ਆਸਟ੍ਰੇਲੀਆਈ ਸਰਕਾਰ ਕੋਲ ਇੱਕ ਸਮਾਜਿਕ ਸੁਰੱਖਿਆ ਪ੍ਰਣਾਲੀ ਹੈ ਜੋ ਯੋਗ ਵਿਅਕਤੀਆਂ ਨੂੰ ਵੱਖ-ਵੱਖ ਕਿਸਮ ਦੀ ਆਮਦਨ ਸਹਾਇਤਾ ਪ੍ਰਦਾਨ ਕਰਦੀ ਹੈ। ਅਸਲ ਵਿੱਚ, ਜ਼ਿਆਦਾਤਰ ਲੋਕ ਆਪਣੇ ਜੀਵਨ ਦੇ ਕਿਸੇ ਨਾ ਕਿਸੇ ਪੜਾਅ 'ਤੇ ਸਰਕਾਰੀ ਭੁਗਤਾਨ ਪ੍ਰਾਪਤ ਕਰਨਗੇ। ਸਖ਼ਤ ਨਿਯਮ ਇਹ ਨਿਰਧਾਰਤ ਕਰਦੇ ਹਨ ਕਿ ਕੌਣ ਇਹ ਭੁਗਤਾਨ ਪ੍ਰਾਪਤ ਕਰ ਸਕਦਾ ਹੈ ਅਤੇ ਉਨ੍ਹਾਂ ਨੂੰ ਕਿੰਨਾ ਭੁਗਤਾਨ ਕੀਤਾ ਜਾਂਦਾ ਹੈ। ਆਸਟ੍ਰੇਲੀਆ ਐਕਸਪਲੇਨਡ ਦੇ ਇਸ ਐਪੀਸੋਡ ਵਿੱਚ, ਅਸੀਂ ਤੁਹਾਡੇ ਲਈ ਕੁਝ ਸਭ ਤੋਂ ਆਮ ਸਰਕਾਰੀ ਭੁਗਤਾਨਾਂ ਬਾਰੇ ਦੱਸਾਂਗੇ, ਜਿਨ੍ਹਾਂ ਲਈ ਤੁਸੀਂ ਯੋਗ ਹੋ ਸਕਦੇ ਹੋ।
Key Points
- ਸਰਕਾਰੀ ਭੁਗਤਾਨ ਹਰ ਜੀਵਨ ਪੜਾਅ ਲਈ ਤਿਆਰ ਕੀਤੇ ਗਏ ਹਨ।
- ਸਰਵਿਸਜ਼ ਆਸਟ੍ਰੇਲੀਆ ਸਰਕਾਰ ਵੱਲੋਂ ਸੈਂਟਰਲਿੰਕ ਵਰਗੇ ਪ੍ਰੋਗਰਾਮਾਂ ਰਾਹੀਂ ਇਹ ਭੁਗਤਾਨ ਪ੍ਰਦਾਨ ਕਰਦਾ ਹੈ।
- ਭੁਗਤਾਨ ਲੈਣ ਲਈ ਕੁਝ ਨਿਯਮ ਤੇ ਉਡੀਕ ਸਮਾਂ ਹੋ ਸਕਦਾ ਹੈ।
- ਸੁਰੱਖਿਆ ਜਾਂ ਮਾਨਵਤਾਵਾਦੀ ਵੀਜ਼ਾ ਵਾਲਿਆਂ ਨੂੰ ਆਸਟ੍ਰੇਲੀਆਈ ਨਾਗਰਿਕਾਂ ਵਰਗੇ ਹੀ ਭੁਗਤਾਨ ਮਿਲਦੇ ਹਨ।
ਸਰਵਿਸਿਜ਼ ਆਸਟ੍ਰੇਲੀਆ ਉਹ ਏਜੰਸੀ ਹੈ ਜੋ ਸਰਕਾਰ ਵੱਲੋਂ ਯੋਗ ਆਸਟ੍ਰੇਲੀਆਈ ਲੋਕਾਂ ਨੂੰ ਸੈਂਟਰਲਿੰਕ ਭੁਗਤਾਨ ਪ੍ਰਦਾਨ ਕਰਦੀ ਹੈ। ਉਹ ਮੈਡੀਕੇਅਰ ਅਤੇ ਬਾਲ ਸਹਾਇਤਾ ਭੁਗਤਾਨਾਂ ਲਈ ਵੀ ਜ਼ਿੰਮੇਵਾਰ ਹਨ।
ਜ਼ਿਆਦਾਤਰ ਸਮਰਥਨ ਭੁਗਤਾਨਾਂ ਲਈ ਸਖ਼ਤ ਯੋਗਤਾ ਮਾਪਦੰਡ ਹੁੰਦੇ ਹਨ, ਜਿਨ੍ਹਾਂ ਵਿੱਚ ਰਿਹਾਇਸ਼ ਦੀਆਂ ਸ਼ਰਤਾਂ ਸ਼ਾਮਲ ਹਨ। ਅਕਸਰ, ਤੁਹਾਡਾ ਆਸਟ੍ਰੇਲੀਆਈ ਨਾਗਰਿਕ ਜਾਂ ਸਥਾਈ ਨਿਵਾਸੀ ਹੋਣਾ ਜ਼ਰੂਰੀ ਹੁੰਦਾ ਹੈ।
