Sunil sosa karreta ida iha Facebook Marketplace, maibé hafoin lori sai karreta ne'e hahú halo barullu no halo nia preokupa tebes.
Sunil fo hatete ba vendedór kareta nian, maibe nia husu atu nafatin lori karreta ne'e. Ikusmai, Sunil deside atu hadi'a karreta ne'e no selu diferensa ba vendedór.
Nia hatete ba SBS Examines "Vendedór hahú ameasa ha'u no hatete katak nia advogadu sei kontaktu ha'u no hasoru ha'u iha tribunál".
"Maibe tanba ha'u nia estatutu vistu no tauk atu ba tribunál no nia konsekensia ba ha'u nia rejistu, entaun ha'u selu de'it extra atu hadi'a karreta ne'e rasik."
Sunil hatete katak ida-ne'e hanoin ne'ebe komún ba ema sira ne'ebe kaer vistu.
Nia hatete "Ami nia komunidade tauk kuandu iha ligasaun kona-ba vistu sira ne'ebé sei revoga bainhira ko'alia kona-ba multa. Sira selu de'it deit maski sira hatene dalaruma sira la sala ka hetan multa ne'ebé sala".
Advogada prinsipál Sentru Konsellu no Direitu Imigrasaun nian, Ann Emanuel, hatete katak tauk no informasaun sala ne'e barak liga ho kompleksidade sistema imigrasaun nian.
Nia hatete "Ami rona barak hosi ami nia kliente sira katak sira hetan ona informasaun ruma kona-ba vistu ida ne'ebé kanseladu ka hetan deportasaun . . . Parte ida hosi ida-ne'e maka kompleksidade hosi sistema imigrasaun nian, ida-ne'e la'ós buat ida ne'ebé diretu ka fasil atu komprende".
Sra. Emanuel hatete katak instánsia sira ne'ebé komún kona-ba abuzu vistu nian maka akontese iha servisu fatin sira ka iha sirkunstánsia sira hanesan violénsia doméstika nian.
Nia sublinha "Iha tauk boot tebes kona-ba konsekuénsia saida maka sira sei hetan bainhira sira ba relata ba autoridade"
Iha epizódiu ida-ne'e hosi SBS Examines, ami husu saida maka sei halo ema ida nia vistu hetan kanselamentu no aborda, no oinsá informasaun sala kontribui ba abuzu vistu nian.
