حکومت ک جانب سے نئی کرونا وائرس ایپ جاری کردی گئی ہے۔
ایپ کا بنیادی مقصد یہ ہے کہ اگر کسی شخص میں کووِڈ-۱۹ کا ٹیست پوزیٹو آتا ہے، تو جن افراد سے وہ شخص ملا ہے، ان کو خود ساختہ تنہائی یا آئیسولیشن میں فوری طور پر منتقل کردیا جائے اور وائرس کے پھیلاو کو روک دیا جائے۔
وزیرِاعظم اسکاٹ موریسن نے چند روز پہلے موبائل ٹریکنگ ایپ کو کرونا سے بچاو کے لئے لانچ کیا۔
وزیرِاعظم کا کہنا ہے کہ حکومت چاہتی ہے کہ ہر آسٹریلین اس ایپ کو ڈاون لوڈ کرے۔
Source: Singapore health department
" اس ایپ کے ذریعے ہم ایک پراسیس کو ڈیجیٹل کریں گے۔
" آسٹریلینز دوبارہ پارک جانا چاہتے ہیں، وہ ایک دفعہ پھر سے ساحل پر جانا چاہتے ہیں۔"
ایپ کیسے کام کرتی ہے اور اس ایپ کا عام لوگوں پر کیا اثر پڑھ سکتا ہے؟
یو ٹی ایس کمپیوٹر اسکول کے ایسوسئیٹ پروفیسر آصف گِل نے ایس بی ایس اردو سے گفتگو میں کہا کہ ایپ "بلیو ٹوتھ" ٹیکنالوجی کا استعمال کرے گی۔
"ایپ کے ذریعے حکومت کے ساتھ معلومات شئیر کی جاسکے گی۔
"حکومت کو آپ کا فون نمبر اور نام فراہم کیا جاسکے گا۔
ڈاکٹر گِل کا کہنا ہے کہ اس ایپ کے ذریعے آپ کے مقام کے بارے میں معلومات فراہم نہیں کی جائے گی۔
READ MORE
حکومت کیوں چاہتی ہے کہ یہ ایپ عوام استعمال کریں؟
ڈاکٹر گِل کا کہنا ہے کہ حکومت کا مقصد کرونا وائرس کے پھیلاو کو روکنا ہے اور اس ایپ کے ذریعے وہ پتہ لگانا چاہتی ہے کہ اگر کسی میں وائرس موجود ہے تو کتنے مزید افراد میں وہ منتقل ہوا ہے۔
Source: AAP
عوام کے ڈیٹا کے ساتھ کیا ہوگا؟
حکومت کرونا وائرس کے پھیلاو کو روکنے کے لئے ڈیٹا کا استعمال کرسکتی ہے لیکن ڈاکٹر گِل کے مطابق حکومت بعد میں اس ڈیٹا کو کیسے استعمال کرے گی، یہ نہیں معلوم۔
"اس ڈیٹا کو سرور پر رکھا جائے گا۔ یہ ہٹا دیا جائے گا، ڈیلیٹ کردیا جائے گا یا پھر اس کے ساتھ کیا ہوگا، یہ نہیں پتہ۔
"لوگوں کو یہ جاننے کی ضرورت ہے کہ ایپ کس طرح کام کرے گی۔
"بلو ٹوتھ ٹیکنالوجی کے ذریعے ہوسکتا ہے ہیکرز ڈیٹا تک رسائی حاصل کرنے کی کوشش کریں۔
"اگر آپ بلو ٹوتھ کا استعمال کرتے ہیں تو ہر کوئی شخص آپ کے موبائل کے بارے میں جان سکتا ہے۔
کوئی بھی ہیکر آپ کے میسجز تک رسائی حاصل کرسکتا ہے یا آپ کے موبائل سگنلز کو خراب کرسکتا ہے۔
کرونا وائیرس کے بارے میں ہدایات
وفاقی حکومت کی ویب سائٹ کے مطابق کرونا وائرس کی علامات، ہلکی بیماری سے لے کر نمونیا کی علامات کی طرح ہوسکتی ہیں۔علامات میں بخار، کھانسی ،خراب گلا، تھکن یا سانس لینے میں دشواری شامل ہیں۔ اگر آپ میں بیرونِ ملک سے واپسی پر چودہ دن کے اندر یہ علامات پیدا ہوتی ہیں یا کسی کووڈ ۔ ۱۹ سے متاثرہ مریض سے رابطے میں آئے ہیں، تو فوری طبّی امداد حاصل کریں۔ اگر آپ سمجھتے ہیں کہ آپ کو ٹیسٹ کرانا ہے تو اپنے معالج سے رابطہ کریں یا قومی کرونا وائرس ہیلتھ معلوماتی ہاٹ لائن پر فون کریں۔
فون نمبر۔ 1800020080
