මේ වනවිට ඉහල පැතිරීමක් දක්නට තිබෙන Cicada COVID ප්රභේදය ගැන සහ එමගින් ආරක්ෂා වීමට දැනගත යුතු දේ පිළිබඳව SBS සිංහල සේවය සිදු කල සාකච්ඡාවට සවන් දෙන්න
නිව් සවුත් වේල්ස් ප්රාන්තයේ "වයස්ගත සත්කාර පිලිබඳ විශේෂඥ" වෛද්ය තුෂාර ගුණවර්ධන සමග SBS සිංහල සේවය සිදු කල සාකච්චාව
සැ . යු - මෙම සාකච්ඡාවේ දී සම්පත්දායකයා විසින් සපයා ඇති කරුණු පොදු කරුණු වන අතර පුද්ගල තත්ව අනුව මෙය බලපාන ආකාරය වෙනස් විය හැකි බව කාරුණිකව දන්වා සිටින්නෙමු.
SBS සිංහල පොඩ්කාස්ට් එකතුවට පිවිසෙන්න මෙතැනින්. එසේම SBS South Asian YouTube නාලිකාවෙන් ද SBS සිංහල පොඩ්කාස්ට්වලට සවන් දිය හැකියි.
SBS සිංහල සජීවී ගුවන්විදුලිය සඳුදා, අඟහරුවාදා, බ්රහස්පතින්දා සහ සිකුරාදා දිනවල පෙ.ව. 11.00 ට SBS සිංහල වෙබ් අඩවියේ livestream හරහා, SBS South Asian ඩිජිටල් ගුවන් විදුලිය තුළින් සහ, ඔබේ රූපවාහිනියේ නාලිකා 302 හෝ 305 ඔස්සේ සවන්දිය හැකියි. නැතහොත් ඔබේ ප්රදේශයේ SBS ගුවන් විදුලි සංඛ්යාතය සොයා ගැනීමට SBS tune-in පිටුවට පිවිසෙන්න.
අපගේ සජීවී ගුවන් විදුලිය සහ පොඩ්කාස්ට් වෙත පහසුවෙන් ප්රවේශ වීමට SBS Audio App නොමිලේ download කරගන්න. නවතම තොරතුරු දැනගැනීමට SBS Sinhala Facebook වෙත පිවිසෙන්න.
Nipuna
මේ වෙද්දී ඇමරිකාව යුරෝපය පුරා වගේම ලෝකයේ විවිධ රටවල ඒ වගේම ඕස්ට්රේලියාවෙත් අලුත් කොවිඩ් ප්රභේදයක් පැතිරීම සිද්ධ වෙනවා. මේ පැතිරීම ඕස්ට්රේලියාවේ යම් ආකාරයක ඉහළ යමකුත් අපි දකිනවා. මේ අලුතින් පැතිරෙන කොවිඩ් ප්රභේදය BA.3.2 එහෙම නැත්නම් Cicada කියලත් නම් කරලා තියෙනවා ඉතින් මේ නිසා මේ ඉහළ පැතිරීමක් මේ වෙද්දී අපිට දකින්න තියෙන Cicada කොවිඩ් ප්රභේදය ගැන වගේම මේ ප්රභේදයෙන් ආරක්ෂා වීමට අපි දැනගත යුතු දේවල් ගැන අද SBS සිංහල සේවයෙන් අපි කතාබහ කරන්න කල්පනා කරනවා.
මේ ගැන අපිව දැනුවත් කරන්න අපිත් එක්ක සම්බන්ධ වෙලා ඉන්නවා නිව් සවුත් වෙල්ස් ප්රාන්තයේ වයස්ගත සත්කාර පිළිබඳ විශේෂඥවරයෙකු වශයෙන් කටයුතු කරන තුෂාර ගුණවර්ධන වෛද්යතුමන්. දැන් මේ Cicada කොවිඩ් ප්රභේදය කියන්නේ මොකක්ද ඒ වගේම මේ වෙද්දි මේ ප්රභේදයේ දැඩි පැතිරීමක් අපිට දකින්න තියෙන්නේ ඇයි අපි මේ ගැන මුලින්ම කියමු.
Thushara
මේ නව කොවිඩ් ප්රභේදය මේකට කියනවා BA.3.2 එහෙම නැත්තන් Cicada ප්රභේදය කියලා. මේක වෙන්නේ මේ මියුටේෂන් එකක් එහෙම නැත්තම් ජානමය විකෘතියක් නිසා වෛරසයකට පුළුවන් එහි මතුපිට ස්වභාවය වෙනස් කරන්න. මේ විකෘතියක් නිසා එතකොට මේ කොවිඩ් ප්රභේදයේ නව Cicada ප්රභේදයේ මේ ජානමය විකෘතිය නිසා ඒකෙ මතුපිට තියන ප්රෝටීන් වල ස්වභාවය සියයට හැත්ත පහක් විතර වෙනස් වෙලා තියෙනවා.
