Lub caij neeg Australia mus holidays rov qab los tsev thiab rov qab los ua lub neej li ua txhua hnub lawm, ces yeej muaj coob leej ntau tus tsis tshua tau nyiaj siv tom qab lub caij Christmas dhau mus lawm.
Cov kev siv nyiaj ntau heev rau lub caij holiday yog tej yam ua tau yooj yim heev thiab yuav ua rau tej neeg txhawj heev thiab ntxhov siab heev thaum lawv ras tias tseem tiv nuj nqes ntau npaum li cas.
Tab sis Helen Baker uas yog ib tug financial advisor tau hais ces yog tej yam tseem ceeb heev uas yuav tau kub siab tiag los daws kiag tej nuj nqes no.
Ms Baker hais tias "Yog tias koj tseem tsis tau kub siab txog, ces yeej yuav tsis muaj dab tsi pauv hloov li thiab ntev ntxiv tuaj ces haj yam yuav ua rau koj muaj teeb meem ntau tuaj ntxiv xwb."
Txuas ntxiv no yog 10 txoj xub ke yuav pab koj tswj/daws koj tej teeb meem nyiaj txiaj kom tau nyiaj rau koj.
1. Muag tej khoom plig los yog lwm yam khoom ntawm koj lub tsev uas koj tsis xav yuav
Tsis yog txhua yam khoom plig uas koj tau rau lub caij Christmas yog tej yuav muaj txiaj ntsim rau koj los yog tej yam uas koj nyiam, thiab Baker tau hais tias muaj peev xwm coj tej khoom no mus muag hauv Facebook Marketplace.
Baker tau hais tias "Ces mam siv tej nyiaj uas koj tau los ntawm cov kev muag tej khoom ntawd coj mus them koj tej nuj nqes credit cards los yog them tej nqe Buy Now Pay Later,"
"Sawv daws yeej xav muab ib qho khoom plig rau ib tug twg ... tab sis tej neeg [Yeej ib txwm] tsis muaj chaw txaus khaws tej khoom ntawd cia, los sis tej khoom ntawd tsis yog tej uas yus xav tau."
Yus yeej muaj peev xwm muag lwm yam khoom ib puag ncig yus tsev uas yus tsis xav yuav lawm, kom tsis txhob ti tsev thiab kom muaj tej chaw seem siv rau tej yam khoom tshiab uas tej zaum yus tau.
2. Xub xub them yus tej nuj nqes uas tiv ntau ua ntej tshaj plaws tso
Yog tias yus tiv nuj nqes siv credit cards ntau heev, ces Baker tau taw qhia tias kom kav tsij them tej nuj nqes uas yuav tau them paj kim tshaj plaws ua ntej tso.
Nws hais tias "Ua tib zoo xyuas kom yus them tej nuj nqes txhua yam ntawd ib yam them me ntsis, tab sis xav kom xub them [tej nuj nqes uas tau them paj kim tshiaj plaws ua ntej tso].''
Nws tau hais tias yog tej yam tsim nyog uas yuav tau txheeb yus tej kev siv nyiaj lub hlis tom ntej no, thiab xam seb yuav txuag tau nyiaj ntau npaum li cas coj los them tej nuj nqes no kom them tas sai sai kiag.
Nws tau hais tias "Yog tias koj yuav tau them paj 6 feem pua rau tej nyiaj qev yuav tsev tab sis koj tej nuj nqes siv credit card yuav tau them paj 20 feem pua ... ces xav kom koj sim thiab xyuas seb ho puas yuav siv tej nyiaj ntawm koj cov offset account los yog siv koj cov redraw coj mus them tej nuj nqes ntawm kom tag sai npaum li sai tau."
3. Siv cov zero (0) per cent balance transfer kom tau txais txiaj ntsim rau yus
Yeej muaj tej txhab nyiaj ntau lub yeej muaj cov zero (0) interest rate balance transfer kom lawv tau tej customer tshiab coj lawv tej nuj nqe credit card mus tiv nrog ib lub tuam txhab tshiab es yus mam them rov qab. Ua tej zaum lawv yeej mub lub sij hawm ntau hli los yog tej zaum ntau xyoo rau yus yam tsis tau them paj dab tsi.
