न्यु साउथ वेल्सले दैनिक सङ्क्रमणको नयाँ रेकर्ड कायम गरेको छ।
बुधवार ३५,०५४ जनामा सङ्क्रमण पुष्टि भए सँगै कोरोनाभाइरसका कारण आठ जनाले ज्यान गुमाएका छन्।
मंगलबार कोभिड–१९ पुष्टि हुनेको सङ्ख्या २३,१३१ रहेको थियो।
अघिल्लो दिनको तुलनामा यो सङ्ख्या ११,९२३ ले बढी हो।
न्यु साउथ वेल्सका अस्पतालहरूमा हाल १,४९१ कोभिड-१९ सङ्क्रमितको उपचार भइरहेको छ।
अघिल्लो दिन यो सङ्ख्या १,३४४ रहेको थियो।
महामारी पछि यति धेरै सङ्ख्यामा सङ्क्रमित अस्पताल भर्ना भएको पहीलोपटक हो।
हाल सघन उपचार कक्षमा ११९ जनाले उपचार गराइरहेका छन्।
यता भिक्टोरियामा एकै दिन १७,६३६ जनामा सङ्क्रमण पुष्टि भएको छ भने ११ जनाले कोभिड–१९ का कारण ज्यान गुमाउन पुगेका छन्।
मंगलबार राज्यमा १४,०२० जनामा सङ्क्रमण पुष्टि भएको थियो।
बुधवार बस्ने राष्ट्रिय मन्त्रीपरिषद् बैठकमा एन्टीेजेन परीक्षण किटको मूल्यका बारेमा जनचासोको विषयमा छलफल हुने बताइएको छ।
The ACCC lashes out at retailers who it says are price gouging COVID-19 rapid antigen tests. Source: STRMX
सोमबार प्रधानमन्त्री मोरिसनले निःशुल्क परीक्षण किट वितरण गर्न नसकिने बताएका थिए।
