دنیا بھر میں نایاب زمینی عناصر (Rare Earths) کی بڑھتی ہوئی اہمیت نے مائننگ کے شعبے کو نئی توجہ دلائی ہے۔ ہمارے اس خصوصی پوڈکاسٹ میں ڈاکٹر منوج کمار، ایسوسی ایٹ پروفیسر اور مائننگ انجینئرنگ کے پروگرام کوآرڈینیٹر، بتاتے ہیں کہ آسٹریلیا سمیت عالمی سطح پر مائننگ تعلیم کس طرح نئے مواقع اور چیلنجز سے گزر رہی ہے۔
ڈاکٹر منوج کمار کے مطابق، مائننگ صرف زمین سے معدنیات نکالنے کا عمل نہیں بلکہ یہ ایک جدید سائنسی اور تکنیکی شعبہ ہے جو توانائی، معیشت اور ماحول تینوں پر گہرا اثر رکھتا ہے۔ وہ کہتے ہیں کہ جیسے جیسے دنیا نایاب زمینی عناصر، لیتھیئم اور دیگر اہم دھاتوں پر انحصار بڑھا رہی ہے، ویسے ویسے ماہر انجینئروں اور محققین کی ضرورت بھی بڑھ رہی ہے۔
آسٹریلیا جیسے ممالک میں، جہاں معدنی وسائل وافر ہیں، مائننگ انجینئرنگ کی تعلیم نوجوانوں کے لیے ایک ایسا کیریئر راستہ بن چکی ہے جو نہ صرف معاشی امکانات فراہم کرتا ہے بلکہ عالمی پائیداری کے اہداف میں بھی کردار ادا کرتا ہے۔
___جانئے کس طرح ایس بی ایس اردو کے مرکزی صفحے کو بُک مارک کریں ہر بدھ اور جمعہ کا پورا پروگرام اس لنک پرسنئے, اردو پرگرام سننے کے دیگر طریقے, “SBS Audio”کےنام سےموجود ہماری موبائیل ایپ ایپیل (آئی فون) یااینڈرائیڈ , ڈیوائیسزپرانسٹال کیجئے۔
شئیر
