ທ່ານສາມາດຕິດຕາມຂ່າວສານຫຼ້າສຸດ ຈາກ ອອສເຕຣເລັຍ ແລະທົ່ວໂລກ ເປັນພາສາລາວຈາກ ເອສບີເອສ ລາວ ໄດ້ທີ່ເວັບໄຊ້ຕ໌: www.sbs.com.au/language/lao/lo/podcast/sbs-lao
ສະຖານະການຂອງຜູ້ຖືກຂັງໃນໃນຊ່ວງສົງຄາມໃນ ອີຣານ.
ທ່າມກາງສົງຄາມ ທີ່ກຳລັງທະວີຄວາມຮ້າຍແຮງຂຶ້ນໃນ Iran, ມີຄວາມເປັນຫ່ວງ ກ່ຽວກັບນັກໂທດການເມືອງຫລາຍໝື່ນຄົນ ທີ່ຖືກກັກຂັງໃນຄຸກທົ່ວປະເທດ, ບາງຄົນ ກໍປະເຊີນກັບການຖືກປະຫານຊີວິດ.
ຫົວຫນ້າຝ່າຍຕຸລາການຂອງ Iran ໄດ້ປະກາດວ່າ ຜູ້ທີ່ຢູ່ໃນປະເທດ Iranທີ່ສນັບສນູນສະຫະຣັດອາເມຣິກາ ແລະອິດສະຣາເອລ ຈະຖືກປະຕິບັດວ່າເປັນ 'ສັດຕູ'.
ເລື່ອງນີ້ ໄດ້ຖືກຜລິດໂດຍການຮ່ວມມືກັບ SBS Persian.
Niv Sadrolodabaee ລາຍງານ.
ສໍາລັບ Deniz Toupchi ທີ່ອາສັຍຢູ່ໃນ Brisbane, ແຜນທີ່ຂອງຄຸກ Evin Prison ໃນ Iran ເປັນສິ່ງທີ່ໃກ້ຄຽງທີ່ສຸດ ທີ່ນາງສາມາດຮູ້ສຶກໄດ້ ກັບເພື່ອນຂອງນາງ ທີ່ຖືກຄຸມຂັງຢູ່ຂ້າງໃນ.
ສະຖານະການຂອງຜູ້ຖືກຂັງໃນໃນຊ່ວງສົງຄາມໃນ ອີຣານ.ສໍາລັບ Deniz Toupchi ທີ່ອາສັຍຢູ່ໃນ Brisbane, ແຜນທີ່ຂອງຄຸກ Evin Prison ໃນ Iran ເປັນສິ່ງທີ່ໃກ້ຄຽງທີ່ສຸດ ທີ່ນາງສາມາດຮູ້ສຶກໄດ້ ກັບເພື່ອນຂອງນາງ ທີ່ຖືກຄຸມຂັງຢູ່ຂ້າງໃນ.
ນາງເປັນໜຶ່ງໃນບັນດາຜູ້ຄົນ ຫລາຍກວ່າ 50,000 ຄົນ ທີ່ກຸ່ມສິດທິມະນຸດ ທີ່ນາງກ່າວວ່າ ຖືກຈັບໃນລະຫວ່າງການປະທ້ວງ ຂອງປະເທດໃນເດືອນມັງກອນ.
"ໃຜກໍຕາມ ທີ່ຮ່ວມມືກັບສັດຕູ ໃນທາງໃດກໍຕາມ ຈະຖືກຖືວ່າເປັນສັດຕູ."ຫົວຫນ້າຝ່າຍຕຸລາການຂອງ Iran, Gholam-Hossein Mohseni-E'jei
"ຂ້ອຍເປັນຫ່ວງຫລາຍ ກ່ຽວກັບຜູ້ຄົນ ທີ່ໄດ້ຍິນສຽງລະເບີດຢູ່ນອກຄຸກ. ໃນສະຖານະການປົກກະຕິ, ນັກໂທດກໍຈະມີຄວາມກົດດັນສເມີ. ໃນທຸກວັນນີ້, ພື້ນຖານຂອງເຂົາເຈົ້າ ໄດ້ຖືກລົບກວນ."
