प्रमुख बिषय
- पुरक रकम सहितको बेरोजगार भत्तालाई निरन्तरता माग
- जागिर खोज्नमा रोजगार भत्ता बाधा नहुने
- लेबरद्वारा कल्याणकारी भुक्तानीमा वृद्धि गर्न र महामारीमा अर्थतन्त्रमा समर्थन गर्न माग
हाल सरकारले दिँदै आएको पूरक रकमलाई अस्थायी रूपमा लम्ब्याउने बारेको विधेयक संसदमा समीक्षा भइरहेका बेला संसदीय कमिटीले सरकारी कामकाजको अनुगमन, विधेयकको समीक्षा र मुद्धाहरुको पहिचान गरी संसद् समक्ष सिफारिस गर्ने भएको छ ।
अस्ट्रेलियन काउन्सिल अफ सोसियल सर्भिसेसका कासान्ड्रा गोल्डीले स्थायी रूपमा भत्ताको वृद्धिका लागि पहल गदै आइरहेका छन् ।
यो महिनाबाट सङ्घीय सरकारले जवसिकर भनिने बेरोजगार भत्तालाई घटाउने घोषणा गरेको थियो ।
कोरोना महामारी अघि न्यु स्टार्ट भनिने बेरोजगार भत्ता पाक्षिक १५० डलरमा सीमित थियो ।
गत सेप्टेम्बरमा कोरोना महामारी भत्ताका रूपमा २ सय ५० डलर प्रति हप्ता वृद्धि भएपछि यो रकम हाल ५ सय ६५ दशमलव ७० को रहँदै आएको छ ।
तर सरकारले १५० डलर प्रति हप्व्ताको कटौती गर्ने भएपछि भने यो रकम ७ सय १५ डलर प्रति दुई हप्तामा सीमित हुनेछ ।
एन्जेली कियर अस्ट्रेलियाका कार्यकारी निर्देशक केसी च्याम्बर अनिश्चितताका बिचमा सरकारको भत्तामा कटौती अस्वीकार्य रहेको बताउँछिन् ।
यता विपक्षी लेबर पार्टीले पनि कल्याणकारी भुक्तानीमा वृद्धि गर्न र महामारीमा अर्थतन्त्रमा समर्थन गर्न आवहना गरिरहेको छ ।
सङ्घीय सरकारले जवसिकरको दरमा स्थायी वृद्धिका लागि सोचिरहेको तर हालको आर्थिक वातावरणका कारण निर्णय लिन ढिलाइ भइरहेको प्रतिक्रिया दिएको छ ।
जेडिन कोनन अस्ट्रेलियाली बेरोजगारहरूले खडा गरेको बेरोजगार मजदुर युनियनका लागि नीति सल्लाहकार हुन । यो संस्थाको उद्देश्य बेरोजगार श्रमिक र पेन्सनरहरुको अधिकारको रक्षा गर्नु हो ।
कोनन भन्छन् कि बेरोजगार भत्ता सँगै दिइँदै आइएको पूरक रकमको कटौती भए यसले अवरोध खडा गर्नेछ ,जसका कारण मानिसहरू बेरोजगार हुनुको पिडा बाट निस्कन मुस्किल पर्नेछ ।
हाल करिब १५ लाख मानिसहरू बेरोजगार भत्तामा आश्रित रहेका छन् । र यो सङ्ख्या क्रिसमस सम्म १८ लाख पुग्ने ट्रेजररी विभागले अनुमान गरेको छ ।
फाईनान्सीयल काउन्सीलिङ भिक्टोरियाकी एलिजाबेथ स्ट्यारी बेरोजगारलाई दिइँदै आएको भुक्तानीले उनीहरूको जीवनमा सकारात्मक प्रभाव पारेको बताउँछिन् ।
उनी भन्छिन् कि यसमा कटौती गर्नु भनेको यसलाई नकारात्मकता तिर लिएर जानु हो ।
युनिभर्सिटी अफ मेलबर्नका प्राध्यापक जेफ बोर ल्यान्डले नयाँ काम स्वीकार गर्नका लागि जब सिकर भुक्तानीको असरका बारेमा अध्ययन गरेका छन् ।
उनी भन्छन् जवसिकरको भुक्तानी लिँदा नयाँ रोजगार खोज्नका लागि कुनै असर वा बाधा नहुने देखिन्छ ।
यद्यपि प्रोफेसर बोरल्याण्ड भन्छन् केही रोजगारदाताहरुले नयाँ कर्मचारी भर्ती गर्दा अनौपचारिक रूपमा केही चिन्ता बेहोरेको बताए पनि यो बेरोजगार भत्ताका कारण बाधा भएको मान्न सकिदैन् ।
