چاند رات- تیری پیشانی پہ تحریرِ پیامِ عید ہے

چاند رات عید فیسٹیول سڈنی میں منگل چار جون کو روز ہِل گارڈنز میں منعقد ہوا ۔ بھیگا موسم اور گرتا درجہ حرارت بھی ہزاروں افراد کے عید کے جوش و خروش کو کم نہیں کر سکا۔ عید کی خریداری کے ساتھ روایئتی کھانوں اور مہندی کے اسٹالوں پر لمبی قطاریں اس رات کی گہما گہمی میں اضافہ کر تی رہیں۔ اس موقع پر ایس بی یس ریڈیو کے اسٹال پر لگا فوٹو بوتھ بھی شرکا کی توجہ کا مرکز رہا۔ جو لوگ عید کی گہما گہمی کی کمی محسوس کر رہے تھے انہوں نے بھی اپنے خانداںوں کے ساتھ شریک ہو کر نہ صرف اس کمی کو پورا کیا بلکہ چاند رات کا روائیتی لطف بھی اٹھایا ۔ ایس بی ایس اردو نے اس میلے میں آنے والوں سے جو دلچسپ بات چیت کی اس کا لطف آپ بھی اٹھائیے۔۔

Source: sbs urdu