‘ग्रिन एन्ड गोल्ड’ जर्सी लगाएर अस्ट्रेलियाबाट खेल्न उत्साहित मकवानपुरकी सृजना घिसिङको कथा (भाग: १)

यसबारे एक मिडिया विज्ञप्ति जारी गर्दै अस्ट्रेलियाको सङ्घीय गृह मामिला मन्त्रालय तथा पारालिम्पिक्स अस्ट्रेलिया दुवैले तेक्वान्दो च्याम्पियन सृजना घिसिङलाई देशको नयाँ नागरिकको रूपमा गर्वका साथ स्वागत गरेको बताएका छन्।

तर, सन् २०२३ मा पहिलो पटक अस्ट्रेलिया आइपुगेकी सृजना घिसिङले किन नेपाली नागरिकता त्याग्ने निर्णय लिइन्?

नेपालमा रहेका उनका परिवारले यस विकसित घटनाक्रमलाई कसरी लिएका छन् र अब एक ‘एलिट स्पोर्ट्सपर्सन’का रूपमा छिटो-छिटो अस्ट्रेलियन नागरिकता पाइसकेपछि आउने दिनमा उनको योजना के छ?

र आफूलाई अवसरवादी भन्नेहरूका लागि चाहिँ विश्व वरीयताको शीर्ष १० भित्र पर्न सफल घिसिङको के जवाफ छ त?

१८ वर्षको उमेरदेखि मात्र पारा तेक्वान्दो खेल्न सुरु गरेकी सृजना घिसिङले यी र यस्तै प्रश्नहरूको जवाफ एसबीएस नेपालीसँगको कुराकानीका क्रममा दिने प्रयास गरेकी छिन्।

नोट: हामी तपाईँलाई अवगत गराउन चाहन्छौं कि यस कुराकानीमा व्यक्त विचारहरू वक्ता स्वयम्का हुन र यी भनाइहरूप्रति एसबीएसको सहमति तथा विमति दुवै रहेको छैन। साथै, हामी तपाईँलाई जानकारी गराउन चाहन्छौँ कि कुराकानीमा व्यक्त गरिएका आप्रवासन सम्बन्धि जानकारीहरू साधारण प्रकारका रहेका छन्। तपाईँको लागि उक्त जानकारी उपयुक्त नहुन पनि सक्छ - आफ्नो परिस्थितिबारे स्पष्ट सल्लाहको लागि आफ्नो माइग्रेसन एजेन्ट वा कानूनी सल्लाहकारलाई सम्पर्क गर्नुहोस्।