घर-घडेरीको मोल: कहाँ बढ्यो, कहाँ घट्यो र अब के होला?

अस्ट्रेलियामा गत महिना राष्ट्रिय स्तरमै घर भाउ ०.७ प्रतिशतले घट्यो अनि अप्रिल महिनामा जसरी भाउ घटेको थियो - त्यस्तो अवस्था मुलुकका सबै ठाउँहरूमा नरहेको बताइएको छ।

विशेष गरी सरकारद्वारा संरचना सुधार र निर्माण लगानी घोषणा गरिए पछि, केही स्थानमा चाहिँ भाउ बढेको पनि सङ्केत आएका छन् र पनि राष्ट्रिय स्तरमा हेर्ने हो भने चाहिँ मे र जुन महिनामा पनि भाउमा केही गिरावट आएको देखिएको छ। 

साथै, आगामी महिनाहरूमा सरकारद्वारा सुरु गरिएका आर्थिक सहायता प्याकेजका साथै बैङ्कहरूले सङ्कटमा परेका ग्राहकहरूलाई आफ्नो ऋण तिर्न केही महिनाको छुट दिने निर्णय पनि अन्त्य भए पछि थप सङ्ख्यामा घरहरू बजारमा आउन सक्ने चिन्ता पनि रहेको भनाइ छ।