भर्खरै गरिएको एक अध्ययनले अस्ट्रेलियाको शिक्षा क्षेत्रमा निकै ठुलो असमानता रहेको खुलासा गरेको छ । विशेष गरी सामाजिक वा आर्थिक अवस्था कमजोर भएकाहरू,आदिवासी समुदाय र ग्रामीण भूभागमा रहेकाहरू यस्ता असमानताको सिकार भएका छन् ।
समावेश विषय
- प्रत्येक तिन मध्ये एक बिद्याथी असमानताको सिकार
- सामाजिक आर्थिक रूपमा कमजोरहरू सबैभन्दा बढी असमानतामा
- शिक्षामा समानताका लागि सरोकारवालाहरूको आग्रह
अध्ययनको उद्देश्य देशको वर्तमान राष्ट्रिय लक्ष्यहरूको प्रगतिको आङ्कलन गर्ने थियो तर यसले प्रत्येक ३ मध्ये एक व्यक्ति शिक्षाको क्षेत्रमा अवसरको कमीमा रहेको देखाएको छ ।
जुन बिद्यार्थीहरुलाई सबैभन्दा अधिक सहयोगको आवश्यकता छ, तिनीहरूकै हकमा अस्ट्रेलियाको शिक्षा क्षेत्र चुकी रहेको देखिन्छ ।
अध्ययनका अनुसार शैक्षिक क्षेत्रमा भएका असमानतालाई घट्नुको सट्टा यसको परिधि बढी रहेको छ ।
यस अध्ययनले शैक्षिक क्षेत्रमा रहेका यस्ता थुप्रै असमानताहरूका बारेमा प्रकाश पारेको छ ।
विशेष गरी आदिवासी,सामाजिक वा कम आर्थिक पुष्ठभुमी भएका वा दुर्गम क्षेत्रका बालबालिकाको शैक्षिक विकासमा दुई गुणाको भिन्नता देखिने अध्ययनले देखाएको छ ।
अक्सर विद्यार्थीको उमेर बढ्दै जाँदा यी भन्नताहरु पनि बढ्दै जाने देखिन्छ ।
जो मानिसहरू सहयोगका अवसरबाट वञ्चित रहन्छ ,तिनीहरू आफ्ना सहपाठी सँगको स्तरलाई कायम गर्न जरुरी रहन्छ । र एउटा मानिस यस्ता भिन्नताहरूलाई कम गर्नका लागि प्रयास गरिरहेको छ ।
व्लेक क्यान्सडेल सेन्ट्रल कोष्ट स्थित डार्किन्जङमा हुर्किएका हुन् । र उनीहरू ट्रान्वी कलेजका मुख्य सञ्चालक अधिकृत हुन् । जसले आदिवासी अस्ट्रेलियालीहरूको शैक्षिक स्तर सुधारको लक्ष्य लिएको छ ।
क्यान्सडेलका परिवारले उनी हुर्कँदै गर्दा निकै सर्घष गर्नु परेको थियो र त्यही सर्घषको कथाले उनलाई शिक्षाको क्षेत्रमा आकर्षित गर्यो ।
क्यान्सेलले चली रहेको चक्रलाई तोडेर आफू अगाडी बढ्न सक्षम भए पनि यस्ता प्रत्येक ३ मध्ये एक विद्यार्थीले यस्ता समस्याहरूको सामना गर्नु परिरहेको देखिएको छ ।
मिसेल इन्स्टीच्यूटले गरेको अध्ययनले यो वास्तविकताको उजागर गरेको छ । मिचेल इन्स्टीच्यूटका शिक्षा नीति उपप्रमुख सर्जियो म्याकलिन भन्छन् अध्ययनले शिक्षा क्षेत्र प्रणाली असमानतामा झेलिएको देखिन्छ ।
अध्ययनले बालबालिका देखि वयस्क सम्मका ३ लाख बालबालिका लाई पछ्याएको छ । राष्ट्रिय स्तरमा हेर्ने हो भने २४ वर्ष उमेर समूहका १५ प्रतिशत विद्यार्थी कुनै पनि रोजगार ,शिक्षा वा प्रशिक्षणमा सहभागी छैनन् ।
यो सङ्ख्या सामाजिक आर्थिक हिसाबले पिछडिएका वर्गमा झनै बढी छ अर्थात् ३२ दशमलव ३ प्रतिशत वयस्कहरू काम विहीन अवस्थामा छन् ।
यसै गरी आदिवासी समुदायमा यो सङ्ख्या बढेर ४५ प्रतिशत सम्म पुगेको छ ।
कोभिड–१९ महामारी पछि यस्ता असमानताहरू अझै बढ्ने आङ्कलन गरिन्छ र यसको समाधान त्यति नजिक पनि छैन । स्मिथ फ्यामिलीकी एन्टोन लिसेन भन्छन् यो समानता हटाउन निकै धेरै काम गर्नु जरुरी छ ।
स्मिथ फ्यामिली र अन्य आदिवासी संस्थाहरूले यसमा ठोस सुधारको आवश्यकता रहेको औँल्याएका छन् ।
ट्रान्वी कलेजले हालै आफ्नो पहिलो अनलाईन कोर्स डिप्लोमा इन अप्लाईड एर्वोजिनल स्टडीजको सुरुवात गरेको छ । र अस्ट्रेलिया भरका आदिवासीहरूले यो कोर्समा सहभागी हुन सक्छन् ।
क्यान्सडेल भन्छन् कोभिड–१९ ले ठुलो चुनौती खडा गरेको छ तर जहाँ सम्म उनीहरू पुगेका छन् त्यसलाई महत्त्वपूर्ण उपलब्धि मान्नुपर्दछ ।
क्यान्सडेल उत्त शैक्षिक कार्यक्रम मार्फत बिद्यार्थीहरुमा सकारात्मक परिवर्तन आउनेमा विश्वास गर्छन् । उनी भन्छन् “यसले बिद्यार्थीहरुलाई आत्मविश्वास र कुशलता दुवै प्रदान गर्नेछ”
