Ntsiab lus tseem ceeb:
- Tej nom tswv xeev nyias yeej muaj nyias tej cai tswj cov kev nuv ntses ua kev lom zem, uas yeej muaj peev xwm txheeb tau hauv online, los yog ntawm nom tswv tej apps thiab.
- Yuav raug nplua hnyav yog tseem yuam tej cai no, thiab cov kev tsis ua raws tej cai tswj kev nyab xeeb kuj yuav ua rau yus raug kev phom sij thiab tas sim neej tau.
- Cov kev nuv ntses yog ib feem ntawm Australia tej kab lis kev cai thiab tab sis yeej muaj ntau cov kev cia siab tias tej neeg yuav tau kub siab nuv raws li qhov tsim nyog nuv, pov puag tej ntses thiab hwm tej chaw uas mus nuv ntses ntawd thiab.
- Tej neeg nyiaj nuv ntses npaum li cas ntawm Australia?
- Tej xeev muaj tej cai dab tsi tswj cov kev nuv ntses?
- Koj puas yuav tau yuav ib daim ntawv nuv ntses ntawm Australia?
- Muaj cov kev lees paub neeg txum tim tej cai nuv ntses li cas?
- Muaj cov kev phom sij dab tsi ntawm cov kev nuv ntses uas yuav tsis tau txais kev nyab xeeb?
- Tej luag hauj lwm ntawm cov kev nuv ntses yog dab tsi?
Cov kev nuv ntses ua kev lom zem yog tej yam uas tau muaj tej neeg nyiam ua ntau tuaj ntxiv ntawm teb chaws Australia lawm, thiab yog ib co ntawm ntau cov uas tau muaj neeg nyiam ua ntau tuaj ntxiv rau lub caij 20 xyoo dhau los no.
Nin gadanaya xadhigga kalluumaysiga Credit: aywan88/Getty Images
Tej neeg nyiaj nuv ntses npaum li cas ntawm Australia?
Cov kev nuv ntses ua kev lom zem rau lub caij so yog ib co uas neeg nyiam ua heev ntawm teb chaws Australia thiab tsuas yog tsawg tsawg cov ntawm ntau cov kev tawm rooj uas thiaj tau muaj neeg nyiam ua ntau tuaj ntxiv rau lub caij 20 xyoo dhau los no xwb.
Raws li Tsoom fwv Australia tau muaj ib co kev teeb txheeb loj heev xyoo 2023 ces txheeb tau tias muaj tej neeg hnoob nyoog 18 xyoo rov sauv tshaj 4 million tus mus nuv ntses ib xyoos twg.
Andy Moore uas yog ib tug kws tshawb fawb txog tej ntses thiaj hais tias ''tsuas ua cov kev teeb txheeb li no ob zaug ntawm Australia xwb", thiab nws kuj yog tus coj uas sau cov kev teeb txheeb National Social and Economic Survey of Recreational Fishers.
Nws hais tias "Qhov ua rau sawv daws xav paub heev rau cov kev teeb txheeb xyoo 2001 thiab cov kev teeb txheeb tsis ntev los no yeej tau qhia tias muaj neeg coob hauj sim txog li ntawm 20 feem pua mus nuv ntses, los sis xam tau tias txhua txhua ib tug ntawm tsib tug neeg twg mus nuv ntses, thiab txawm peb muaj pej xeem coob tuaj ntxiv los yeej tseem muaj neeg mus nuv ntses li qub no."
Mr Moore kuj hais ntxiv tias lub caij muaj tej neeg coj ntseeg kab lis kev cai ntau yam thiab hais ntau yam lus ntau tuaj ntxiv no lawv kuj mus nuv ntses thiab, tab sis yeej tseem muaj ntau phaum neeg tseem ua tej kev cai nuv ntses no txuas ntxiv thiab.
Qee cov chaw nuv ntses ntwm tej chaw muaj pob zeb raws tej ntug hiav txwv yeej muaj tej phiaj ceeb toom kom zej tsoom siv kev pov puag kom tau txais kev nyab xeeb thiaj tsis raug kev phom sij. Source: Moment RF / Simon McGill/Getty Images
Tej xeev muaj tej cai dab tsi tswj cov kev nuv ntses?
