Key Points
- ڈرائیور لائسنس آسٹریلیا میں گاڑیاں چلانے کے لیے قانونی اجازت نامہ ہیں۔
- آسٹریلین ریاستیں اور علاقے اس بات کا تعین کرتے ہیں کہ ڈرائیور کا لائسنس کیسے حاصل کیا جائے، اس لیے دائرہ اختیار کے لحاظ سے قوانین مختلف ہوتے ہیں۔
- ڈرائیور کو مکمل طور پر لائسنس یافتہ ہونے سے پہلے، کئی جائزے پاس کرنے کی ضرورت ہوتی ہے۔
- تارکین وطن اپنے حالات کے لحاظ سے ایک مختصر عمل کے ذریعے بیرون ملک مقیم اپنے لائسنس کو آسٹریلین لائسنس میں تبدیل کرنے کے اہل ہو سکتے ہیں۔
ڈرائیور کا لائسنس ایک سرکاری اجازت نامہ ہے جو ہولڈر کو قانونی طور پر موٹر گاڑی چلانے کی اجازت دیتا ہے۔
آسٹریلیا میں، گریجویٹ سسٹم کے ذریعے لائسنس حاصل کرنے کے کئی مراحل ہیں۔ آپ جس گاڑی کو چلانا چاہتے ہیں اس کے سائز اور قسم کے لحاظ سے مختلف طریقہ کار لاگو ہوتے ہیں۔
قوانین ریاستوں اور ٹریٹریز کے درمیان بھی مختلف ہوتے ہیں۔ تاہم، دائرہ اختیار میں بہت سی مماثلتیں ہیں۔
"نیو ساؤتھ ویلز میں، لرنر لائسنس حاصل کرنے کی کم از کم عمر 16 سال ہے۔ آپ کو بصارت کا امتحان اور علم کا امتحان بھی پاس کرنا ہوگا۔ ہمارا علمی امتحان سڑک کے قوانین کے بارے میں آگاہی کے بارے میں ہے، تاکہ آپ سڑکوں پر محفوظ رہ سکیں،" لوئیس ہیگنس وائٹن، روڈ سیفٹی سٹریٹیجی اینڈ پالیسی کی ڈائریکٹر بتاتی ہیں
اپنے ایل لائیسنس پر رہتے ہوئے، آپ کو یقینی بنانا چاہیے:
- آپ کے ساتھ (ڈرائیونگ کے دوران ) ہمیشہ ایک مکمل لائسنس یافتہ ڈرائیور ہو جو آپ کے ساتھ بیٹھا رہے اور گاڑی میں رہتے ہوئے آپ کی نگرانی کرتا رہے۔
- آپ اپنی گاڑی کے باہر ایک ایل پلیٹ ڈسپلے کرتے ہیں۔
- گاڑی چلانے سے پہلے شراب نہیں پینا یا منشیات نہیں لینا
- آپ کو رفتار کی مخصوص حدوں پر عمل کرنا چاہیے۔
- موبائل فون کے استعمال پر بھی پابندی ہے۔
MORE FROM THE SETTLEMENT GUIDE
What happens when your child turns 18 in Australia?
