یڈلیڈ میں ہارمونی یا یکجہتی کا ہفتہ منفرد طریقے سے منانے کی نئی ریت ڈالی گئی ہے اور اس بار ایڈیلیڈ پاکستانی کلچر گروپ اور ہندوستانی کمیونیٹی کے اڈیلیڈ ملٹی کلچرل اسپورٹس کلب نے مشترکہ طور پر ملاپ کے نام سے انڈیا پاکستان اسپورٹس ڈے منعقد کرنے کا اہتمام کیا ہے۔ 13-12 مارچ کو ہونے والے اس دو روزہ رنگا رنگ پرگرام میں بھارتی اور پاکستانی کمیونیٹیز مل کر فوڈ اسٹال لگانے کے ساتھ کرکٹ، ٹیبل ٹینس اور دیگر کھیلوں کے مقابلے منعقد ہو رہے ہیں۔ ایس بی ایس اردو سے پروگام کے منتظمین میں سے لبیب احمد، لبنیٰ حماد، کے ڈی سنگھ، آصف اور حماد ظفر نے بات چیت کرتے ہوئے بتایا کہ
پاکستانیوں اور بھارتیوں کو قریب لا نے کا کام کھیلوں اور کھانوں کی مشترکہ روایات کے ذریعے کر رہی ہے۔
ان کا کہنا تھا کہ یک جہتی یا ہارمنی ڈے کے سلسلے میں ایڈیلیڈ میں اس نوعیت کے پہلے منفرد ایونٹ میں پاکستانی اور ہندوستانی کمیونٹیز نہ صرف تین مقبول کھیلوں کرکٹ، بیڈ منٹن اور ٹیبل ٹینس کے مقابلوں میں حصہ لیں گے بلکہ ایک ہی چھت کے نیچے دونوں ممالک کے روایتی کھانوں کے ذائقوں سے بھی لطف اندوز ہوں گے۔
(L-R Clockwise) KD Singh, Labeeb Ahmed, Hammad Zafar and Lubna Hammad. Source: Adelaide Pakistanis Multicultural Group
منتظمین کے مطابق ان دونوں ممالک کے درمیان ہمیشہ دلچسپ، سنسنی خیز اور ایکشن سے بھرپور مقابلے ہوتے ہیں اور ہم یہاں آسٹریلیا میں مل جلُ کر یک جہتی کے ساتھ آسٹریلیا کے ملٹی کلچزم کو نمایاں کر رہے ہیں۔
یہ پروگرام 13 12مارچ کو ایڈیلیڈ کی دو دوست کمیونٹیز کے درمیان ہوں گے جس میں دکھایا جائے گا کہ کس طرح بین الثقافتی صحت مندانہ سرگرمیاں اپنی الگ شناخت کے باوجود ساتھ مل کر کام کر سکتی ہیں یہاں رہنے والی پُ امن کمیونیٹیز ایک دوسرے کا احترام کرتی ہیں اس سے ایک طرف سماجی ہم آہنگی اور کمیونٹیز کی ایک دوسرے کے پروگراموں میں شمولیت کی حوصلہ افزائی ہوتی ہے تو دوسری طرف یہ ہم آہنگی آسٹریلین ثقافت کا طرہ امتیاز بھی ہے۔
اس پوڈکاسٹ کو سننے کے لئے سب سے اوپر دئیے ہوئے اسپیکر آئیکون پر کلک کیجئے یا نیچے دئے اپنے پسندیدہ پوڈ کاسٹ پلیٹ فارم سے سنئے
- کس طرح ایس بی ایس اردو کے مرکزی صفحے کو بُک مارک بنائیں یا ایس بی ایس اردو کو اپنا ہوم پیج بنائیں۔
- اردو پروگرام ہر بدھ اور اتوار کو شام 6 بجے (آسٹریلین شرقی ٹائیم) پر نشر کیا جاتا ہے
