ንኢትዮጵያ ከይውክል ዝወሰንኩዎ ኣይጠዓሰሉን'የ፡ ሰላም ንኽሰፍን ምክፍፋል ስልጣን ይሃሉ - ሲፋን ሓሰን
Source: Getty
ሰሙናዊ መደብ ስፖርት (16/08/2021) * ኣሰልጣኒ ሃገራዊት ጋንታ ኩዕሶ እግሪ ኢትዮጵያ ውበቱ ኣባተ ኢትዮጵያ ኣንጻር ጋናን ዚምባብወን ንእተካይዶም መጻረዪ ግጥማት ንዋንጫ ዓለም 2022 28 ተጻወቲ ልምምዶም ክጅምሩ መሪጹ፡ * ኣብ መባእታዊ መጻረዪ ግጥማት ናብ’ቲ ኮስታሪካ ተአንግዶ ዋንጫ ዓለም ኩዕሶ እግሪ ፊፋ ደቀንስትዮ መንእሰያት ት20 ኤርትራ ንጂቡቲ ኣብ ቀዳማይ እግሪ ግጥም 3-1 ስዒራታ፡ * ኤርትራዊ ተቐዳዳማይ ቢንያም ግርማይ ኣብ ቅድድም ብሽግለታ ዙር ፖሎኝ ጽቡቕ ምንቅስቓስ ኣርእዩ፡ ዳዊት የማነ ከኣ ምስ ጋንታ ባይክ ኤይድ ተጸንቢሩ፡ * ሰለስተ መዳልያታት ብምዕታር ኣብ’ቲ ኣብ ቀረባ ግዜ ዝተዛዘመ ግጥማት ኦሎምፒክስ ቶክዮ 2020 ቅያ ዝሰርሐት ኢትዮጵያ ዝመበቆላ ነዘርላንዳዊት ሲፋን ሓሰን ንኢትዮጵያ ወኪላ ከይትወዳደር ምውሳና ከምዘየጣዕሳን ኣብ’ታ ሃገራ ሰላም ክወርድ ከምእትደልን ገሊጻ፡
Share