ਤੁਹਾਡੀ ਯੋਗਤਾ ਅਤੇ ਤੁਸੀਂ ਕਿੰਨਾ ਭੁਗਤਾਨ ਪ੍ਰਾਪਤ ਕਰ ਸਕਦੇ ਹੋ, ਇਹ ਨਿਰਧਾਰਤ ਕਰਨ ਲਈ ਤੁਹਾਡੀ ਆਮਦਨ, ਸੰਪਤੀ ਅਤੇ ਬੈਂਕ ਖਾਤਿਆਂ ਨੂੰ ਧਿਆਨ ਵਿੱਚ ਰੱਖਿਆ ਜਾਂਦਾ ਹੈ।
ਤੁਹਾਡੇ ਜੀਵਨ ਪੜਾਅ ਅਨੁਸਾਰ ਭੁਗਤਾਨ
ਇਹਨਾਂ ਭੁਗਤਾਨਾਂ ਤੱਕ ਪਹੁੰਚ ਕਰਨ ਲਈ, ਸਰਵਿਸਿਜ਼ ਆਸਟ੍ਰੇਲੀਆ ਨੇ ਜਾਣਕਾਰੀ ਨੂੰ ਸੌਖੇ ਢੰਗ ਨਾਲ ਸ਼੍ਰੇਣੀਬੱਧ ਕੀਤਾ ਹੈ।
ਸ਼੍ਰੀਮਾਨ ਯੋਂਜੇਨ ਕਹਿੰਦੇ ਹਨ ਕਿ ਜੇ ਤੁਹਾਨੂੰ ਇਸ ਬਾਰੇ ਨਹੀਂ ਪੂਰੀ ਤਰਾਂ ਨਹੀਂ ਪਤਾ ਕਿ ਆਖਿਰਕਾਰ ਤੁਸੀਂ ਕੀ ਲੱਭ ਰਹੇ ਹੋ, ਫਿਰ ਵੀ ਭੁਗਤਾਨ ਦੀ ਕਿਸਮ ਲੱਭਣਾ ਬਹੁਤ ਆਸਾਨ ਹੈ।
ਤੁਸੀਂ Services Australia ਦੀ ਵੈੱਬਸਾਈਟ ਤੇ ਜਾ ਕੇ ਵੇਖ ਸਕਦੇ ਹੋ ਕਿ ਤੁਹਾਨੂੰ ਕਿਹੜੇ ਭੁਗਤਾਨ ਮਿਲ ਸਕਦੇ ਹਨ। ਇੱਥੇ ਤੁਹਾਨੂੰ ਭੁਗਤਾਨ ਦੀਆਂ ਕਿਸਮਾਂ, ਯੋਗਤਾ ਨਿਯਮ, ਮੌਜੂਦਾ ਦਰਾਂ ਅਤੇ ਉਡੀਕ ਸਮਿਆਂ ਬਾਰੇ ਜਾਣਕਾਰੀ ਮਿਲੇਗੀ।
ਨਵਾਂ ਆਏ ਨਿਵਾਸੀ ਉਡੀਕ ਸਮਾਂ (NARWP) ਦਾ ਮਤਲਬ ਹੈ ਕਿ ਨਵੇਂ ਆਏ ਲੋਕਾਂ ਨੂੰ ਬਹੁਤੇ Centrelink ਭੁਗਤਾਨ ਲੈਣ ਲਈ ਵੱਧ ਤੋਂ ਵੱਧ 4 ਸਾਲ ਉਡੀਕ ਕਰਨੀ ਪੈ ਸਕਦੀ ਹੈ।
ਜੌਬਸੀਕਰ ਭੁਗਤਾਨ
ਬਹੁਤ ਸਾਰੇ ਲੋਕ ਸੱਚਮੁੱਚ ਕੰਮ ਕਰਨਾ ਚਾਹੁੰਦੇ ਹਨ ਪਰ ਕਿਸੇ ਕਾਰਨ ਕਰਕੇ ਅਜਿਹਾ ਕਰਨ ਵਿੱਚ ਅਸਮਰਥ ਹੋ ਜਾਂਦੇ ਹਨ। ਇਸ ਮਾਮਲੇ ਵਿੱਚ, ਤੁਸੀਂ ਜੌਬਸੀਕਰ ਭੁਗਤਾਨ ਲਈ ਯੋਗ ਹੋ ਸਕਦੇ ਹੋ।
ਭੁਗਤਾਨ ਦੀ ਦਰ ਇਸ ਗੱਲ ‘ਤੇ ਨਿਰਭਰ ਕਰਦੀ ਹੈ ਕਿ ਤੁਸੀਂ ਕੁਆਰੇ ਹੋ ਜਾਂ ਜੀਵਨ ਸਾਥੀ ਨਾਲ ਹੋ—ਭਾਵੇਂ ਤੁਸੀਂ ਵਿਆਹੇ ਹੋਵੋ ਜਾਂ 'ਡੀ-ਫੈਕਟੋ' ਰਿਸ਼ਤੇ ਵਿੱਚ ਹੋਵੇ—ਅਤੇ ਕੀ ਤੁਹਾਡੇ ਬੱਚੇ ਵੀ ਹਨ ਜਾਂ ਨਹੀਂ ?