Baker tau hais tias tej no thiaj tseem ceeb heev yog tias yus them yus tej nuj nqes tag lawm ces tsis xav kom pheej rov qab mus tiv nuj nqe ntxiv.
Nws tau hais tias "Yus yuav tsum tau siv tej cib fim no coj los them yus tej nuj nqes kom tag sai npaum li sai tau."
Yus yeej muaj peev xwm hu rau yus lub txhab nyiaj thiab hais kom lawv muab tso rau cov nuj nqe uas tau them paj tsawg dua los sis yog tshem yus daim credit card uas tiv tej nuj nqes ntawd mus siv cov services uas tau txais txiaj ntsim zoo dua rau yus.
Cov kev muab yus tej nuj nqe hloov mus ua tej nyiaj yus qev siv rau ntiag tug (Personal loan) kuj yog ib txoj xub ke thiab, vim tias nws yuav yuam kom yuav tau them kom tag rau ib lub caij twg thiab yus yeej tsis muaj peev xwm yuav tsub nuj nqe ntxiv rau.
4. Rov qab txheeb tej nyiaj yus qev yuav tsev thiab yuav tsheb
Vim tsis paub tias xyov puas yuav txo kab theem paj sai sai no thiab, ces thiaj yog ib lub caij zoo rau yus rov qab los txheeb tej nyiaj yus qev yuav tsev seb puas muaj tej xub ke twg rau yus refinance.
Raws li lub koom haum Canstar uas piv cov kev siv nyiaj txiaj hais, ces tus kab theem paj variable rate uas xam raws tus zauv nrab rau lub 12 hlis ntuj (2025) yog 5.51 feem pua.
Yog tias yus them ntau dua los yog tsawg dua tus paj no, ces nrog yus lub txhab nyiaj tham kom seb lawv puas muab tus kab theem paj zoo dua rau yus los sis mus nrhiav dua lwm lub txhab nyiaj siv.
Tej zaum txog caij lawm uas seb yus puas muab tej nuj nqes nyiaj qev yuav tseem qee feem coj mus them raws li tus kab theem paj uas them ruaj li qub, vim Canstar pom tias yeej muaj ib txhia txhab nyiaj siv cov fixed rates qes dua 5 feem pua rau lub caij uas muaj kev kwv yees ntau yam tias yuav nce kab theem paj xyoo no.
Tab sis Sally Tindall uas yog Canstar tus neeg tawm tswv yim txog tej xov xwm (data insights director) tau hais tias yog tej yam tseem ceeb rau cov kev yuav tau ua tib zoo txheeb tej zauv no kom ntxaws ntxaws thaum siv cov fixed rate thiab xav kom yus yuav tau nrhiav ntau cov txhab nyiaj coj los sib piv seb qhov twg zoo dua, vim nyias yeej siv nyias cov rates sib txawv.
Baker said refinancing a mortgage or car loan could free up cash flow you can use to pay off other debts, such as credit card debt.
Thiab tej zaum kuj tsim nyog yus muab tag nrho yus tej nuj nqes los sau ua tib pob xwb, kom yus tsuas tau them tib zaug xwb, thiab siv tej nyiaj seem uas yus muaj ntawd coj los them ntxiv kom yus them tej nuj nqes ntawd kom tag sai npaum li sai tau. Tej zaum lub tswv yim no kuj yuav pab yus txuag kom tsis txhob tau them tej nqe ib xyoos ib zaug twg rau ib hom nuj nqes twg thiab.
Tab sis tej txheej txheem lij choj uas yuav tau ua thaum yus them tsev tag los kuj yog tej kim heev thiab, txawm li cas los Baker tau hais tias yog tej yam tseem ceeb yuav tsum tau txheeb tag nrho tej nqe cuam tshuam thiab ua tib zoo txheeb xyuas seb puas tsim nyog ua thiab.
5. Nrhiav kom tau nyiaj rau ib lub caij luv luv
Baker tau hais tias yog xav them nuj nqes kom tag sai dua ces yeej muaj ntau txoj xub ke luv luv rau ib lub caij twg coj los khwv nyiaj rau yus txheeb thiab, piv txwv li tej zaum yus kuj ua cov hauj lwm Airtasker uas raug coj mus haub tau yaum.
Nws tau hais tias "Tsis yog tias yus yuav ua tej hauj lwm no mus ib txhis, [tsuas yog yus] xav them kom tag tej nyiaj nuj nqes tam sim no uas pheej ua rau 'muaj teeb meem rau yus xwb''.
