ابھی آنے والا ہے Wed 6:00 PM  AEST
ابھی آنے والا ہے شروع ہوگا 
Live
Urdu radio

ماحور شہزاد: بیڈمنٹن کے میدان میں پاکستان کی نمائندگی کرنے والی پہلی کھلاڑی

Source: Twitter Mahoor Shahzad

پاکستان کی بیڈمینٹن کے میدان میں گزشتہ ۷۳ برس سے اولمپکس میں کوئی نمائندگی نہیں کر سکا۔ ماحور شہزاد پہلی کھلاڑی ہیں جو پاکستان کی ٹوکیو اولمپکس ۲۰۲۰ میں نمائندگی کرنے جا رہی ہیں-

ماحور شہزاد کے والد بیڈمیںٹن کے کھلاڑی رہ جکے ہیں اور یہی بات ماحور کو اس میدان کی طرف کھینچ کر لائی- ایس بی ایس اردو سے بات کرتے ہوئے ماحورشہزاد نے بتایا کہ بچپن سے ہی والد نے بھرپور ساتھ دیا اور بیڈمیںٹن کھیلنے میں مدد کی- انہوں نے بتایا، "میرے والد نے مجھے بچپن سے ایک ہی بات بتائی "تھی کہ بیٹا اگر بیڈمینٹن کھیلنا ہے تو قومی سطح پر نہیں بلکہ بین الاقوامی سطح پر کھیلنے کی تیاری کرو-

ماحور کا کہنا ہے کہ جب وہ سات برس کی تھیس اس وقت سے وہ بیڈمینٹن کھیل رہی ہیں اور اس کے علاوہ ان کی بہن بھی ان کے ساتھ کھیلتی رہی ہیں- اسی سلسلے میں ماحور نے بتایا کہ ۱۳ برس کی عمر میں وہ انڈر ۱۹ کی فاتح بن گئی تھیں جس کا فائنل انہوں نے اپنی بہن کے خلاف کھیلا تھا۔

ماحور نے سن ۲۰۱۹ سے بین الاقوامی ٹورنامنٹ کھیل رہی ہیں- انہوں نے ۲۰۱۹ میں سات، ۲۰۲۰ میں تین جبکہ ۲۰۲۱ میں ایک بین الاقوامی ٹورنامنٹ کھیل چکی ہیں- ان کا کہنا ہے کہ جب سے انہوں نے یہ ٹورنامنٹ کھیلنے شروع کیے تھے تب سے ہی اس بات کا ارادہ کر لیا تھا کہ وہ پاکستان کی اولمپکس میں نمائندگی کریں گی۔
اولمپکس میں شرکت کے سوال پر انہوں نے خوشی کا اظہار کرتے ہوئے کہا  کہ گزشتہ چار برس سےوہ اس کے لیے محنت کر رہی ہیں اور اس محنت کا ثمر ملنے پر بہت خوشی ہے۔

In a match with world No. 1 Saina Nehwal in commonwealth games 2018 at Gold coast, Australia
In a match with world No. 1 Saina Nehwal in commonwealth games 2018 at Gold coast, Australia
Twitter Mahoor Shahzad

 تیاری کے بارے میں ماحور کا کہنا تھا کہ وہ روزانہ چھ سے سات گھنٹوں تک مشق کرتی رہی ہیں- انہوں نے کہا کہ اتنی مشق کی وجہ سے ہی وہ اچھی کارکردگی دکھانے میں کامیاب رہی- روزانہ دوڑ کے علاوہ وہ ہفتے میں ایک بار پانچ ہزار میٹر کی دوڑ بھی لگاتی ہیں۔

ایس بی ایس کو ماحور نے بتایا کہ اس سارے سفر کے دوران انہیں کافی مشکلات کا سامنا کرنا پڑا- انہوں نے بتایا کہ سب سے زیادہ دشواری مشق کے لیے کورٹ حاصل کرنے میں ہوئی- علاوہ ازیں انہیں کھیل میں سیاست کا بھی سامنا کرنا پڑا لیکن ان کا کہنا پے کہ سب مشکلات کا انہوں نے جواں مردی سے مقابلہ کیا۔

Mahoor Shahzad after winning national championship fifth consecutive time
Mahoor Shahzad after winning national championship fifth consecutive time
Twitter Mahoor Shahzad

