ਵਿਕਟੋਰੀਆ ਸਰਕਾਰ ਵਲੋਂ 2026 ਦੀਆਂ ਰਾਸ਼ਟਰਮੰਡਲ ਖੇਡਾਂ ਦੇ ਆਯੋਜਨ ਦੇ ਵੱਧਦੇ ਖ਼ਰਚੇ ਨੂੰ ਦੇਖਦਿਆਂ ਖੇਡਾਂ ਕਰਵਾਉਣ ਦੀ ਯੋਜਨਾ ਨੂੰ ਰੱਦ ਕਰ ਦਿੱਤਾ ਗਿਆ ਹੈ। ਇਸ ਫੈਸਲੇ ਨਾਲ ਖੇਡ ਦੇ ਖੇਤਰ ਨਾਲ ਜੁੜੇ ਦਿੱਗਜਾਂ ਵਿੱਚ ਨਿਰਾਸ਼ਾ ਹੈ। ਮੁੱਕੇਬਾਜ਼ੀ ਦੀ ਕੋਚ ਸਤਿੰਦਰ ਕੌਰ ਨੇ ਸਰਕਾਰ ਦੇ ਇਸ ਫੈਸਲੇ ਬਾਰੇ ਗੱਲ ਕਰਦਿਆਂ ਖੇਡਾਂ ਦੇ ਭਵਿੱਖ ਨੂੰ ਲੈ ਕੇ ਚਿੰਤਾ ਜ਼ਾਹਰ ਕੀਤੀ।
ਖੇਡ ਜਗਤ ਵਿੱਚ ਰੁਚੀ ਰੱਖਣ ਵਾਲੇ ਲੋਕ ਵਿਕਟੋਰੀਆ ਵਿੱਚ ਕਰਵਾਈਆਂ ਜਾਣ ਵਾਲੀਆਂ ਰਾਸ਼ਟਰਮੰਡਲ ਖੇਡਾਂ 2026 ਦੀ ਕਾਫੀ ਉਤਸ਼ਾਹ ਨਾਲ ਉਡੀਕ ਕਰ ਰਹੇ ਸਨ।
ਪਰ ਵਿਕਟੋਰੀਆ ਦੀ ਸਰਕਾਰ ਮੁਤਾਬਕ ਉਮੀਦ ਤੋਂ ਜ਼ਿਆਦਾ ਖਰਚ ਹੋਣ ਕਾਰਨ ਉਹ ਇਹਨਾਂ ਖੇਡਾਂ ਦਾ ਆਯੋਜਨ ਨਹੀਂ ਕਰਵਾ ਸਕਣਗੇ।
ਇਸ ਫੈਸਲੇ ਨਾਲ ਆਸਟ੍ਰੇਲੀਆ ਵਿੱਚ ਖੇਡ ਜਗਤ ਨਾਲ ਸਬੰਧ ਰੱਖਣ ਵਾਲੇ ਨਿਰਾਸ਼ ਅਤੇ ਚਿੰਤਤ ਹਨ।
ਮੁੱਕੇਬਾਜ਼ੀ ਦੀ ਕੋਚ ਸਤਿੰਦਰ ਕੌਰ ਮੁਤਾਬਕ ਇਹਨਾਂ ਖੇਡਾਂ ਦੇ ਰੱਦ ਹੋਣ ਨਾਲ ਨਾ ਸਿਰਫ ਖੇਡ ਜਗਤ ਬਲਕਿ ਆਯੋਜਨਾਂ ਨਾਲ ਜੁੜੇ ਹੋਰ ਲੋਕਾਂ ਉੱਤੇ ਵੀ ਪ੍ਰਭਾਵ ਪਵੇਗਾ।
ਉਹਨਾਂ ਐਸ ਬੀ ਐਸ ਪੰਜਾਬੀ ਨਾਲ ਗੱਲ ਕਰਦਿਆਂ ਕਿਹਾ ਕਿ ਜੇਕਰ ਇਹ ਖੇਡਾਂ ਆਸਟ੍ਰੇਲੀਆ ਵਿੱਚ ਹੀ ਹੁੰਦੀਆਂ ਤਾਂ ਇਸ ਨਾਲ ਸਰਕਾਰ ਨੂੰ ਬਹੁਤ ਫਾਇਦਾ ਹੋਣਾ ਸੀ ਅਤੇ ਨੌਜਵਾਨ ਖਿਡਾਰੀਆਂ ਨੂੰ ਬਹੁਤ ਹੱਲਾਸ਼ੇਰੀ ਵੀ ਮਿਲਣੀ ਸੀ।
ਉਹਨਾਂ ਵਲੋਂ ਕੀਤੀ ਗਈ ਪੂਰੀ ਗੱਲਬਾਤ ਸੁਣਨ ਲਈ ਹੇਠਾਂ ਸਾਂਝੀ ਕੀਤੀ ਗਈ ਆਡੀਓ ‘ਤੇ ਕਲਿੱਕ ਕਰੋ:
Share
