नेपालमा वर्षा ऋतु सुरु हुने बित्तिकै देशभर बाढी पहिरोले दुःख दिनुका साथै धेरै मानिसको ज्यान पनि जाने गर्दछ। यसै सन्दर्भमा वर्षा र बाढी पहिरोको पछिल्लो अवस्थाका बारेमा नेपाल सरकारको राष्ट्रिय विपद् जोखिम न्यूनीकरण तथा व्यवस्थापन प्राधिकरणका प्रवक्ता डा डिजन भट्टराईसँग गरेको कुराकानी सुन्नुहोस्।
अघिल्ला वर्षहरूमा जस्तै यस वर्ष पनि जुन र जुलाई महिनामा नेपालका विभिन्न भागमा भारी वर्षा भएर धेरैै जनधनको क्षति हुनुका साथै घरहरू बगाउने, पुरिने र राजमार्ग पनि प्रभावित भएका छन्।
देशमा यस वर्ष बाढी पहिरोमा परेर ३५ जनाको ज्यान गएको र विशेष गरी प्रदेश १ मा यसले धेरै असर गरेको डा भट्टराईले बताएका छन्।
जलवायु परिवर्तन लगायतका कारणले एकै पटक धेरै वर्षा हुन थालेको र वर्षामा पानीको मात्रा पनि बढेको भट्टराईको भनाइ छ।
गत वर्ष पनि मनसुन र मनसुन पछिका वर्षाका कारण १०० जना भन्दा बढी मानिसको मृत्यु भएको थियो।
Share