ਯੁਵਕ ਭੱਤਾ
ਯੁਵਕ ਭੱਤਾ ਇੱਕ ਹੋਰ ਆਮ ਭੁਗਤਾਨ ਹੈ, ਜੋ 24 ਸਾਲ ਜਾਂ ਉਸ ਤੋਂ ਘੱਟ ਉਮਰ ਦੇ ਉਹਨਾਂ ਲੋਕਾਂ ਲਈ ਉਪਲੱਬਧ ਹੈ, ਜੋ ਪੂਰਾ-ਟਾਈਮ ਪੜਾਈ ਜਾਂ ਅਪਰੈਂਟਿਸਸ਼ਿਪ ਕਰ ਰਹੇ ਹਨ, ਜਾਂ 22 ਸਾਲ ਤੋਂ ਘੱਟ ਉਮਰ ਦੇ ਹਨ ਅਤੇ ਕੰਮ ਦੀ ਤਲਾਸ਼ ਕਰ ਰਹੇ ਹਨ।
ਆਸਟਡੀ ਇੱਕ ਵੱਖਰਾ ਭੁਗਤਾਨ ਹੈ, ਜੋ 25 ਸਾਲ ਜਾਂ ਉਸ ਤੋਂ ਵੱਧ ਉਮਰ ਵਾਲੇ ਫੁੱਲ-ਟਾਈਮ ਵਿਦਿਆਰਥੀਆਂ ਨੂੰ ਆਰਥਿਕ ਸਮਰਥਨ ਪ੍ਰਦਾਨ ਕਰਦਾ ਹੈ।
ਇਸ ਤਰਾਂ ਦੇ ਹੋਰ ਭੁਗਤਾਨਾਂ ਬਾਰੇ ਜਾਨਣ ਲਈ ਸੁਣੋ 'ਆਸਟ੍ਰੇਲੀਆ ਐਕਸਪਲੇਨਡ' ਦਾ ਇਹ ਐਪੀਸੋਡ...
ਐਸ ਬੀ ਐਸ ਪੰਜਾਬੀ ਦੁਨੀਆ ਭਰ ਦੀਆਂ ਤਾਜ਼ਾ-ਤਰੀਨ ਖ਼ਬਰਾਂ ਸਮੇਤ ਉਨ੍ਹਾਂ ਕਹਾਣੀਆਂ ਨਾਲ ਜੋੜਦਾ ਹੈ ਜੋ ਆਸਟ੍ਰੇਲੀਆ ਵਿਚਲੇ ਜੀਵਨ ਅਤੇ ਪੰਜਾਬੀ ਬੋਲਣ ਵਾਲੇ ਆਸਟ੍ਰੇਲੀਅਨ ਭਾਈਚਾਰੇ ਲਈ ਅਹਿਮ ਹਨ।
ਸਾਡਾ ਲਾਈਵ ਪ੍ਰੋਗਰਾਮ ਤੁਸੀਂ ਸੋਮਵਾਰ ਤੋਂ ਸ਼ੁੱਕਰਵਾਰ ਸ਼ਾਮ 4 ਵਜੇ SBS ਸਾਊਥ ਏਸ਼ੀਅਨ ਦੇ ਡਿਜੀਟਲ ਰੇਡੀਓ ਉੱਤੇ, ਆਪਣੇ ਟੈਲੀਵੀਜਨ 'ਤੇ ਚੈਨਲ 305 ਉੱਤੇ, SBS ਆਡੀਓ ਐਪ ਜਾਂ ਸਟ੍ਰੀਮ ਰਾਹੀਂ ਸੁਣ ਸਕਦੇ ਹੋ। ਹੋਰ ਜਾਣਕਾਰੀ ਲਈ ਸਾਨੂੰ ਵੈਬਸਾਈਟ, ਫੇਸਬੁੱਕ ਅਤੇ ਇੰਸਟਾਗ੍ਰਾਮ 'ਤੇ ਫਾਲੋ ਕਰੋ।
Subscribe to or follow the Australia Explained podcast for more valuable information and tips about settling into your new life in Australia.
Do you have any questions or topic ideas? Send us an email to australiaexplained@sbs.com.au