Deniz ບໍ່ໄດ້ຍິນຂ່າວຈາກນາງ ນັບຕັ້ງແຕ່ອາເມຣິກາ ແລະອິດສະຣາເອລ ໄດ້ເລີ່ມປະຕິບັດການ ທາງທະຫານຮ່ວມກັນ ໃນທ້າຍອາທິດຜ່ານມາ.
ແລະນາງເປັນຫ່ວງວ່າ ເພື່ອນຂອງນາງ ອາດຖືກຍ້າຍໄປ ໂດຍກອງກຳລັງຄວາມໝັ້ນຄົງ.
"IRGC ພານັກໂທດໄປບ່ອນອື່ນ ທີ່ອາດເປັນເປົ້າຫມາຍ ຂອງສະຫະຣັດອາເມຣິກາ ແລະອິດສະຣາເອລ, ແລະເຫັນໄດ້ຢ່າງຊັດແຈ້ງວ່າ ເຂົາເຈົ້າໃຊ້ນັກໂທດ ເປັນກຳບັງມະນຸດ. ສະນັ້ນ, ນີ້ຄືຄວາມເປັນຫ່ວງຫຼັກຢ່າງຫນຶ່ງ ທີ່ພວກເຮົາມີ."
ຫົວຫນ້າຝ່າຍຕຸລາການຂອງ Iran, Gholam-Hossein Mohseni-E'jei, ໄດ້ອອກຄໍາຂູ່ ຕໍ່ຜູ້ຄົນທີ່ຢູ່ໃນ Iran.
"ໃຜກໍຕາມ ທີ່ຮ່ວມມືກັບສັດຕູ ໃນທາງໃດກໍຕາມ ຈະຖືກຖືວ່າເປັນສັດຕູ."
ອົງການສິດທິມະນຸດ ກ່າວວ່າ ເຂົາເຈົ້າຢ້ານວ່າ ນັກໂທດຈະມີຄວາມອ່ອນແອ ຫລາຍກວ່າທີ່ຜ່ານມາ.
ເພາະສະພາບການສົງຄາມ, ຜູ້ຄົນ ອາດບໍ່ໄດ້ອອກໄປຕາມຖນົນ ໃນເວລານີ້, ແຕ່ເພື່ອສ້າງຄວາມຢ້ານກົວ ທາງການອາດແກ້ແຄ້ນນັກໂທດແທນAtena Daemi, ນັກເຄື່ອນໄຫວ ດ້ານສິດທິມະນຸດຂອງ Iran ແລະອະດີດນັກໂທດການເມືອງ.
Zaki Haidari ຈາກ Amnesty International Australia ເປັນຫ່ວງວ່າການປະຫານຊີວິດ ຍັງດໍາເນີນຕໍ່ໄປ.
"ຄວາມເປັນຫ່ວງ ທີ່ຮ້າຍແຮງຂອງພວກເຮົາ ຄືການປະຫານຊີວິດ ອາດຖືກນຳມາໃຊ້ອີກ, ເພື່ອນໍາຄວາມຢ້ານກົວມາສູ່ຊຸມຊົນ, ເພື່ອຂັດຂວາງການເຄື່ອນໄຫວ ຫລືຂະບວນການ ໃນປະຈຸບັນ ທີ່ກໍາລັງເກີດຂຶ້ນ ກັບລະບອບການປົກຄອງໃນປະຈຸບັນ."
ນີ້ແມ່ນ Atena Daemi, ນັກເຄື່ອນໄຫວ ດ້ານສິດທິມະນຸດຂອງ Iran ແລະອະດີດນັກໂທດການເມືອງ.