Stan Konstantaras yog tus tuam thawj tswj ntawm lub koom haum Recreational Fishing Alliance of New South Wales, uas yog lub koom haum loj uas sawv cev rau tej koom haum sib tw nuv ntses, nuv ntses dej tsuag, xuas hmuv nkaug ntses, thiab tej neeg nuv ntses thoob lub xeev no.
Nws thiaj tshab txhais tias ib lub xeev twg nyias yeej muaj nyias tej cai los tswj cov kev nuv ntses li:
- Pub yuav pes tsawg tus ntses, thiab pub yuav cov loj npaum li cas.
- Muaj tej cai los tswj ib co ntses/tsiaj nruab deg twg uas muaj tsawg tsawg.
- Muaj cai tswj tias pub koj siv tej twj nuv ntses dab tsi xwb.
- Muaj cai teev tias pub ib tug neeg twg siv pes tsawg tus pas nuv ntses thiab pub siv pes tsawg tus koob nuv ntses xwb.
- Thiab muaj ib co kev txwv sis pub siv ib co kab nuv ntses twg.
Ces yog tseem yuam tej cai no ces yuav raug nplua hnyav los yog tej zaum yuav raug txim kaw tsev laj cuj.
Thiab koj yeej muaj peev xwm txheeb tau tej caij tswj cov kev nuv ntses ntawm tej xeev hauv online, uas yeej muaj ntau lub xeev tej nom tswv yeej tsim lawv tej apps txhais ua ntau hom lus thiab.
Yuav raug nplua hnyav los yog raug kaw tsev laj cuj yog tseem yuam tej cai tswj kev nuv ntses. Credit: SteveLuker/Getty Images
- Northern Territory
- South Australia
- New South Wales
- Western Australia
- Victoria
- Tasmania
- Australian Capital Territory
- Queensland
Mr Konstantaras thiab hais tias tej chaw muag tej twj nuv ntses thiaj yog qhov chaw uas paub zoo txog cov kev nuv ntses.
Tej neeg ua hauj lwm ntawm tej chaw muag twj nuv ntses yog cov neeg paub txog tej xov xwm nuv ntses zoo, lawv yeej kub siab txog lwm tus, lawv yeej ua siab ntev thiab lawv kuj yog tej neeg nuv ntses thiab.Stan Konstantaras
Koj puas yuav tau yuav ib daim ntawv nuv ntses ntawm Australia?
Tsis yog tag nrho txhua lub xeev yuav siv ntawv tso cai nuv ntses. Piv txwv li xeev South Australia, Queensland thiab Northern Territory ces zam rau sawv daws nuv. Hos lwm cov xeev ces yuav tau thov ntawv nuv ntses siv uas yeej pheej yig xwb thiab thov tau yooj yim.
Tab sis Travis Dowling uas yog tus coj ntawm lub koom haum Victorian Fisheries Authority hais tias: Yuav tau xyuam xim ceev faj - thiab xav kom mus siv tsoom fwv tej vas sab xwb. Vim txawm muaj lwm cov vas sab los lawv yeej tsub tej nqe thov ntawv siv nuv ntses kim txog peb npaug diam.
READ MORE
#50 Let's go fishing! (Med)
Thiab ua tib zoo xyuas kom koj tsuas siv tej twj nuv ntses raws li tej cai teev rau ntawm ib lub xeev twg xwb uas yeej muaj tej cai no siv thoob teb chaws no.
Mr Dowling thiaj tshab txhais tias "Piv txwv li tej neeg pom ib co vij tsam/moo nuv ntse hauv online uas lawv yeej muaj peev xwm yuav tau, tab sis tej zaum kuj tsis muaj peev xwm siv tau raug cai ntawm xeev Victoria thiab."
Muaj cov kev lees paub neeg txum tim tej cai nuv ntses li cas?
Yeej muaj tej xeev lees paub neeg txum tim tej cai nuv ntses thiab. Thiaj xav kom koj ua tib zoo txheeb tej cai tswj cov kev nuv ntses ntawm thaj chaw ntawv thiab hwm tej neeg txum tim tej cai ntawm tej chaw tseem ceeb rau lawv tej kab lis kev cai.
