වික්ටෝරියා ප්රාන්තයේ බිත්තර ගොවිපල දෙකක කුරුළු උණ පැතිරීම නිසා කුකුළන් ලක්ෂ පහකට ආසන්න ප්රමාණයක් මරා දැමීමට තීරණය කෙරුනා. ඉතාම දරුණු ලෙස පැතීරී යන මෙම වෛරස තත්වය හේතුවෙන් ලක්ෂ පහකට අධික කිකිළියන් ප්රමාණය මරා දැමීමට සිදුවූ බව Victorian Farmers Federation විසින් නිවේදනය කර ඇත.
කුරුළු උන නිසා එක දිනකට බිත්තර 450,000ක හිඟයක් බිත්තර වෙළඳපොල තුල පවතී
බිත්තර නිෂ්පාදනය හොඳින් සිදුවන කාලවලදී එක කිකිළියක් විසින් සතියකට බිත්තර 5ක් හෝ 6ක් පමණ ලබා දෙන බව Victorian Farmers Federation හි උපසභාපති ලෙස කටයුතු කරන සහ බිත්තර ගොවිපල හිමිකරුවකු වන Danyel Cucinotta පවසා සිටී.
මේ අනුව මේ වනවිට එක දිනකට බිත්තර 450,000ක් පමණ වෙළඳපොළට නොපැමිණෙන බව ඔහු වැඩිදුරටත් පෙන්වා දේ.
ඉදිරි දින කිහිපය තුල තම වෙළඳ සැල් තුල යම් ආකාරයක බිත්තර හිඟයක් දැකගත හැකිවනු ඇති බවට ALDI සුපිරි වෙළඳසල් සමූහයේ ප්රකාශකයකු පවසා සිටී.
කෙසේ උවත් මෙම වසන්ගත තත්වය තම සැපයුම් ජාලවලට බලපෑමක් නොකරනු ඇති බව Woolworths ආයතනේයේ ප්රකාශකයකු පවසා සිටී.
කෙසේ උවත් සතුන් ලක්ෂ පහකට ආසන්න ප්රමාණයක් මරාදැමීම නිසා ඇතිවූ තත්වය යතාතවයට පත්වීමට මාස 6 සිට වසර තුනක් දක්වා වූ කාලයක් ගතවිය හැකි බව Victorian Farmers Federation හි උපසභාපති ලෙස කටයුතු කරන Danyel Cucinotta පවසා සිටියේය.
********************************************************************************
ඕස්ට්රේලියාවේ කාලීන තොරතුරු ඇතුලත් SBS සිංහල සේවයේ කෙටි පොඩ්කාස්ට් වලට සවන් දීමට, Apple Podcasts, Google Podcasts, Spotify, හෝ ඔබ කැමති වෙනත් පොඩ්කාස්ට් මාධ්යයකට පිවිස SBS සිංහල ලෙස සර්ච් කරන්න.
*********************************************************************************
