ua lub neej ntau xyoos rau yav lig ntawm lawv lub neej."
Lub koom haum Association of Superannuation Funds of Australia (ASFA) yeej kwv yees tias tej nyiaj tsim nyog npaj kom tau txaus siv ua tau lub neej xws teb xws chaw tsis txob txhawj thaum yus so tsis ua hauj lwm lawm yog $690,000 yog tias yog ib nkawm niam txiv thiab $595,000 yog tias yog yus tib leeg xwb, raws li tej xov xwm ua tau teev rau lub caij 3 hlis uas tau qhia rau lub 3 hlis ntuj xyoo 2025 ntawd. Txhais tias tus neeg ntawd yeej them tsev tag yuav tau tsev nyob lawm thiab tsuas tau me nyias nyiaj laus siv xwb.
Ua ke no los Treasurer Jim Chalmers kuj tau qhia meej tias tseem yuav muaj ib co kev sab laj tshiab txog cov superannuation performance test — uas yog ib co kev txheeb txog tej cai tswj tej super no uas tseem tab tom npaj thiab.
Nws tau qhia rau lub koom haum Australian Chamber of Commerce and Industry thaum tseem noj hmo ntawm tuam ceeb Canberra hmo zwj Feej (Wednesday) tias "Lub hom phiaj yog ua tib zoo rov qab los txheeb thiab kho kom cov kev sim no tsis txhob ua rau muaj teeb meem rau cov kev nqes peev, hais tsis ntsees rau tej vaj tse thiab energy."
"Tsuas xyuas kom kho siv tau zoo dua thiab pab kom muaj peev xwm nqes peev coj los pab khom kwv tau nyiaj zoo tshaj qub xwb, ua ke no los kuj muaj peev xwm los siv cov kev txheeb tej nyiaj no kom siv tau zoo thiab lub hom phiaj tseem ceeb ces yog khwv kom tau nyiaj rau tej tub koom siab no xwb."
Muaj tej nyiaj super $19 billion uas tej zaum yus tsis nco qab txog lawm
Tau muaj ib tsab ntawv cej luam tshiab coj los nthuav tawm qhia zej tsoom tom qab uas Australian Taxation Office (ATO) tau qhia tias tseem muaj tej neeg Australia coob tshaj 7 million tus tseem tos kom tej tswv no mus claim tej nyiaj superannuation yuav laug txog li $19 billion rov qab.
ATO deputy commissioner Ben Kelly uas yog tus lwm coj ntawm Australia lub tuam chav sau se ATO tau hais tias tej nyiaj super uas tej neeg tsis nco qab txog lawm uas tseem tsis tau mus claim rov qab no yog cov nyiaj superannuation account uas tej tswv cia li tsis mus txheeb txog los yog tej tuam txhab super funds tsis muaj peev xwm sib txuas lus tau nrog tej tswv account uas ua tub koom siab nrog lawv lub koom haum lawm.
Kelly tau hais tias "Xav kom mus txheeb seb puas yog yus tsis nco qab txog yus ib co nyiaj super twg lawm los yog seb puas yog yus tseem tsis tau mus claim rov qab tib yam li daim nyiaj $50 uas yus xuas thiab nrhiav tau hauv yus lub hnab ris — uas yeej yog yus li nyiaj, tab sis yus tsis paub tias yus muaj nyob ntawm tej tuam txhab super funds ntawd."
ATO kwv yees tias muaj tej neeg Australia txog li ntawm 4 million tus yog cov neeg yeej muaj cov phau ntawv khaws nyiaj superannution li 2 phau los yog ntau phau tshaj ntawd, ces yuav ua rau tej neeg no yuav tau them ntau yam nqe thiab ua rau lawv tsis nco qab txog lawv tej super accounts no lawm.
Raws li ATO hais ces yog tias xam raws li tej nyiaj super theem nrab uas tej neeg muaj tab sis tsis nco qab lawm los yog tseem tsis tau mus claim ces yeej muaj txog li $2,590, uas yuav pab kom lawv tau nyiaj ntau caum txheeb ntxiv rau lub caij lawv so tsis ua hauj lwm lawm yog tias tseem tsis tau mus claim rov qab.
Toom xov xwm no tsuas qhia ua kev paub xwb. Thov kom koj mus ntsib tej kws paub sab laj tawm tswv yim txog nyiaj txiaj tsi ntsees thiaj yuav muaj cov kev taw qhia tau raws li qhov koj xav tau.
Share
