ਮੈਡੀਟੇਸ਼ਨ, ਧਿਆਨ ਦੀਆਂ ਵਿਧੀਆਂ ਅਤੇ ਦਿਲ ਤੇ ਦਿਮਾਗ ਨੂੰ ਤਰ੍ਹੋ-ਤਾਜ਼ਾ ਕਰਨ ਵਾਲੇ ਯੋਗ ਆਸਨ - ਤੁਸੀਂ ਅਜਿਹੇ ਅਭਿਆਸਾਂ ਬਾਰੇ ਕਦੇ ਨਾ ਕਦੇ ਜ਼ਰੂਰ ਸੁਣਿਆ ਹੋਵੇਗਾ। ਹੋ ਸਕਦਾ ਹੈ ਕਿ ਤੁਸੀਂ ਸੋਹਣੀ ਸਿਹਤ ਅਤੇ ਮਨ ਨੂੰ ਸ਼ਾਂਤ ਰੱਖਣ ਲਈ ਇਹ ਅਭਿਆਸ ਕੀਤੇ ਵੀ ਹੋਣ ਅਤੇ ਜੇਕਰ ਤੁਸੀਂ ਅਜਿਹਾ ਕੁੱਝ ਕਰਨ ਬਾਰੇ ਸੋਚ ਰਹੇ ਹੋ ਤਾਂ ਆਓ ਐਸ ਬੀ ਐਸ ਦੇ ਨਾਲ ਦੁਨੀਆ ਭਰ ਦੇ ਚੋਣਵੇਂ ਪ੍ਰਸਿੱਧ ਮੈਡੀਟੇਸ਼ਨ ਅਭਿਆਸ ਕਰਨ ਦੀ ਕੋਸ਼ਿਸ਼ ਕਰੀਏ।
ਕੀ ਤੁਸੀਂ ਖੁਦ ਨੂੰ ਥੋੜਾ ਜਿਹਾ ਸਮ੍ਹਾਂ ਦੇਣ ਲਈ ਤਿਆਰ ਹੋ?
ਜੇਕਰ ਤੁਹਾਡਾ ਜਵਾਬ ਹਾਂ ਹੈ ਤਾਂ ਐਸ ਬੀ ਐਸ ਉੱਤੇ ਤੁਸੀਂ ਪੰਜਾਬੀ ਵਿੱਚ ਦੁਨੀਆ ਭਰ ਦੀਆਂ ਪ੍ਰਸਿੱਧ ਧਿਆਨ ਦੀਆਂ ਵਿਧੀਆਂ ਦਾ ਅਭਿਆਸ ਕਰ ਸਕਦੇ ਹੋ।
ਭੱਜ-ਦੌੜ ਵਾਲੀ ਜ਼ਿੰਦਗੀ ਵਿੱਚੋਂ ਕੁੱਝ ਕੁ ਸਮ੍ਹਾਂ ਆਪਣੇ ਲਈ ਕੱਢ ਕੇ ਆਪਣੇ ਮਨ ਅਤੇ ਸਰੀਰ ਨੂੰ ਤਾਜ਼ਗੀ ਨਾਲ ਭਰ ਦੇਣ ਵਾਲੇ ਅਭਿਆਸਾਂ ਨੂੰ ਸਿੱਖਣ ਲਈ ਐਸ ਬੀ ਐਸ ਵੱਲੋਂ ਪੇਸ਼ ਮੈਡੀਟੇਸ਼ਨ ਅਭਿਆਸਾਂ ਦੇ ਪੌਡਕਾਸਟ ਐਪੀਸੋਡਾਂ ਨਾਲ ਜੁੜੋ।
ਭਾਵੇਂ ਤੁਸੀਂ ਇਹ ਆਸਨ ਸਾਲ੍ਹਾਂ ਤੋਂ ਕਰ ਰਹੇ ਹੋ ਅਤੇ ਭਾਵੇਂ ਇਹ ਤੁਹਾਡੀ ਪਹਿਲੀ ਕੋਸ਼ਿਸ਼ ਹੈ, ਫਿਰ ਵੀ ਇਹ ਛੋਟੇ ਜਿਹੇ ਅਭਿਆਸ ਤੁਹਾਡੇ ਰੋਜ਼ ਦੇ ਰੁਝੇਵਿਆਂ ਵਿੱਚ ਕਿਤੇ ਨਾ ਕਿਤੇ ਫਿੱਟ ਹੋ ਜਾਣਗੇ।
ਅਨੁਭਵੀ ਉਸਤਾਦਾਂ ਦੀ ਸਹਾਇਤਾ ਨਾਲ ਤਿਆਰ ਕੀਤੇ ਗਏ ਇਹ ਅਭਿਆਸ ਤੁਹਾਨੂੰ ਕੁੱਝ ਸਮਾਂ ਖੁਦ ਨੂੰ ਆਰਾਮ ਦੇਣ ਵਿੱਚ ਮਦਦ ਕਰਨਗੇ।
Share
