حکومت کی جانب سے 12 سال اور اس سے زائد عمر کے افراد کے لئے ویکسین دستیاب قرار دینے کے بعد نوجوان اور بچے تیزی سے ویکسین لگوا رہے ہیں ۔ والدین بھی اس امر کو یقینی بنانے میں مصروف ہیں کہ اسکول کھلنے سے قبل بچوں کو ویکسین لگوا دی جائے تاکہ بچے اس موذی وبا کے اثرات سے محفوظ رہیں ۔
اس سلسلے میں عظمیٰ اخلاق جنہوں نے اپنے دو بچوں کو فائزر ویکسین کی پہلی خوراک لگوا دی ہے کہتی ہیں کہ ویکسین بلکل محفوظ ہے اور عمومی اثرات کے علاوہ ان کے بچوں کو دوا کا کوئی منفی ردعمل نہیں ہوا ۔
عظمیٰ کا کہنا ہے کہ ویکسین لگوا کر نہ صرف ہم اپنے بچوں کو موذی مرض سے محفوظ کر لیں گے بلکہ اس طرح لاک ڈاون کا خاتمہ جلد ممکن ہوگا۔ انہوں نے اپیل کی کہ ویکسین کے خلاف سامنے آنے والی بے بنیاد باتوں پر دھیان نہ دیا جائے اور جلد از جلد ویکسی لگوائی جائے
عظمیٰ کی پندرہ سالہ بیٹی اسریٰ حسن اور تیرہ سالہ بیٹےطحہ حسن کا کہنا تھا کہ اس ویسکین سے نہ صرف وہ خود کووڈ-19 سے محفوظ ہوئے ہیں بلکہ انہوں نے معاشرے میں وبا کا پھیلاو روکنے میں بھی کردار ادا کیا ہے ۔ اسریٰ نے کہا کہ اس ویکسین کی دوسری خوراک سے کچھ بخار یا سر درد جیسی علامات سامنے آنے کی اطلاعات ہیں ، تاہم یہ اتنے /کطرناک ردعمل نہیں ہیں کہ ویکسین نہ لگوائی جائے ۔
سنبل عدنان بھی ایسے والدین میں شامل ہیں جنہوں نے اپنے بچوں کو ویکسین لگوائی ہے ۔ ان کا کہنا ہے کہ ویکسین کی پہلی خوراک کے بعد بچوں میں کسی طرح کے منفی ردعمل سامنے نہیں آئے ۔ سنبل کا کہنا ہے کہ بطور والدین ہم سب چاہتے ہیں کہ ہمارے بچے محفوظ ہوں، انہوں نے مزید کہا کہ بچوں کو اسکول بھجتے ہوئے پریشانی تھی ۔
هل لقاحات فيروس كورونا للأطفال آمنة؟ Source: AAP Image/Damien Storan/PA Wire
سنبل کے بیٹے فصیح عدنان کا کہنا تھا کہ ویکسین کے بعد نہ صرف عام زندگی کی سرگرمیاں واپس آئیں گی بلکہ اسکول کے ساتھ ساتھ کھیل اور تفریح کئ دروازے بھی دوبارہ کھل سکیں گے ۔ فصیح نے کہا کہ اگرچہ انہیں معمولی سر درد اور چکر محسوس ہوئے لیکن کوئی ایسا ردعمل نہیں ہوا جس سے معمولات زندگی متاثر ہوں
- پوڈ کاسٹ سننے کے لئے نیچے دئے اپنے پسندیدہ پوڈ کاسٹ پلیٹ فارم سے سنئے
- Spotify Podcast, Apple Podcasts, Google Podcast, Stitcher Podcast
- کس طرح ایس بی ایس اردو کے مرکزی صفحے کو بُک مارک بنائیں یا ایس بی ایس اردو کو اپنا ہوم پیج بنائیں
- اردو پروگرام ہر بدھ اور اتوار کو شام 6 بجے (آسٹریلین شرقی ٹائیم) پر نشر کیا جاتا ہے
- اردو پروگرام سننے کے طریقے
