नेपालमा धेरै हिन्दु महिलाले श्रावण महिनाका सोमबारमा व्रत बस्ने गर्दछन्। यो दिन शुद्ध हुने, र आफूलाई मन पर्ने रङ्गहरू लगाउने गर्नाले मनलाई आनन्द आउने एक व्रतालुले बताएकी छिन्।
हिन्दु देवता शिवको नाममा लिइने यो व्रतमा आजकाल पहेँलो वा हरियो रङ्गको लुगा, गहनाहरू लगाउने, र मेहन्दी लगाउने पनि गरिन्छ।
शिक्षण पेसामा संलग्न काठमान्डुकी बासिन्दा श्रद्धा रिमालले यसो गर्दा मनलाई आनन्द मिल्ने गरेको बताएकी छिन्।
रिमालका दुई साना साना छोराछोरी छन्, र यी सब पक्षलाई समेटेर उनले धर्म र संस्कृतिलाई पनि अघि बढाइरहेकी छिन्।
रिमालले आफ्नो मनको शुद्धताको लागि, र लोभ रिस राग आदिबाट टाढा हुँदै आत्म नियन्त्रणलाई बढाउनका लागि व्रत लिएको बताइन्।
साथै, उनी भन्छिन् यो दिन शुद्ध हुने, र आफूलाई मन पर्ने रङहरू लगाउने गर्नाले मनलाई आनन्द आउँछ।
"यो व्रत लिनाले र श्रावणको सोमबार मनाउनाले मैले भित्रैबाट शान्ति पाएको अनुभव गर्छु," रिमाल बताउँछिन्।
Share