"Tsis tas li ntawd los tam sim no yeej muaj neeg xav tau txais kev pab ntau yam thiab — rau qhov tej neeg tseem mus holidays — ces tej zaum lawv kuj xav tau neeg coj lawv tej dev mus taug kev los yog saib xyuas lawv tej vaj zaub, los sis tu vaj tu sev, los sis dho tej roj tog uas yuav ntawm Ikea los, ces thiaj tseem muaj tej hauj lwm no rau yus ua."
6. Txheeb yus cov subscriptions
Yog tej yam yooj yim heev uas yus muaj peev xwm yuav ib co subscriptions twg siv — tsis hais tej program saib ua kev lom zem li Netflix, fitness apps los yog media sites — thiab yus cia li tsis nco qab txog lawm.
Ricardo Goncalves uas yog SBS tus neeg nthuav xov xwm txog nyiaj txiaj xav kom yus txheeb tias yus them npaum li cas tiag (li txheeb tau yus daim credit card statements, kom yus thiaj paub tias seb yus pheem them ib yam dab tsi tab sis tsis nco qab txog lawm) thiab txheeb tias seb yus puas tseem xav siv tiag.
Tej zaum kuj saib seb puas tsim nyog yus hloov yus cov subscription kom txawv tej yus saib tam sim no li cas thiab.
Goncalves tau hais tias "Ib txhia subscription kuj muaj cov pheej yig zog thiab yog tias yus kam saib qee cov kev haub tau yaum thiab."
Yus kuj muaj peev xwm hloov siv tej subscriptions kom yus tsis txhob tau them tag nrho tej subscriptions rau tib lub caij thiab. Piv txwv li tej zaum yus kuj saib Netflix peb hlis, txuas ntxiv ntawd ces kuj muab cov subscription no cheem cia thiab siv lwm cov subscriptions rau ntau ob peb lub hlis ntxiv tom ntej no.
Yog tias koj xav txuag nyiaj kom ntau tshaj ntxiv ces koj muaj peev xwm mus mloog thiab saib tau ntxiv ntawm
SBS On Demand.
7. Siv koj cov reward points
Ib co txiaj ntsim uas tau los ntawm cov kev yuav khoom ntau heev rau lub caij Christmas thiab holiday ces kuj pab kom yus tau cov reward points raws lawv cov loyalty schemes thiab.
Canstar pom tias yog yus muaj 100,000 Everyday Rewards los yog cov Flybuys points ces yus kuj yuav txo tau tej nqe yuav khoom ntawm Woolworths los yog Coles txog li $500 tsis tau them thiab.
Txawm tias thaum yus muaj tej reward points ntau tuaj ntxiv thiab ua rau yus zoo siab, los yog tias yus tsis siv ces kuj yuav tsis tau txais tej txiaj ntsim no rau ib lub caij twg lawm thiab.
8. Txheeb yus tej nyiaj uas yus tseem tsis tau claim
Goncalves tau hais tias tsoom fwv xeev NSW tseem muaj tej nyiaj txog li $300 million uas tseem tsis tau muaj tej neeg mus claim, thiab lwm cov xeev los kuj tseem muaj khaws tej nyiaj uas yuav tau thim rov qab rau lawv tej neeg thiab.
Tej nyiaj no tej zaum kuj yog tej nyiaj uas tej lagluam tsis muaj peev xwm sib txuas lus nrog yus vim yus tau tsiv chaw, hloov npe los yog lawv uas yus tej ntaub ntawv ploj lawm.
To check if you have unclaimed money, you can use the unclaimed money search on ASIC's Moneysmart website.
You can also check state databases on the relevant websites below:
— NSW
— Victoria
— ACT
— Tasmania
9. Txuag kom tsis txhob tau them tej nqe ntau
Canstar cov kev teeb txheeb tshawb tau tias ib yig neeg uas muaj 4 tug neeg yeej siv nyiaj $260 ib limtiam twg los yuav zaub mov noj uas tej zaum kuj yuav muaj peev xwm txuag tau nyiaj ntau tshaj $2,000 ib xyoos twg yog yus hloov mus yuav tej khoom ib nrab uas yus yuav noj raws lim tiam ntawd mus yuav tej pheej yig dua ntawm supermarket.