එතකොට මේ වෙනස්කම නිසා නව කොවිඩ් වෛරස් ප්රභේදය මේ වෙනස අපේ ප්රතිශක්තීකරණ පද්ධතියට අඳුරගන්න අමාරු වෙනවා. ඒ කියන්නේ මීට පෙර මේ වෛරසය බෝවිලා තියෙන හෝ එහෙම නැත්තම් ප්රතිශක්තීකරණය එන්නතක් ලබා තිබෙන පුද්ගලයෙක් එම කොවිඩ් වලට ප්රතිශක්තියක් තියෙන පුද්ගලයෙක් ට මෙම නව ප්රභේදය නිසා නැවතත් කොවිඩ් ඇතිවෙන්න පුළුවන්.
ඔබ දැනටත් දැනුවත් ඇති මෙලෙස වෛරසයේ සිදුවන විකෘතිතා නිසා විටින් විට නව ප්රභේද ලෙස කොවිඩ් විටින් විට ශීඝ්රයෙන් පැතිරීමක් දකින්න තිබුණා. පහුගිය කාල තුළ මෙම Cicada ප්රභේදය මුලින්ම වාර්තා වුණේ 2024 අග භාගය දකුණු අප්රිකාවෙන්. එතැන් සිට මේ 2026 මේ වන විට ඇමරිකාව යුරෝපය සහ ඕස්ට්රේලියාව ඇතුළු රටවල් ගණනාවකින් වාර්තා වනවා. .
ඕස්ට්රේලියාව ඇතුළේ නිව් සවුත් වේල්ස් ප්රාන්තයේ තමයි වැඩිම රෝගීන් ප්රමාණයක් වාර්තා වෙලා තියෙන්නේ. දැනට මේ වන විට දහ දාහකට වැඩිය රෝගීන් ප්රමාණයක් වාර්තා වෙලා තියෙනවා. ඒ වගේම තමයි අනෙකුත් සියලුම ඕස්ට්රේලියාවේ ප්රාන්තවල රෝගීන් විශාල වශයෙන් මේ වන විට වාර්තා වෙලා තියෙනවා.
Nipuna
හොඳයි වෛද්යතුමනි දැන් මේ Cicada කොවිඩ් ප්රභේදයේ රෝග ලක්ෂණ අපිට මේ කලින් තිබ්බ කොවිඩ් ප්රභේදවලට වඩා වෙනස් වෙනවද එහෙම නැත්නම් එකම තත්වයක්ද පෙන්නුම් කරන්නේ මම මේ ගැනත් කැමතිය දැනගන්න.
Thushara
ඇත්තටම කියනවනම් මේ රෝග ලක්ෂණවල නම් කිසිදු වෙනසක් නැහැ. එය පෙර කොවිඩ් රෝග ලක්ෂණ වගේම තමයි සරලවම කියනවනං සෙම්ප්රතිශ්යා රෝග ලක්ෂණ තමයි කොවිඩ් වල තියෙන්නේ උගුරේ කැක්කුම, නාසයෙන් සොටු දියර ගැලීම, කැස්ස සහ කිවිසුම් යාම, උණ, තෙහෙට්ටුව, ඔළුව කැක්කුම, ඇඟේ වේදනාව සහ වමනය වගේ රෝග ලක්ෂණ පෙන්නුම් කරන්න පුළුවන්. මෙන් පෙර කොවිඩ් වල සහ දැන් මේ නව ප්රභේදය ඒ රෝග ලක්ෂණවල වෙනසක් නැහැ.
Nipuna
වෛද්යතුමනි දැන් මේ ගැන අපි කොයිතරම් අවධානයක් යොමු කළ යුතු වෙනවාද කනස්සල්ලට පත්විය යුතු වෙනවාද ඒ වගේම මේ ප්රභේදය ඇත්තටම කොයිතරම් භයානකද මේ ගැනත් කියමු.
Thushara
දැනට පවතින දත්තවලට අනුව මෙම ප්රභේදය පෙර පැවති කොවිඩ් ප්රභේදවලට වඩා වැඩි බරපතල රෝගාබාධ හෝ මරණ ඇති කරන බවට සාක්ෂි නැහැ. ඒ නිසා මෙම නව කොවිඩ් ප්රභේදය ගැන විශේෂයෙන් කනස්සල්ලට පත්විය යුතු නැහැ.
