ඕස්ට්‍රේලියානු රජය විවිද වීසා මත ඔස්ට්‍රේලියාවට පැමිණෙන අය වෙනත් වීසා වලට මාරුවීම වැලක්වීමට නව නීති ගෙනවිත් තිබේ. මෙහිදී No- Further Stay වීසා කොන්දේසිය නොමැතිව ඔස්ට්‍රේලියාවට සංචාරක වීසා මත පැමිණෙන අය සඳහා මින් පෙර මෙම අවස්තාව හිමි වී ඇත.
මෙය ඕස්ට්‍රේලියානු සංක්‍රමණික නීති පද්ධතියේ පැවති යම් හිඩැසක් ලෙස පැවතියද තවදුරටත් එය එසේ නොවී ඕස්ට්‍රේලියානු සංක්‍රමණ නීති පද්ධතිය ශක්තිමත් කිරීමට කටයුතු කරන බව ස්වදේශ කටයුතු අමාත්‍ය ක්ලෙයාර් ඕ නීල් (Clare O'Neil) පවසා සිටී.
උපාධි අධ්‍යාපනය සම්පූර්ණ කරන සෑම ජාත්‍යන්තර සිසුන් තිදෙනෙකුගෙන් එක අයෙක්ම ඔස්ට්‍රේලියාව තුල රැඳී සිටින කාලය දිගුකරගනීමේ අරමුණින් මිල අඩු විවිද පාටමාලා සඳහා ලියාපදිංචි වනවාA 2023 report by the Grattan Institute
මෙහිදී ශිෂ්‍ය වීසා වලට අයදුම් කරමින් වීසා කාලය දිගු කර ඔස්ට්‍රේලියාව තුල රැඳී සිටින පිරිසක් බිහිවී ඇති බව අමාත්‍ය වරිය මෙහිදී පැහැදිලි කර සිටියාය. 2023 ජුලි 1 සිට 2024 මැයි මස වනවිට මේ ආකාරයට වෙනත් වීසාමත ඔස්ට්‍රේලියාවට පැමිණ ශිෂ්‍ය වීස සඳහා 36000කට අධික පිරිසක් යොමුවී ඇති බව වාර්තා වේ.
තවද උපාධි අධ්‍යාපනය සම්පූර්ණ කරන සෑම ජාත්‍යන්තර සිසුන් තිදෙනෙකුගෙන් එක අයෙක්ම ඔස්ට්‍රේලියාව තුල රැඳී සිටින කාලය දිගුකරගනීමේ අරමුණින් මිල අඩු විවිද පාටමාලා සඳහා ලියාපදිංචි වන බව Grattan ආයතනයේ 2023 වාර්තාවකින් පෙන්වා දී ඇත.
නව නීති වලට අනුව සංචාරක වීසා එනම් Subclas 600, 601 සහ 602 යන වීසා කාණ්ඩ, Subclass 485 වීසා , නාවුක සේවකයින් සඳහා ලැබෙන වීසා මෙන්ම රාජතාන්ත්‍රික කටයුතු සඳහා පැමිණෙන සේවකයින් ඇතුළු වීසා කාණ්ඩ කිහිපයක් සඳහා ඔස්ට්‍රේලියාව තුලදී ශිෂ්‍ය වීසා අයදුම් කිරීමට නොහැකි වනු ඇත.
එම වීසා කාණ්ඩ පහත පරිදි වේ.
- Subclass 485 (Temporary Graduate)
- Subclass 600 (Visitor)
- Subclass 601 (Electronic Travel Authority)
- Subclass 602 (Medical Treatment)
- Subclass 651 (eVisitor)
- Subclass 771 (Transit)
- Subclass 988 (Maritime Crew)
- Subclass 995 (Diplomatic Temporary) – primary visa holders only
- Subclass 403 (Temporary Work) International Relations)) – Domestic Worker (Diplomatic or Consular) stream
- Subclass 426 (Domestic Worker (Temporary) – Diplomatic or Consular)
මේ ආකාරයට ඕස්ට්‍රේලියාවේ අධ්‍යාපනය ලැබීමට අවශ්‍යනම් තම මවුරටට ගොස් නැවත වීසා අයදුම් කිරීම සිදුකලයුතු බවට ඕස්ට්‍රේලියානු රජය අවධාරණය කර සිටී.
මෙහිදී 485 වීසා ලාබීන්ටද නැවත ශිෂ්‍ය වීසා අයදුම් කිරීමේ අවස්තාව අහිමි වී තිබේ. මෙවැනි අවස්තාවකදී තම ක්ෂේශ්ත්‍රයේ තමාට ඇති රැකියා පළපුරුද්ද යොදා ගනිමින් Employer Sponsored Visa සඳහා යොමුවීම එක විකල්පයක් බව සංක්‍රමණ උපදේශිකා දේශානි දියුනුගලගේ පවසා සිටී. ඕස්ට්‍රේලියාවේ ජනගහන වර්ධනය පාලනය කිරීමට ඕස්ට්‍රේලියානු රජය මේ අවස්තාවේදී කටයුතු කලද ඉදිරියේදී ඔස්ට්‍රේලියාවට සංක්‍රමණය වීමට තවත් අවස්ථා උදාවිය හැකි බවද ඇය වැඩිදුරටත් පවසා සිටියා.
********************************************************************************
ඕස්ට්‍රේලියාවේ කාලීන තොරතුරු ඇතුලත් SBS සිංහල සේවයේ කෙටි පොඩ්කාස්ට් වලට සවන් දීමට, Apple Podcasts, Google Podcasts, Spotify, හෝ ඔබ කැමති වෙනත් පොඩ්කාස්ට් මාධ්‍යයකට පිවිස SBS සිංහල ලෙස සර්ච් කරන්න.
*********************************************************************************
