ကညီဘၣ်ကီဘၣ်ခဲအဆိကတၢၢ်တဖု ဟဲတုၤဖဲအီစထြ့လယါကီၢ်ပူၤ ဖဲကီၢ်ဆၢအိးထီၣ်ကဒါက့ၤအလီၢ်ခံ

အီစတြ့လယါကီၢ် အိးထီၣ်ကဒါက့ၤ ထံဂုၤကီၢ်ဂၤအကီၢ်ဆၢသ့ၣ်တဖၣ်ဝံၤအလီၢ်ခံ ထံဂုၤကီၢ်ဂၤ ပှၤလဲၤတၢ်ဖိ လၢအဟဲနုာ်လီၤဘၣ်ကဒါက့ၤဆူ အီစတြ့လယါကီၢ်ပူၤအကျါ ပၣ်ဃုာ်ဒီး ကညီဘၣ်ကီဘၣ်ခဲတနီၤန့ၣ်လီၤ။

Naw Ta Kaw Say with her younger sister and brother. Source: SBS Karen

အဝဲသ့ၣ်တဖၣ် မ့ၢ်ကညီဘၣ်ကီဘၣ်ခဲလၢ အအိၣ်ဟဲန့ၢ်လၢ နိၣ်ဖိဒီး မဲၢ်လး ပှၤဘၣ်ကီဘၣ်ခဲဒဲကဝီၤ ဖဲကီၢ်ကၠီၣ်တဲၣ်ဒီး ကီၢ်ပယီၤကီၢ်ဆၢသ့ၣ်တဖၣ်န့ၣ်လီၤ။

ပှၤဟဲတုၤသီသ့ၣ်တဖၣ်အကျါပၣ်ဃုာ်ဝဲဒၣ်ဒီး နီၣ်တကီစ့ အဒီပုၢ်ဝဲၢ် ၃ဂၤ လၢအမ့ၢ်ပှၤဟဲန့ၢ်လၢ နိၣ်ဖိဒဲကဝီၤန့ၣ်လီၤ။

ဘၣ်ဃးဒီး အဝဲသ့ၣ် တၢ်ဟဲကီၢ်ချၢတဘျီအံၤအဂ့ၢ်န့ၣ် နီၣ်တကီစ့ တဲဘၣ်ဝဲဒၣ် အဲးစ်ဘံအဲးစ်ကညီကျိာ်တၢ်ရဲၣ်တၢ်ကျဲၤ ဒံးအံၤန့ၣ်လီၤ။