නමුත් මේ Cicada නව ප්රභේදයේ ඇති ඒ විකෘතිතාවය නිසා අපේ ප්රතිශක්ති කරන පද්ධතියෙන් අර්ධ වශයෙන් බේරී යාමට මෙම වර්ෂයේ දී ද පුළුවන්. ඒ නිසා මීට පෙර කෝවිඩ් වැළඳුණු හෝ ප්රතිශක්තියක් ලද පුද්ගලයෙකු ද මෙම නව ප්රභේදය නිසා නැවතත් කෝවිඩ් වැළඳිය හැකියි. ඒ නිසයි අපි මේ ගැන අවධානයෙන් සිටිය යුත්තේ.
Nipuna
වෛද්යතුමනි දැන් තමන් ඒ වගේම අනිත් අයත් ආරක්ෂා කරගන්න අපි මේ සම්බන්ධයෙන් මොන වගේ දේවල්ද කළ යුතු වන්නේ මොන වගේ පියවරද ගත යුතු වන්නේ, වෛද්යවරයෙක් විදිහට ඔබ ලබාදෙන වෛද්ය උපදෙස් මොනවද මේ ගැන අවසන් වශයෙන් කියමු.
Thushara
දැන් මේ ඉහත කී රෝග ලක්ෂණ තියෙනවනං කෙනෙක්ට මේක බොහොම සරල පරීක්ෂණයක් මගින් ගෙදර දීම පරීක්ෂා කරගෙන දැනගන්න පුළුවන් තමන්ට කොවිඩ් වැළඳිලා තියනවද කියලා. කොවිඩ් ටෙස්ට් එකක් දැන ගන්න පුළුවන්. රෝගය වැළඳුණු බොහෝ පුද්ගලයන් රෝහල් ගත නොවී ගෙදර දීම ප්රතිකාර ලබා සුවය ලබන්න පුළුවන්.
නමුත් තදබල රෝග ලක්ෂණ තියෙනවනම් හුස්ම ගැනීමේ අපහසුතාවක් තියෙනවනම් වෛද්යවරයෙක් හමුවෙලා බොහෝ විට රෝහල් ගතවෙලා ප්රතිකාර ලබාගන්න වෙනවා. වැදගත්ම දේ මේ රෝගය පැතිරීම සහ වැළඳීම අවම කිරීම ඒ සඳහා ඔබ කළ යුත්තේ ඔබට රෝග ලක්ෂණ තිබේ නම් සුවය ලැබෙන තෙක් නිවසේ රැඳී සිටීමෙන් අන් අයට වැළඳීම අවම කරන්න පුළුවන්.
සාමාන්යයෙන් මීට පෙර කොවිඩ් වලදී අපි කෙරුවා වගේ මුඛ ආවරණ, අත් සේදීම, කිවිසීම සහ කහින විට මුඛය ආවරණය කිරීම වැනි දේවල් මගින් මෙම රෝගය ව්යාප්තය ව්යාප්තිය අවම කරන්න පුළුවන්.
තවත් මං සඳහන් කරන්න ඕනේ සංකූලතා සඳහා අවදානමක් ඇති රෝගීන්. මේ කියන්නේ වයස්ගත සහ නිධන්ගත රෝග තිදෙන පුද්ගලයන් සඳහා Paxlovid වැනි ප්රති වෛරස් ඖෂධ antiviral medicine ඔබේ පවුලේ වෛද්ය වෛද්යවරයා විසින් නිර්දේශ කරගන්න පුළුවන්.
මම විශේෂයෙන්ම සඳහන් කරන්න ඕනේ මෙම රෝගයෙන් ආරක්ෂා වීමට කොවිඩ් ප්රතිශක්තීකරණය එන්නතේ ඇති වැදගත්කම. මම මීට පෙර සඳහන් කළා මේ Cicada ප්රභේදය දැන් තියෙන කොවිඩ් එන්නතෙන් ඒ තරම් සාර්ථක වෙන්න නැතිවෙන්න පුළුවන්. නමුත් මෙහිදී දැනගන්න ඕනේ මෙම Cicada කොවිඩ් ප්රභේදයටත් එමගින් යම් ප්රතිශක්තියක් දැනට තියෙන එන්නතෙන් තියෙන නිසා ඔබට යම් හෙයකින් මෙම Cicada කොවිඩ් ප්රභේදය වැළඳුනොත් එම රෝගයේ තියෙන උත්සන්නතාවය සහ සංකූලතා අවම කරන්න පුළුවන් ප්රතිශක්තිය ලබා සිටිය හොත්.
එම නිසා ඔබ කළ යුත්තේ මෙම කොවිඩ් නව ප්රභේදය සඳහා ඉහත කී උපදෙස් පිළිපැදීම සහ ප්රතිශක්තීකරණය ලබා නැත්නම් එම ප්රතිශක්තීකරණය ලබා තිබීමෙන් ඔබට මේ රෝගය වැළඳීම අවම කරන්න සහ එහි ඇති අවදානම අඩු කරන්න පුළුවන්.
