Tsuas tshuav sij hawm tsis ntev lawm xwb uas twb yuav pib sib tsoom fwv tsab cai txwv tsis pub tej me nyuam yaus hnoob nyoog qed dua 16 xyoo siv social media uas sawv daws tos los ntev lawm.
Yuav siv cov kev txwv Australia tej me nyuam no kom lawv tsis txhob tsim los yog kom tsis txhob muaj peev xwm siv lawv ntau cov social media account ntawm tej social media platforms, suav Instagram, Snapchat thiab Facebook.
Annika Wells uas yog tus nom tswj dej num sib txuas lus (Communications Minister) yeej tau hais tas los rov qab hais dua ntxiv tias cov kev txwv no tsuas coj los pov puag tej me nyuam yaus kom tsis txhob raug tsub nias thiab kom tsis txhob raug teeb meem dab tsi thaum lawv log in mus siv lawv tej social media accounts, thiab hais tias ''tsuas yog tej yam uas chaw tab kaum rau ib ntus luv luv xwb tab sis yuav tau txais txiaj ntsim ntau yam ntev ntxiv tuaj."
Muaj ib txhia kws los kuj muaj cov kev xav sib cov nyom txog tej xwm txheej no thiab hais tias, cov kev txwv no
yeej muaj qhov zoo thiab qhov phem ntau yam, hos lwm cov neeg ces cav tias social media yog ib co twj tseem ceeb rau tej hluas siv.
Thaum twg mam pib txwv tsis pub siv social mdia thiab yuav muaj teeb meem rau leej twg?
Yuav piv txwv tej me nyuam yaus hnoob nyoog qes dua 16 xyoo tsis pub siv ib co social media account natem ntau cov social media platforms txij hnub tim 10 lub 12 hlis ntuj xyoo 2025 lawm.
Meta twb tau qhia meej lawm tias tej neeg siv uas muaj hnoob nyoog qes dua 16 xyoo uas mua ntoj ncig txawv teb chaws rau ib lub caij luv luv los yeej tseem yuav raug txwv tsis pub siv Facebook thiab Instagram lawm thiab.
Tej neeg uas thov tau tej visa tuaj nyob ib ntus li tub kawm pej kum haiv ces tau muaj ib tug kis ntawm eSafety Commissioner tau hais tias tsab cai no yeej siv los txwv tej me nyuam hnoob nyoog qes dua 16 xyoo tam li yog ''cov neeg muaj chaw nyob ruaj" ntawm teb chaws Australia, thiab tej neeg siv yuav tsum paub tias tej zaum lawv tej account yuav raug txheeb seb puas yuav raug txwv.
Meta tus kis tau hais tias ntshe tej zaum yuav tsis txwv tej hluas tuaj holiday ib ntus luv luv rau Australia siv lawv tej accounts dab tsi.
Tus kis no tau hais tias "Txawm li cas los yog tias lawv nyob rau ib lub caij ntev loos ntawm Australia li kawm ntawv ntev, ces yuav txwv tsis pub lawv siv thiab."
Yuav txwv tej apps dab tsis tsis pub tej me nyuam yaus siv ntawm Australia?
Tus nom Anika Wells yeej tau txiav txim tias yuav tsum yog ib co app raws li nws tau teev tseg li yog cov pab kom tej neeg siv tau sib txuas lus nrog lwm tus, sib cuag tau nrog lwm tus thiab tso tau ib yam dab tsi rau lub app ntawd.
Txij tim 21 lub 11 hlis ntuj (2025) ces Julie Inman Grant uas yog tus coj lub koom haum eSafety commissioner tau txaiv txim siab los txwv ntau cov social media platforms raws li hauv qab no:
— Facebook
— Instagram
— Kick
— Reddit
— Snapchat
— Threads
— TikTok
— Twitch
— X
— YouTube
Puas yuav txwv ntau cov app ntxiv rau Australia cov kev txwv tsis pub siv tej social media?
Tej platforms no tseem yuav tsis tau raug txwv tam sim no:
— Discord
— GitHub
— Google Classroom
— LEGO Play
— Messenger
— Pinterest
— Roblox
— Steam and Steam Chat
— WhatsApp
— YouTube Kids
Inman Grant hais tias daim list no yeej muaj kev pauv hloov tas mus li, txhais tias tej zaum yeej yuav muab tej platforms ntau lub txwv ntxiv thiab, hais tsi ntsees rau lub caij txwv uas pheej ua rau tej me nyuam tib mus siv ib lub social media platform twg coob.
Kuj muaj ntau cov apps uas me zog uas tsis raug txwv yog cov uas tej me nyuam nyiam tig mus siv ntau tuaj ntxiv lawm.
