Hmo txheeb pej xeem ces yog hmo zwj Quag (Tuesday) zwj thaj tim 11 lub 8 hli ntuj xyoo 2026, thiab txhua tus neeg ntawm Australia — suav tej neeg ntawm Norfork Ialand, Cocos (Keeling) islands thiab Chrismas Island yuav tsum raug suav tib si.
Lub koom haum Australian Bureau of Statistics (ABS) yeej ua tus txheeb Australia tej pej xeem thiab txhua yim neeg txhua txhua tsib (5) lub xyoo ib zaug twg kom thiaj khaws tau tej xov xwm nom tswv piav tias yog qhia txog ib haiv neeg twg.
Ces thiaj li muaj 66 lo lud nug uas nug txog ib tug twg tej caj ces poj koob yawm koob, kev ntseeg, sex thaum yus yug tau los tshiab thiab seb yus ho caij dab tsi mus ua hauj lwm rau hnub txheeb pej xeem ntawds.s
Cov kev txheeb pej xeem zaum dhau los ces tau txheeb rau hnub tim 10 lub 8 hli ntuj xyoo 2021.
Emily Walter uas yog tus kis tswj cov hauj lwm txheeb pej xeem ntawm ABS tau hais tias yeej muaj neeg coob heev yuav mus sau daim ntawv txheeb pej xeem ua thawj zaug.
Walter hais tias "Yeej yuav muaj neeg Austalia coob heev uas tsis tau dau daim ntawv txheeb pej xeem dua los li, thiab tej no thiaj yog tej tseem ceeb heev uas tej neeg yuav tau ua tib zoo xyuas kom lawv paub thiab totaub tias Census (cov kev txheeb pej xeem) yog dab tsi, thiab vim li cas thiaj yog tej tseem ceeb."
Ho yuav sau daim ntawv txheeb pej xeem li cas?
Txij yav lig lub 7 hli ntuj (2026) mus ces tej cuab yig yuav tau txais ib ntaub ntawv muaj cov kev taw qhia tias yuav sau daim ntawv txheeb pej xeem li cas. Thiab tej neeg Australia yeej muaj peev xwm sau daim ntawv txheeb pej xeem no thaum lawv paub txog cov lus taw qhia no lawm, yog yus paub tias yus yuav mus rau qhov twg rau hmo txheeb pej xeem (11/08/2026).
Tej neeg feem coob yeej yuav tau txais ib tsab ntawv nrog ib co kev taw qhia kom yus paub mus sau daim ntawv txheeb pej xeem hauv online. Txawm li cas los neeg Australia kuj muaj peev xwm thov kom nom tswv xa ib daim ntawv txheeb pej xeem rau yus sau tau thiab yog tias yus nyiam li ntawd.
Raws li ib txwm pom ces tsuas muaj ib tug neeg ntawm ib tse neeg twg thiaj yog tus yuav sau daim ntawv txheeb pej xeem no, tab sis yog tias ib tug twg ho tsis xav kom lwm tus paub txog yus ntiag tug tej xov xwm ces yus kuj muaj peev xwm thov ib daim form txheeb pej xeem rau yus sau yus kheej los kuj tau thiab.
Yuav tsum tau teev txog leej twg rau hauv daim ntawv txheeb pej xeem?
Txhua leej txhua tus nyob ntawm teb chaws Australia no suav pej xeem Australia, tej neeg ntoj ncig txawv teb chaws, tej neeg tuaj xyuas kwv tij neeg tsa ntawm teb chaws Australia, tej tub kawm pej kum haiv thiab tej neeg thov tau tej visa siv ib ntus ntawm Australia yog cov neeg yuav tau sau daim ntawv txheeb pej xeem.
Walter tau hais tias ABS cia siab tias txhuas tus neeg ntawm teb chaws Australia no yuav sau daim ntawv txheeb pej xeem nod rau hmo txheeb pej xeem.
Nws hais tias "Tej thaum ces tej neeg tsis nco teev txog lawv tej me nyuam rau daim ntawv txheeb pej xeem no. Yog li ntawd thiaj tseem ceeb heev uas yuav tsum tau teev txhua leej txhua tus rau daim ntawv txheeb pej xeem no.''
Muaj tej kev pab dab tsi los pab tej neeg sau daim ntawv txheeb pej xeem?
