ඕස්ට්‍රේලියාව පුරා මෙන්ම අප්‍රිකාව, ඉන්දියාව, චීනය සහ බටහිර යුරෝපයේ සමහර ප්‍රදේශවල ද මෙම චන්ද්‍ර ග්‍රහණය දැකගත හැකි වනවා. හොඳම දසුන නගරවල විදුලි ආලෝකයෙන් ඈත්ව උස්ව පිහිටි ස්ථානවල සිට වඩාත් පැහැදිලි දසුන් දැකගැනීමට හැකි වනවා. මෙම චන්ද්‍ර ග්‍රහණය ඔබට සියැසින් දැකිය හැකි අතර විශේෂ කණ්ණාඩි භාවිතයක් ඒ සඳහා අවශ්‍ය වන්නේ නැහැ.
ඔබ සිටින පෙදෙස අනුව චන්ද්‍ර ග්‍රහණය දැකිය හැකි වේලාවන්
සැප්තැම්බර් 8වන සඳුදා අලුයම මිනිත්තු 82 ක් පමණ කාලයක් පුරා චන්ද්‍රයා රක්ත වර්ණයෙන් දිස් වෙනු ඇති.
- සිඩ්නි, මෙල්බර්න්, බ්‍රිස්බේන්, කැන්බෙරා සහ හෝබාර්ට් අහසෙහි අලුයම 3.30ටත්
- ඇඩිලේඩ් සහ ඩාර්වින්හි අලුයම 3ටත්
- පර්ත්හි අලුයම 1.30ටත් වශයෙන් චන්ද්‍ර ගහනය දිස් වෙනවා
චන්ද්‍ර ග්‍රහණයේ උච්චතම අවස්ථාව සිඩ්නි, මෙල්බර්න්, බ්‍රිස්බේන්, කැන්බෙරා සහ හෝබාර්ට් පෙදෙස් සඳහා අලුයම 4.11 ලෙසත් ඇඩිලේඩ් සහ ඩාර්වින් සඳහා අලුයම 3.41ත්, පර්ත්හි අලුයම 2.11 ලෙසත් සඳහන් වනවා.
පෘථිවිය සූර්යයා සහ චන්ද්‍රයාට මැදිව ඒක රේඛීය වන අවස්ථාවක චන්ද්‍රයා පෘථිවියේ සෙවණැල්ලට හසු වීමෙන් පූර්ණ චන්ද්‍රග්‍රහණයක් ඇති වනවා. යම් පමණක සූර්යය ආලෝකයක් පෘථිවියේ වායුගෝලය හරහා වර්තනය වෙමින් සඳ කරා යන නිසා චන්ද්‍රයා තද රතු පැහැයක් ගන්නවා. ඒ රක්ත වර්ණය නිසා 'බ්ලඩ් මූන්' ලෙස මෙම අවස්ථාව හැඳින්වෙනවා. අර්ධ චන්ද්‍රග්‍රහණයකදී, පෘථිවියේ සෙවනැල්ලෙන් වැසෙන්නේ සඳෙහි කොටසක් පමණයි.
චන්ද්‍රග්‍රහණ 3න් 1ක් පමණක් පූර්ණ අවස්ථාවක් ලෙස සැලකෙන නිසා පූර්ණ චන්ද්‍රග්‍රහණය අතිශය දුර්ලභ අවස්ථාවක් ලෙස සැලකෙනවා. සාමාන්‍යයෙන් සෑම වසර දෙකහමාරකට වරක් පමණ පූර්ණ චන්ද්‍රග්‍රහණයක් සිදු වනවා. මෙම වසරේ ඕස්ට්‍රේලියානුවන්ට දැකිය හැකි දෙවන චන්ද්‍රග්‍රහණය මෙය වනු ඇත. මාර්තු මාසයේදී චන්ද්‍රග්‍රහණයක් සිදු වූ නමුත් රටේ නැගෙනහිර දෙසට පමණක් එය අර්ධ වශයෙන් දිස් වුණා. මෙයින් පසු ලබන වසරේ මාර්තු දක්වා චන්ද්‍ර ග්‍රහණයක් සිදු වන්නේ නැහැ. මෙම වසරේ දී ඔබට පූර්ණ චන්ද්‍ර ග්‍රහණ අවස්ථාව මග හැරුණොත් තවත් රක්ත වර්ණ සඳක් දැකීමට 2028 දෙසැම්බර් දක්වා බලා සිටීමට සිදුවනු ඇති.
Source: SBS
—————————————————————————————————————-
SBS සිංහල පොඩ්කාස්ට් එකතුවට පිවිසෙන්න මෙතැනින්. එසේම SBS South Asian YouTube නාලිකාවෙන් ද SBS සිංහල පොඩ්කාස්ට්වලට සවන් දිය හැකියි.
SBS සිංහල සජීවී ගුවන්විදුලිය සඳුදා, අඟහරුවාදා, බ්‍රහස්පතින්දා සහ සිකුරාදා දිනවල පෙ.ව. 11.00 ට SBS සිංහල වෙබ් අඩවියේ livestream හරහා, SBS South Asian ඩිජිටල් ගුවන් විදුලිය තුළින් සහ, ඔබේ රූපවාහිනියේ නාලිකා 302 හෝ 305 ඔස්සේ සවන් දිය හැකියි. නැතහොත් ඔබේ ප්‍රදේශයේ SBS ගුවන් විදුලි සංඛ්‍යාතය සොයා ගැනීමට SBS tune-in පිටුවට පිවිසෙන්න.
අපගේ සජීවී ගුවන් විදුලිය සහ පොඩ්කාස්ට් වෙත පහසුවෙන් ප්‍රවේශ වීමට SBS Audio App නොමිලේ download කරගන්න. නවතම තොරතුරු දැනගැනීමට SBS Sinhala Facebook වෙත පිවිසෙන්න.