"ເພາະສະພາບການສົງຄາມ, ຜູ້ຄົນ ອາດບໍ່ໄດ້ອອກໄປຕາມຖນົນ ໃນເວລານີ້, ແຕ່ເພື່ອສ້າງຄວາມຢ້ານກົວ ທາງການອາດແກ້ແຄ້ນນັກໂທດແທນ."
Human Rights Watch ໄດ້ບອກ SBS ວ່າ ທາງການ Iran ປິດການເຂົ້າເຖິງອິນເຕີເນັດ, ນັກໂທດເຫຼົ່ານີ້ ຍິ່ງໂດດດ່ຽວຫຼາຍຂຶ້ນ.
Human Rights Watch ກ່າວວ່າ ມັນສໍາຄັນ ທີ່ຄວາມສົນໃຈຂອງນາໆຊາດ ຈະສືບຕໍ່ເນັ້ນຫນັກ ເຖິງສະພາບທີ່ບໍ່ແນ່ນອນຂອງເຂົາເຈົ້າ ແລະຮຽກຮ້ອງ ໃຫ້ເຂົາເຈົ້າຖືກປົດປ່ອຍ ຊຶ່ງເປັນສ່ວນຫນຶ່ງ ຂອງກົດລະບຽບພາຍໃນຂອງ Iran ທີ່ອະນຸຍາດໃຫ້ປົດປ່ອຍ ຜູ້ຖືກກັກຂັງ ໃນລະຫວ່າງຄວາມຂັດແຍ້ງທາງອາວຸດ.
Mohammad Hashemi ໃນ Sydney ຮູ້ດີເຖິງຝັນຮ້າຍ ຂອງການມີຄົນທີ່ເຂົາເຈົ້າຮັກ ຖືກໂທດປະຫານຊີວິດ.
Majid Kazemi ພີ່ນ້ອງຂອງລາວ ເປັນຜູ້ປະທ້ວງທີ່ຖືກປະຫານຊີວິດ ໂດຍລະບອບການປົກຄອງ ໃນປີ 2023 ແລະບັດນີ້ ລາວເປັນຫ່ວງ ຕໍ່ຜູ້ຄົນ ທີ່ຕົກຢູ່ໃນສະຖານະການ ທີ່ຄ້າຍຄືກັນນີ້.
"ພວກເຮົາເປັນຫ່ວງແທ້ໆ ກ່ຽວກັບການສັງຫານໝູ່ຄັ້ງທີສອງ ທີ່ກຳລັງຈະເກີດຂຶ້ນ, ແລະພວກເຮົາທຸກຄົນ ຮູ້ຈັກລະບອບການປົກຄອງ ຂອງIslam ວ່າພວກເຂົາໂຫດຮ້າຍຫລາຍປານໃດ ແລະພວກເຂົາ ສາມາດເຮັດສິ່ງທີ່ຫນ້າຢ້ານກົວໄດ້ແນວໃດ. ໃນແຕ່ລະມື້, ຂ້າພະເຈົ້າຕື່ນຂຶ້ນ, ກວດເບິ່ງໂທຣະສັບມືຖື ແລະເບິ່ງຂ່າວວ່າ ມີໃຜຖືກປະຫານຊີວິດບໍ່?"
ລາຍງານໂດຍ Niv Sadrolodabaee ຂ່າວ SBS News,
ຈັດທຳໂດຍ ສັກ ພູມີຣັຕນ໌ ວິທຍຸ SBS ພາກ ພາສາລາວ.
ທ່ານສາມາດຕິດຕາມຂ່າວສານຫຼ້າສຸດ ຈາກ ອອສເຕຣເລັຍ ແລະທົ່ວໂລກ ເປັນພາສາລາວຈາກ ເອສບີເອສ ລາວ ໄດ້ທີ່ເວັບໄຊ້ຕ໌ sbs.com.au/lao
ທ່ານຍັງສາມາດ ຕິດຕາມທາງ facebook ໄດ້ທີ່ facebook.com/sbslao
