ایس بی ایس اردو کی سیزیز چھوٹا کاروبار بڑا شہر کی اس قسط میں یہ جاننے کی کوشش کریں گے کہ مائیگریشن ایجنٹ بننے کی کیا شرائط ہیں کتنا سرمایہ درکار ہے اور قانونی اور اخلاقی طور پر ایک مائیگریشن ایجنٹ کو کن باتوں کو مد نظر رکھنا ہوگا اس سلسلے میں ایس بی ایس اردو نے گفتگو کی ہے دو مختلف آسٹریلین شہروں میں موجود رجسٹرڈ مائیگریشن ایجنٹس سے سنئے اس پوڈکاسٹ میں
مائیگریشن ایجنٹ بننا ’خدمات‘ سے متعلق کاروبار ہے ، لیکن آسٹریلیا میں یہ کاروبار اختیار کرنے کی اہم شرائط اور قانونی شقیں ہیں ۔ اس سلسلے میں ایس بی ایس اردو سے گفتگو کرتے ہوئے میلبرن میں بطور مائیگریشن ایجنٹ خدمات انجام دینے والے محمد اختر کہتے ہیں کہ سب سے پہلا قدم اس شعبے سے متعلق تعلیم ہے
دوسری جانب انہوں نے یہ بھی واضح کیا کہ مائیگریشن ایجنٹ کا آسٹریلین شہری ہونا ضروری ہے ، ایک اور لازمی شرط IELTS میں مجموعی طور پر 7 بینڈز بھی ہے۔
انہوں نے کہا کہ کسی بھی شخص کے لئے کوئی بھی کاروبار اختیار کرنے سے پہلے ضروری ہے کہ اس شعبے میں دلچسپی کے ساتھ ساتھ تجربہ بھی موجود ہو
ماریہ ضیا ملک جو برسبین میں بطور مائیگریشن ایجنٹ اپنے کاروبار سے وابستہ ہیں کہتی ہیں کہ اس کاروبار میں جو سب سے بڑی سرمایہ کاری ہے وہ آپ کی ساتھ اور پہچان ہے
ماریہ کا یہ بھی کہنا ہے کہ اگرچہ یہ کاروبار گھر سے بھی شروع کیا جاسکتا ہے لیکن ابتدائی اخراجات کے ساتھ ساتھ روزمرہ کے اخراجات کا تعین آُ کو کاروبار میں نقصان سے بچا سکتا ہے۔
انہوں نے کہا مائیگریشن ایجنٹ کو بطور کاروبار شروع کرتے ہوئے یہ مدنظر رکھنا ضروری ہے کہ ہر کلائنٹ کی ضرورت اور صورتحال مختلف ہوتی ہے۔