Txheeb seb tej xeev ho muaj tej cai tswj cov kev nuv ntses li cas siv coj los tswj thiab lees paub neeg txum tim tej cai nuv ntses. Credit: Rafael Ben-Ari/Getty Images
Muaj cov kev phom sij dab tsi ntawm cov kev nuv ntses uas yuav tsis tau txais kev nyab xeeb?
Thiaj yog tej yam tseem ceeb uas yuav tau xyuas kom yoog raws tej cai tswj cov kev nuv ntses kom thiaj tau txais kev nyab xeeb. Hais ntsi ntsees rau cov kev nuv ntses ntawm tej ntug hiav txwv uas muaj pob zeb nplua thiab dej ntas muaj ceem heev, vim yog ib co kev phom sij tshaj plaws. Txaij xyoo 2004 - 2024 twb tau muaj 241 tus neeg poob deg tuag ntawm tej chaw nuv ntses li hais no — thiab muaj tej neeg tas sim neej no ntau tshaj ib nrab (56%) yog cov neeg yug ntawm cov teb chaws Asia raws li Royal Life Saving’s national report qhia.
Ces 20 dhau los no lub koom haum Recreational Fishing Alliance of NSW thiaj tau tsim ib co kev taw qhia tsi ntsees qhia rau tej neeg zejzog tsiv teb tsaws chaw uas pheej yog cov poob deg coob dua.
"Muaj tej tug neeg tuaj tshiab uas yeej tsis tshua paub nuv ntses cia li mus nuv ntses ntawm tej ntug hiav txwv uas muaj tej pob zeb nplua los yog muaj tej ntwv dej ntsawj muaj ceem cia li mus nuv ntses yam tsis paub tias yuav raug kev phom sij li."
Mr Konstantaras hais tias ''txawm tias tej tsho hnav pab kom yus ntab yog tej yam tseem ceeb, los qhov zoo tshaj plaws yog zoo li yuav tsis tau txais kev nyab xeeb lawm ces kom tsis txhob nuv ntses ntawm qhov chaw ntawv zoo dua."
Thiab qhov kawg uas Mr Dowling hais ces yog kom siv tej xub ke zoo pab yog tias yus tseem yog tej neeg nyuam qhuav nuv ntses tshiab xwb, thiab yuav tsum xyuas kom nuv ntses raws li qhov tsim nyog nuv xwb.
Kuv tus muam tab tom tuav ib tug ntses me ntawm nws ob txhais tes nrog lwm tus me nyuam yaus ntawm tus ntsa thaiv ntawm Port Macquarie. Source: Moment RF / Clint Mcmanus/Getty Images
Tej luag hauj lwm ntawm cov kev nuv ntses txhais tau lub ntsib lus li cas?
Cov kev ua ib tug neeg nuv ntses raws li qhov tsim nyog nuv txhais tias:
- Ua tib zoo tswj tus ntses ntawd thaum muab tso (piv txwv li., xyuas kom yus txhais tes ntub dej thiab tsis txhob tso lawv rau saum nruab nqhuab ntev heev).
- Tsis txhob coj ib co kab nuv ntses ntawm ib thaj chaw twg coj mus nuv ntawm lwm thaj chaw nuv ntses.
- Nqa yus tej khoom seem txeej (Rubbish) nrog yus mus tsis txhob pov pawg lug tso rau tom qab.
- Hwm tej chaw nuv ntses ntawm kom lwm tus tau siv thiab kom yus thiaj tau rov qab mus nuv rau yav pem suab ntxiv.
Travis Dowling uas yog tus coj ntwm lub koom haum Victorian Fisheries Authority thiaj xaus lus tias:
"Thaum koj mus nuv ntses, ces xav kom koj nco tias, 'Yog lwm zaus kuv rov qab tuaj nuv ntses ntawm no, kuv yeej xav kom tej chaw no huv si, tau txais kev pov puag thiab tsis raug txov puas tsuaj."'
Subcribe los yog caum mloog tej xov xwm kaw ua suab Australia Explained kom paub txog ntau yam xov xwm tseem ceeb thiab tej lus taw qhia koj koj pib tau lub neej tshiab ntawm teb chaws Australia.
Yog tias koj muaj ib co lus nug dab tsi los yog muaj ib co tswv yim dab tsi? Ces xa email rau peb rau ntawm australiaexplained@sbs.com.au