Lwm cov tswv yim txuag nyiaj yuav khoom noj ces yog npaj tias ib liamtiam twg peb yuav npaj tej pluas hno li cas noj ntawm ib lub limtiam kom tsis txhob nkim, thiab kom yus ua yus tej zaub mov tshiab noj tsis txhob mus yuav tau zaub mov uas twb tau xub npaj tiav los noj, thiab siv cov recipes uas tsuas siv tej khoom tsawg yam coj los ua noj, thiab ua kom ntau kom yus thiaj muaj tej khoom noj no seem rau yus noj txuas ntxiv.
Goncalves kuj xav kom yus txheeb yus tej nqe siv hluav taws xob thiab seb puas muaj tej tuam txhab uas yus them pheej yig dua thiab. Tsoom fwv Australia yeej muaj nws lub vas sab Energy Made Easy rau yus piv tej tuam txhab muag hluav taws xob seb lub twg pheej yig dua uas muaj peev xwm pab yus thiab.
Tsis tas li ntawd los tej Family vouchers uas coj los txhawb nqa tej lagluam thiab tej niam txiv los kuj yog ib txoj xub ke zoo pab yus txuag nyiaj thiab.
Tab nrho tej nom tswv xeev nyias yeej muaj nyias ib co vouchers coj los txhawb nqa kom zej tsoom mus koom tej koom txoos ua kev lom zem li kev sib tw (sports), arts thiab tej koom txoos kab lis kev cai. Feem ntau mas muaj hom phiaj pab rau tej me nyuam yaus, tab sis Tasmania los kuj muaj ib co vouchers rau Australia tej laus neeg thiab.
Tsis tas li ntawd los yeej muaj tej vouchers ntau yam no tau raug rov qab coj los pab rau tej neeg rau thaum pib xyoo tshiab thiab. Koj yeej muaj peev xwm txheeb tau tej no raws li tej vas sab ntawm cov xeev no:
— NSW — Victoria — Queensland — South Australia — Western Australia — Tasmania — Northern Territory
Queensland los kuj muaj cov $100 back-to-school boost voucher, thiab tej cuab yig ntawm Northern Territory los kuj muaj peev xwm tau nyiaj txog li $200 rau ib tug tub kawm twg uas muaj cai tau tej nyiaj no thiab.
10. Siv tej freebies
Niaj hnub no ces tej chaw saib ntawv (libraries) yeej muaj tej khoom ntau yam pub rau tej neeg tsis hais me nyuam yaus tej khoom ua si (toys) thiab tej ntawv kaw ua suab (audiobooks) los yog tej yeeb yaj kiab digital (digital movies), cov phau ntawv xov xwm, tej ntawv thiab tej xov xwm nrog rau cov kev pab cuam ntau yam rau tej me nyuam.
Tsis tas li ntawd los kuj tseem muaj tej tsev khaws ntawv tej twj uas pab kom yus muaj peev xwm qev tej ntaiv, tej twj txiav ces kaum, tej kaw txiav khoom (circular saws) thiab tej twj nqus tsev, tu tsev, tej twj siv ua vaj zaub, tej twj siv ntawm tej chaw ua noj ua haus, tej twj mus pw hav zoov thaum mus nuv ntses (txawm li cas los ntshe tej zaum koj yuav tau subscribe rau qee cov services no mas thiaj tau siv).
Thiaj tsim nyog koj txheeb ntawm koj tus nom tswv zos tej vas sab seb puas muaj ib co programs siv daws coj los pab rau nws tej neeg zejzog.
Tej chaw li Facebook Marketplace los yog local buy/swap/sell pages los kuj muaj tej khoom ntau yam uas pub dawb rau tej neeg thiab.
Disclaimer:
Tej xov xwm ntawm zaj xov xwm no tsuas coj los qhia ua kev paub xwb tsis yog ib co financial advice. Tsim nyog koj sab laj nrog ib tug financial advisor uas muaj ntaub ntawv raug cai ua tau tej hauj lwm no los pab kom tej kev txiav tsim siab kom siv tau haum raws li qhov koj xav tau.
Mloog tau xov xwm tshiab ntawm SBS Hmong, download SBS Adio app thiab caum SBS Hmong Facebook page.
