ທີ່ຢູ່ອາສັຍ ສາທາຣະນະ ແລະຊຸມຊົນ ທໍາງານແນວໃດ ໃນອອສເຕຣເລັຍ.

ໃນປະເທດອອສເຕຣເລັຍ. ມີເຮືອນເຊົ່າ ທີ່ຣັດຖະບານຊ່ວຍເຫຼືອ ສໍາລັບຄອບຄົວທີ່ມີສິດ. ການປະເມີນ ແມ່ນອີງໃສ່ຄວາມຈໍາເປັນພາຍໃຕ້ເກນທີ່ແຕກຕ່າງກັນໄປ ຕາມຣັດ ຫຼືເຂດປົກຄອງຂອງທ່ານ. ນີ້ຄື ສິ່ງທີ່ຄາດຫວັງ ເມື່ອສມັກຂໍຄວາມຊ່ອຍເຫລືອ ດ້ານທີ່ຢູ່ອາສັຍ ທີ່ແຕກຕ່າງກັນ, ຄວາມເຂົ້າໃຈຜິດບາງຢ່າງ ກ່ຽວກັບທີ່ຢູ່ອາສັຍເພື່ອສັງຄົມ (Social Housing) ແລະບ່ອນທີ່ຈະຂໍຄວາມຊ່ອຍ

There is a diversity of residents in social housing just as in other forms of housing. Source: Getty / Yanzisland

ຈຸດສຳຄັນ:

• ຄວາມຕ້ອງການ ມີຫລາຍກວ່າການສນອງ ສໍາລັບທີ່ຢູ່ອາສັຍ ເພື່ອສັງຄົມ (Social Housing) ທົ່ວອອສເຕຣເລັຍ.
• ທຸກຣັດ ຫລືເຂດປົກຄອງ ມີທະບຽນສໍາລັບທີ່ຢູ່ອາສັຍ ທາງສັງຄົມ(Social Housing) ຂອງຕົນເອງ.
• ຜູ້ຊ່ຽວຊານກ່າວວ່າ ທຸກຄົນສາມາດພົບວ່າ ຕົນເອງຢູ່ໃນຄວາມກົດດັນ ເລື່ອງການເຊົ່າເຮືອນ.
• • ທີ່ຢູ່ອາສັຍ ລາຄາບໍ່ແພງ ຫມາຍເຖິງໂຄງການເຊົ່າເຮືອນ ທີ່ໄດ້ເງິນອຸດໜູນ ຊຶ່ງຢູ່ລະຫວ່າງ ລະບົບທີ່ຢູ່ອາສັຍທາງສັງຄົມ ແລະ ຕລາດເອກກະຊົນ.

• ທີ່ຢູ່ອາສັຍທາງສັງຄົມ (Social Housing), ທີ່ຢູ່ອາສັຍສາທາຣະນະ(Public Housing) ແລະທີ່ຢູ່ອາສັຍຊຸມຊົນ (Community Housing) ແມ່ນຫຍັງ?
• ໃຜສາມາດເຂົ້າເຖິງ ຄວາມຊ່ວຍເຫຼືອ ທາງດ້ານທີ່ຢູ່ອາສັຍໄດ້?
• ຜູ້ຍ້າຍຖິ່ນຖານໄປຢູ່ອອສເຕຣເລັຍ ມີສິດຈະໄດ້ຮັບ ທີ່ຢູ່ອາສັຍທາງສັງຄົມ (Social Housing) ຫຼືບໍ່?
• ຂ້ອຍຈະສມັກຂໍຄວາມຊ່ວຍເຫຼືອ ທາງດ້ານທີ່ຢູ່ອາສັຍ ໄດ້ແນວໃດ?
• ມີທີ່ຢູ່ອາສັຍທາງສັງຄົມ (Social Housing) ຈັກແຫ່ງໃນອອສເຕຣເລັຍ?
• ການລໍຖ້າທີ່ຢູ່ອາສັຍສາທາຣະນະ (Public Housing)ໃນອອສເຕຣເລັຍ ໃຊ້ເວລາດົນປານໃດ?
• ເປັນຫຍັງ ຜູ້ຄົນຈຶ່ງເລືອກ ຫລືຈຳເປັນ ຕ້ອງຢູ່ໃນທີ່ຢູ່ອາສັຍທາງສັງຄົມ (Social Housing)?
• ທີ່ຢູ່ອາສັຍລາຄາບໍ່ແພງແມ່ນຫຍັງ?
• ຂ້ອຍຈະສມັກ ຂໍເຮືອນລາຄາບໍ່ແພງ ໄດ້ແນວໃດ?

ຄໍາສັບ ທີ່ໃຊ້ສໍາລັບໂຄງການ ທີ່ຢູ່ອາສັຍ ທີ່ຄ່າເຊົ່າຕ່ຳກວ່າ ອາດເຮັດໃຫ້ສັບສົນ.

ຍົກຕົວຢ່າງ, ທີ່ຢູ່ອາສັຍສາທາຣະນະ (Public Housing) ແລະທີ່ຢູ່ອາສັຍຊຸມຊົນ (Community Housing) ເປັນປະເພດທີ່ແຕກຕ່າງ ພາຍໃນລະບົບດຽວກັນ.

Dr Michael Fotheringham ເປັນຜູ້ອໍານວຍການ ສະຖາບັນ the Australian Housing and Urban Research Institute ຊ່ວຍເຮົາໃຫ້ເຂົ້າໃຈ ຂໍ້ມູນພື້ນຖານ.

(Social Housing), ທີ່ຢູ່ອາສັຍສາທາຣະນະ (Public Housing) ແລະ ທີ່ຢູ່ອາສັຍຊຸມຊົນ (Community Housing) ແມ່ນຫຍັງ? "ທີ່ຢູ່ອາສັຍທາງສັງຄົມ (Social Housing), ເປັນຄໍາທີ່ລວມ ທັງທີ່ຢູ່ອາສັຍສາທາຣະນະ (Public Housing) ແລະທີ່ຢູ່ອາສັຍຊຸມຊົນ (Community Housing)," Dr Fotheringham ອະທິບາຍ. ທີ່ຢູ່ອາສັຍສາທາຣະນະ (Public Housing), ຊຶ່ງເປັນເຈົ້າຂອງ ໂດຍຣັດຖະບານຂອງຣັດ ແລະຈັດການໂດຍຣັດຖະບານຂອງຣັດ ທີ່ຢູ່ອາສັຍຊຸມຊົນ (Community Housing), ຊຶ່ງຈັດການ ແລະອາດເປັນເຈົ້າຂອງໂດຍ ຜູ້ຈັດຫາທີ່ຢູ່ອາສັຍໃນຊຸມຊົນ ທີ່ບໍ່ສແວງຜົນກຳໄລ ທີ່ທໍາງານຮ່ວມກັບຣັດຖະບານ. Public Housing Buildings in Melbourne, Australia