ਐਸ ਬੀ ਐਸ ਮੈਡੀਟੇਸ਼ਨ ਪ੍ਰੋਗਰਾਮ

ਮੈਡੀਟੇਸ਼ਨ, ਧਿਆਨ ਦੀਆਂ ਵਿਧੀਆਂ ਅਤੇ ਦਿਲ ਤੇ ਦਿਮਾਗ ਨੂੰ ਤਰ੍ਹੋ-ਤਾਜ਼ਾ ਕਰਨ ਵਾਲੇ ਯੋਗ ਆਸਨ.. ਤੁਸੀਂ ਅਜਿਹੇ ਅਭਿਆਸਾਂ ਬਾਰੇ ਕਦੇ ਨਾ ਕਦੇ ਜ਼ਰੂਰ ਸੁਣਿਆ ਹੋਵੇਗਾ। ਹੋ ਸਕਦਾ ਹੈ ਕਿ ਤੁਸੀਂ ਸੋਹਣੀ ਸਿਹਤ ਅਤੇ ਮਨ ਨੂੰ ਸ਼ਾਂਤ ਰੱਖਣ ਲਈ ਇਹ ਅਭਿਆਸ ਕੀਤੇ ਵੀ ਹੋਣ ਅਤੇ ਜੇਕਰ ਤੁਸੀਂ ਅਜਿਹਾ ਕੁੱਝ ਕਰਨ ਬਾਰੇ ਸੋਚ ਰਹੇ ਹੋ ਤਾਂ ਆਓ ਐਸ.ਬੀ.ਐਸ ਦੇ ਨਾਲ ਮਿਲ ਕੇ ਦੁਨੀਆ ਭਰ ਦੇ ਪ੍ਰਸਿੱਧ ਮੈਡੀਟੇਸ਼ਨ ਆਸਨ ਕਰਨ ਦੀ ਕੋਸ਼ਿਸ਼ ਕਰੀਏ। ਭਾਵੇਂ ਤੁਸੀਂ ਇਹ ਆਸਨ ਸਾਲ੍ਹਾਂ ਤੋਂ ਕਰ ਰਹੇ ਹੋ ਅਤੇ ਭਾਵੇਂ ਇਹ ਤੁਹਾਡੀ ਪਹਿਲੀ ਕੋਸ਼ਿਸ਼ ਹੈ, ਫਿਰ ਵੀ ਇਹ ਛੋਟੇ ਜਿਹੇ ਅਭਿਆਸ ਤੁਹਾਡੇ ਰੋਜ਼ ਦੇ ਰੁਝੇਵਿਆਂ ਵਿੱਚ ਕਿਤੇ ਨਾ ਕਿਤੇ ਫਿੱਟ ਹੋ ਜਾਣਗੇ। ਅਨੁਭਵੀ ਉਸਤਾਦਾਂ ਦੀ ਸਹਾਇਤਾ ਨਾਲ ਇਹ ਅਭਿਆਸ ਤੁਹਾਨੂੰ ਕੁੱਝ ਸਮਾਂ ਖੁਦ ਨੂੰ ਆਰਾਮ ਦੇਣ ਵਿੱਚ ਮਦਦ ਕਰਨਗੇ।