ਵਾਇਆਪਾ ਵੁਰਕ ਆਸਟ੍ਰੇਲੀਆ ਦੇ ਸਵਦੇਸ਼ੀ ਲੋਕਾਂ ਦਾ ਅਭਿਆਸ ਹੈ। ਇਹ ਤਕਨੀਕ ਕੁਦਰਤ ਰਾਹੀਂ ਆਪਣੇ ਮਨ ਨਾਲ ਜੁੜ੍ਹਨ ਵਿੱਚ ਮਦਦ ਕਰਦੀ ਹੈ। ਵਾਇਆਪਾ ਵੁਰਕ ਦਾ ਮਾਰਾ ਅਤੇ ਗੁਨਾਈਕੁਰਨਈ ਭਾਸ਼ਾ ਵਿੱਚ ਸ਼ਾਬਦਿਕ ਅਰਥ ‘ਧਰਤੀ ਨਾਲ ਜੁੜਨਾ’ ਹੈ। ਇਸ ਮੈਡੀਟੇਸ਼ਨ ਅਭਿਆਸ ਵਿੱਚ ਇੱਕ ਵਿਸ਼ੇਸ਼ ਸਥਾਨ ਦੀ ਕਲਪਨਾ ਕੀਤੀ ਜਾਂਦੀ ਹੈ।
ਵਾਇਆਪਾ ਵੁਰਕ ਇੱਕ ਪ੍ਰਾਚੀਨ ਆਦਿਵਾਸੀ ਗਿਆਨ ਹੈ ਜੋ 'ਸਟੋਰੀ-ਟੈਲਿੰਗ' ਅਤੇ ਸਰੀਰਕ ਗਤੀਵਿਧੀ ਦਾ ਮਿਸ਼ਰਣ ਹੈ।
ਇਹ ਅਭਿਆਸ ਤੁਹਾਨੂੰ ਧਰਤੀ ਨਾਲ ਗੂੜ੍ਹਾ ਰਿਸ਼ਤਾ ਕਾਇਮ ਕਰਨ ਲਈ ਉਤਸ਼ਾਹਿਤ ਕਰਦਾ ਹੈ।
ਇਹ ਮੈਡੀਟੇਸ਼ਨ ਅਭਿਆਸ ਗੁਨਾਈਕਰਨਈ ਵਿਅਕਤੀ ਅਤੇ ਮਾਰਾ ਦੇ ਵੰਸ਼ਕ ਜੇਮੀ ਮਾਰਲੋ ਥੋਮਸ ਵੱਲੋਂ ਤਿਆਰ ਕੀਤਾ ਗਿਆ ਹੈ। ਆਪਣੀ ਸਾਥੀ ਸਾਰਾ ਜੋਨਜ਼ ਨਾਲ ਮਿਲ ਕੇ ਜੇਮੀ ਨੇ 2014 ਵਿੱਚ ਆਪਣੇ ਬਜ਼ੁਰਗਾਂ ਅਤੇ ਭਾਈਚਾਰੇ ਦੀ ਸਹਾਇਤਾ ਨਾਲ ਵਾਇਆਪਾ ਵੁਰਕ ਦੀ ਸਹਿ-ਰਚਨਾ ਕੀਤੀ ਸੀ।
ਹਾਲਾਂਕਿ ਵਾਇਆਪਾ ਵੁਰਕ ਨਵਾਂ ਹੈ ਪਰ ਇਸਦੀਆਂ ਜੜ੍ਹਾਂ ਪ੍ਰਾਚੀਨ ਹਨ ਕਿਉਂਕਿ ਧਰਤੀ ਦੇ ਸਭ ਤੋਂ ਪੁਰਾਣੇ ਸੱਭਿਆਚਾਰਾਂ ਵਿੱਚੋਂ ਆਸਟ੍ਰੇਲੀਆ ਦਾ ਆਦਿਵਾਸੀ ਸੱਭਿਆਚਾਰ ਇੱਕ ਹੈ।
ਐਸ.ਬੀ.ਐਸ ਦੇ ਮੈਡੀਟੇਸ਼ਨ ਪ੍ਰੋਗਰਾਮ ਦੇ ਲੜ੍ਹੀਵਾਰ ਛੇ ਅੇਪੀਸੋਡਾਂ ਤੱਕ ਪਹੁੰਚ ਕਰਨ ਲਈ ਤੁਸੀਂ ਐਸ ਬੀ ਐਸ ਰੇਡੀਓ ਐਪ ਜਾਂ ਆਪਣੀ ਪਸੰਦੀਦਾ ਪੋਡਕਾਸਟ ਐਪ ਜਿਵੇਂ ਕਿ ਐਪਲ ਪੋਡਕਾਸਟ, ਗੂਗਲ ਪੋਡਕਾਸਟ ਜਾਂ ਸਪੌਟੀਫਾਈ ਦੀ ਵਰਤੋਂ ਕਰ ਸਕਦੇ ਹੋ।
Share
