چھوٹا کاروبار بڑا شہر: چھوٹے کاروبار کی اصل تعریف کیا ہے

اسسٹنت کمشنر اے ٹی او ایجنلا ایلن کا کہنا ہے کہ کوئی بھی ایسا کاروبار جس کا ’ایگریگیٹ ٹرن اوور ‘ دس ملین ڈالر سے کم ہے تو ٹیکس آفس کی نظر میں اسے ایک چھوٹا کاروبار تصور کیا جائے گا۔ اینجلا کا یہ بھی کہنا تھا کہ یہ تعریف پورے آسٹریلیا کی تمام ریاستوں پر لاگو ہوتی ہے

انہوں نے کہا کہ ٹیکس درست انداز میں بھرنے کے ساتھ کاروبار مالکان پر یہ ذمہ داری بھی عائد ہوتی ہے کہ وہ اپنے ملازمین کا سپر لازمی ادا کریں ۔

اسسٹنٹ کمشنر کا مزید کہنا تھا کہ محکمہ ٹیکس چھوٹے کاروباروں کے فروغ کے لئے انہٰن سہولت فراہم کرنے پر یقین رکھتا ہے اس لئے ضروری ہے اگر آپ کو کسی کاروباری مشکل یا معاشی پریشانی کا سامنا ہے یا ٹیکس سرگرمی ظاہر کرنے میں کوئی غلطی ہوئی ہے تو محکمہ ٹیکس سے فوری رابطہ کریں