Yeej muaj ib co neeg nyob ntawm tej chaw nyob zos toj siab deb ntawm teb chaws Australia, los yog tej neeg tsis muaj vaj tse nyob, los yeej muaj tej neeg ua hauj lwm txheeb pej xeem mus pab lawv sau tau daim ntawv txheeb pej xeem no.
ABS yeej tau ntiav tej neeg ua hauj lwm yuav laug txog li 30,000 tus mus pab kom sawv daws muaj peev xwm sau tau daim ntawv txheeb pej xeem no. Xyoo 2021 ces yeej muaj tej neeg ua hauj lwm no tau mus ntoj ncig rau tej chaw deb txog li 10 million kilometres thoob plaws teb chaws Australia no.
Liz Allen ces yog ib tug kws paub txog teeb txheeb tej pej xeem ntawm tsev kawm qib siab Australian National University lub chaw teeb txheeb Centre for Social Policy Research tau hais tias:
"Tej neeg no yeej muaj neeg txum tim Aboriginal thiab Torres Strait Islander tej zejzog nrog uas ABS tej neeg khaws tej xov xwm no yuav mus coob thiab mus nrog tej neeg zejzog tham txog cov kev txheeb pej xeem, thiab qhia tias cov kev txheeb pej xeem no yog dab tsi thiab teb ib co lus nug twg uas tej neeg nug txog."
Tsis tas li ntawd los kuj muaj tej xov xwm qhia txog cov kev txheeb pej xeem ua 25 hom lus thiab yeej muaj cov kev txhais ntawv thiab txhais lus pub dawb coj los pab tej neeg sau ntawv txheeb pej xeem.
Tab sis yog tias yus tab tom ntoj ncig mus rau lwm qhov chaw rau hmo txheeb pej xeem ne yuav ua li cas?
Yog tias ib tug neeg twg tab tom yuav mus ntoj ncig ntawm Australia rau hmo zwj thaj tim 11/08/2026 ces lawv tseem yuav tau sau daim ntawv txheeb pej xeem no thiab.
Ces thiaj suav ib tug twg uas yuav mus ntoj ncig rau hmo txheeb pej xeem tsis hais yuav caij tsheb ciav hlau mus deb, yuav caij tsheb me, yuav caij dav hlau (suav tej fij dav hlau red-eye flights ntawm Perth thiab tej ntug hiav txwv sab hnub tuaj), thiab yuav caij tsheb mus kev deb uas mus nres rau ib qho chaw twg los yog tseem tab tom taug kev.
Tej neeg yuav tsum tau qhia tej xov xwm tias seb lawv tab tom so qhov twg los yog seb puas yog lawv tab tom hloov caij dav hlau txuas ntawm ib qho chaw twg mus rau lwm qhov chaw.
Yog tias muaj ib tug neeg Australia nyob txawv teb chaws rau hmo txheeb pej xeem tim 11/08/2026 ces tus neeg ntawd tsis tas sau daim ntawv txheeb pej xeem.
Tab sis yog muaj ib tug twg tab tom sau daim ntawv txheeb pej xeem ntawm lawv qhov chaw nyob uas ib txwm nyob, ces yuav tau teev tias tus neeg ntawd 'mus ntoj ncig' lawm tab sis yeej ib txwm nyob ntawm lub tsev ntawd.
Koj puas yuav raug nplua yog tsis sau daim ntawv txheeb pej xeem?
Raws li Australia tsab cai 1905 Census and Statistics Act teev tseg ces txhua tus neeg yuav tsum tau sau daim ntawv txheeb pej xeem no.
Yog tias ib tug twg tsis sau daim ntawv txheeb pej xeem no thaum nom tswv taw qhia kom sau, thiab lawv tau txais ib daim ntawv taw qhia kom lawv sau tab sis tsis kam sau, ces lawv yuav raug txim thiab yuav raug nplua ib hnub twg txog li ntawm $364.
Thiab raws li ABS hais ces yog tias yus yeej paub tab sis txhob txwm dag los yog sau tej xov xwm cuav ces yuav yog ib co kev ua txhaum thiab tej zaum kuj yuav raug nplua nyiaj txog li ntawm $3,640.
Mloog tau xov xwm tshiab ntawm SBS Hmong, download SBS Adio app, caum SBS Hmong ntawm Facebook,mloog tau Youtube, Spotify, Podfollow, iHeart Radio, Google Podcast thiab Apple Podcast.