Tej app no yog Lemon8, uas yeej tau pom zoo tias yuav txwv tsis pub tej hluas hnoob nyoog qes dua 16 xyoo los yog hnoob nyoog siav tshaj ntawd siv txij hnub zej Feej (Wednesday) mus.
Hos yuav txheeb tej neeg tej hnoob nyoog li cas ntawm tej social media platforms?
Thaum kawg ces kuj tsuas nyob ntawm seb lub platform ntawd puas txiav txim siab tias seb puas yuav txheeb tej neeg siv tej hnoob nyoog xwb. Txawm li cas los tsoom fwv yeej hais tias tsis xav kom txheeb tib co ID nkaus xwb.
Meta uas yog lub tuam txhab tswj Facebook thiab Instagram los kuj yeej tseem tsis tau qhia meej tias lawv yuav txheeb tej hnoob nyoog li cas. Txawm li cas los lawv yeej tau ceeb toom qhia rau tej neeg siv hnoob nyoog 13-15 xyoo lawm tias yuav muab lawv tej account kaw.
Ces thiaj yuav muaj 150,000 tus neeg siv Facebook thiab muaj 350,000 siv Instagram tej accounts yog cov yuav rau txwv tsis pub siv ntxiv.
TikTok tau hais ib co ncau lus tias nws yeej tau siv ''ib co tswv yim ntau tshooj uas siv tej technology thiab siv tib neeg los txheeb tej accounts uas tej zaum tej hluas siv tsis qhia lawv tej hnoob nyoog tiag."
Snapchat los yeej tau qhia rau nws tej neeg siv tias nws yuav siv cov k-ID coj los txheeb tej me nyuam tej hnoob nyoog ntawm nws lub platform los yog yuav siv lub vas sab ConnectID coj los txheeb tej xov xwm. Tsis tas li ntawd los tej neeg siv yeej muaj peev xwm siv tsoom fwv tej photo identification thiab.
Kick los kuj yuav siv cov k-ID technology, ua ke no los YouTube yeej tau hais tias nws yuav txheeb tej hnoob nyoog ntawm tej Google account los yog siv lawm yam xub ke.
Tej me nyuam puas muaj peev xwm nrhiav xub ke lug kom siv tau social media rau lub caij txwv lawv?
Tej zaum tej social media platforms kuj yuav raug nplua txog li ntawm $50 million thiab yog tias lawv ''tsis ua tib zoo los npaj tej txheej txheem txwv raws li qhov tsim nyog'' coj los tiv thaiv kom tej me nyuam hnoob nyoog qes dua 16 tsis txhob muaj peev xwm siv.
Raws li eSafety tau teev lawm ces yuav tsum yog ib co tswv yim tiv thaiv kom tej me nyuam tsis txhob siv tau ntaub ntawv qhia cim thawj cuav, tej twj AI thiab tsis txhob siv virtual private networks (VPNs) kom zoo li lwm tus pheej xav tias lawv nyob txawv teb chaws.
Tsis tas li ntawd los tej platforms kuj yuav siv lwm txoj xub ke los txheeb li seb tej ib tug twg ua ntawd puas muaj ntsis sib xws li tej teej kawm ua, los yog cov kev sib ntsib sib cuag thiab sib txuas lus ntawm lwm tus hluas hnoob nyoog qed dua 16 xyoo, yuav txheeb tej lus tej hluas siv thiab yuav txheeb tej style uas tej neeg siv seb zoo li cas.
Tsis tas li ntawd los lawv kuj tseem yuav siv qhov chaw li IP address, tej lus siv ntawm hom twj siv thiab cov kev teeb sij hawm thiab ib tug xov tooj siv ntawm teb chaws Australia ua cov los pab txheeb thiab.
Tej niam txiv thiab tej me nyuam puas yuav raug nplua yog tias tej me nyuam tseem siv tau ib phaum social media account?
Yuav tsis rau txim dab tsi rau tej me nyuam yaus, tej niam txiv, los yog tej neeg tu tsom kwm tej me nyuam. Tsoom fwv yeej tau qhia tias tsab cai los txwv cov hnoob nyoog no tsuas yog txhawb nqa kom tej social media platforms muaj lub luag hauj lwm ntau tshaj qub los xyuas kom tej me nyuam tau txais kev nyab xeeb xwb.
Yog li ntawd ces tej platforms thiaj yuav yog cov raug nplua nyiaj txog li ntawm $50 million xwb yog tias lawv tsis npaj tej txheej txheej los siv raws li tej kev pauv hloov uas tsoom fwv tau npaj tseg.
eSafety commission los kuj tau ceeb toom tias yog tias yog tias tseem muaj neeg hais kom koj tej me nyuam hnoob nyoog qes dua 16 xyoo them nyiaj vim raug nplua vim siv tej social media thiab ces yog ib co neeg phem ntxias dag yus xwb (Scam xwb).
Share