ماحور اس وقت واحد پاکستانی کھلاڑی ہیں جن کی دنیا میں رینکنگ پہلے ۱۲۰ میں آئی ہے- ماحور نے اپنی پاکستان کے لیے اپنی فتوحات کے بارے میں بتاتےہوئے کہا ۲۰۱٦ میں پاکستان انٹرنیشنل سیریز میں چاندی کا تمغہ جبکہ ۲۰۱۷ اور ۲۰۱۹ میں سونے کا تمغہ جیتا، نیپال انٹریشنل ٹورنامنٹ ۲۰۱۸ میں سونے کا تمغہ جیتا، بلغاریہ انٹرنیشنل ٹورنامنٹ ۲۰۱۹ میں کانسی کا تمغہ، ساؤتھ ایشن گیمز ۲۰۱۹ میں کانسی کا تمغہ جیتا اور یوگانڈا انٹرنیشنل ٹورنامنٹ ۲۰۲۰ میں کانسی کا تمغہ جیتا۔

Mahnoor Shahzad has been selected by Badminton World Federation (BWF) for their fully funded scholarship for the University of London’s Post Graduate Certificate in International Sports Managment
Mahnoor Shahzad was selected by Badminton World Fed. (BWF) for fully funded scholarship of the UoL’s Post Grad Certificate in International Sports Management
Twitter Mahoor Shahzad

ماحور نے پاکستان بیڈمینٹن فیڈریشن کے کردار کو بھی سراہتے ہوئے کہا کہ انہیں فیڈریشن کی طرف سے ہر ممکن مدد حاصل رہی اور اگر ان کی جگہ کوئی اور بھی ہوتا تو اسے بھی ایسے ہی سپورٹ کیا جاتا ۔

دوسری جانب پاکستان بیڈمینٹن فیڈریشن کے سیکریٹری جنرل واجد علی چوہدری کا کہنا تھا کہ ماحور نے ناصرف اپنے آپ کو منوایا ہے بلکہ پاکستان کی تاریخ میں پہلی مرتبہ اولمپکس کے لیے بھی کوالیفائی کیا ہے- ماحور پاکستان کی بیڈمینٹن کے میدان میں اولمپکس میں نمائندگی کرنے والی پہلی کھلاڑی ہیں۔-

Mahoor recieving prize by Mr. Wajid Ali Chaudhry, Secretary General of Pakistan Badminton Federation, for winning Gold medal in Pakistan International Series 2019
Mahoor recieving prize by Mr. Wajid Ali Chaudhry Secretary General of Pakistan Badminton Federation for winning Gold medal in Pakistan International Series 2019

واجد علی کا کہنا ہے کہ ماحور کے اولمپکس میں جانے سے ناصرف پاکستان میں اس کھیل کی ترویج میں مدد ملے گی بلکہ مزید لڑکیاں بھی اس کھیل میں دلچسپی لیں گی۔
فیڈریشن کے کردار کے سوال کے جواب میں ان کا کہنا ہے کہ اس وقت فیڈریشن ہر بندے کی ہر ممکن مدد کر رہی ہے اور آنے والے کھلاڑیوں کے لیے بھی سازگار ماحول پیدا کر رہے ہیں۔ واجد علی کا کہنا ہے کہ وہ ماحور شہزاد کی اولمپکس میں بہتر کارکردگی کے لیے پر امید ہیں اور ان کے لیے نیک تمناؤں کا اظہار کیا۔


 پوڈ کاسٹ سننے کے لئے اوپر دئے آڈیو آئیکون پر کلک کیجئے 

  یا پھرنیچے دئے اپنے پسندیدہ پوڈ کاسٹ پلیٹ فارم سے سنئے

Spotify PodcastApple Podcasts,  Google Podcast , Stitcher Podcast


 

 

 

 

 

Coming up next

# TITLE RELEASED TIME MORE
ماحور شہزاد: بیڈمنٹن کے میدان میں پاکستان کی نمائندگی کرنے والی پہلی کھلاڑی 17/06/2021 11:58 ...
SBS Urdu News 23 May 2022 23/05/2022 04:00 ...
Labor party ready to form the next Australian parliament after winning the 2022 election-Urdu News 22 May 2022 22/05/2022 10:30 ...
SBS Urdu News 20 May 2022 20/05/2022 04:00 ...
کیا تارکینِ وطن ووٹرز امیدوار کے بارے میں معلومات کر کے ووٹ ڈالتے ہیں؟ 19/05/2022 00:10 ...
ایس بی ایس اردو خبریں 19 مئی 2022 19/05/2022 04:23 ...
'فوٹی' کیا ہے؟ آسٹریلین کھیل کے بارے میں وہ سب کچھ جو آپ جاننا چاہتے ہیں 18/05/2022 22:00 ...
Judges asking Australian politicians to push for a federal integrity commission-Urdu News 18 May 2022 18/05/2022 10:05 ...
امیگرنٹ خواتین عملی سیاست سے دور کیوں 17/05/2022 15:07 ...
ایس بی ایس اردو خبریں 17 مئی 2022 17/05/2022 05:13 ...
View More