عارضی یا پروبیشنری لائسنس کی طرف بڑھنا
سیکھنے والے ڈرائیوروں کو ان کی عمر کے لحاظ سے ایک مخصوص مدت تک اپنے ایلز پر رہنا چاہیے۔ اس سے پہلے کہ وہ اکیلے گاڑی چلا سکیں، انہیں 'عارضی' یا 'پروبیشنری' لائسنس، جسے پیزبھی کہا جاتا ہے، حاصل کرنے کے لیے ایک عملی ڈرائیونگ ٹیسٹ پاس کرنا ہوگا۔
آسٹریلیا کے سب سے بڑے ڈرائیونگ اسکول، ایل ٹرینٹ کے ساتھ ماسٹر ڈرائیونگ ٹرینر فرینک ٹومینو، سیکھنے والے ڈرائیوروں کو ان کے ٹیسٹ پاس کرنے میں مدد کرنے کے لیے پیشہ ورانہ مدد کے ساتھ ساتھ خاندان اور دوستوں کی مدد کی سفارش کرتے ہیں۔
"آپ ڈرائیونگ کے کچھ اسباق خرید سکتے ہیں اور اس بات کو یقینی بنا سکتے ہیں کہ ایک پیشہ ور ٹرینر آپ کو ایک ٹھوس بنیاد بنانے، ڈرائیونگ کی صحیح تکنیک سیکھنے اور اس بنیاد پر تعمیر کرنے کے اہم ترین پہلوؤں سے آگاہ کرتا ہے۔
تارکین وطن افراد کے لیے لائسنس کی تبدیلی
بیرون ملک لائسنس کے حامل تارکین وطن لوگوں کو قانونی طور پر گاڑی چلانے کے لیے اپنے لائسنس کو آسٹریلین لائیسنس میں تبدیل کرنا چاہیے۔
لوئیس ہیگنس وائٹن کا کہنا ہے کہ یہ عمل عوامل کی فہرست کے لحاظ سے مختلف ہوتا ہے۔
"آپ کو جو اقدامات کرنے کی ضرورت ہے اس کا انحصار اس ملک پر ہوگا جہاں سے آپ آئے ہیں، آپ کا لائسنس کہاں سے جاری کیا گیا، آپ نے اسے کتنے عرصے تک اپنے پاس رکھا، اور جہاں سے آپ آئے ہیں وہاں لائسنسنگ کا نظام کیسا ہے۔ انہوں نے بتایا
ا گر آپ کسی ایسے ملک سے آتے ہیں جہاں لائسنس کا نظام بہت مختلف ہے، تو آپ کو اکثر اضافی ٹیسٹ دینے کی ضرورت ہوگی اور یہ ٹیسٹ اس بات پر منحصر ہو سکتے ہیں کہ آپ کس ملک سے آئے ہیں اور آپ کس قسم کے لائسنس حاصل کرنے جا رہے ہیں۔
کچھ معاملات میں، اگر آپ کے پاس ایک درست بیرون ملک لائسنس ہے جسے آپ مکمل آسٹریلوی لائسنس میں تبدیل کرنا چاہتے ہیں، تو آپ کو ڈرائیونگ کا عملی امتحان پاس کرنے کا صرف ایک موقع ملے گا۔ اگر آپ ناکام ہو جاتے ہیں، تو آپ کو ایل لائسنس جاری کیا جائے گا۔
جناب ٹومینو کا کہنا ہے کہ جن لوگوں نے دوسرے ممالک میں گاڑی چلانا سیکھا ہے انہیں ٹیسٹ پاس کرنے کے لیے خصوصی کوچنگ کی ضرورت ہو سکتی ہے۔
"تارک وطن افراد کے ساتھ، ہمارے پاس اس سبق میں ایک مختلف گنجائش ہے جہاں ہمیں سڑک کے بہت سے اصول سکھانے کی ضرورت ہے۔ ہمیں کچھ عادات کو توڑنے پر توجہ مرکوز کرنے کی ضرورت ہے جو انہوں نے بیرون ملک ڈرائیو کرتے ہوئے اپنائی ہیں۔ حقیقت یہ ہے کہ ہم سڑک کے بائیں جانب گاڑی چلا رہے ہیں اس ملک میں ایک بڑا چیلنج ہے۔
جب آپ پیز لائیسنس حاصل کر لیتے ہیں تو اس پر رہتے ہوئے، آپ اب بھی گاڑی چلانے سے پہلے شراب نہیں پی سکتے، اور آپ کو رفتار کی مخصوص پابندیوں کا خیال رکھنا ہوگا۔
اس سے پہلے کہ آپ مکمل لائسنس حاصل کر سکیں، آپ کو ممکنہ خطرات کو پہچاننے کے لیے، خطرات سے متعلق ادراک کا امتحان پاس کرنے کی بھی ضرورت پڑ سکتی ہے۔
اگرچہ مکمل طور پر لائسنس یافتہ ڈرائیور بننے کے بعد کچھ پابندیاں آسان ہو جاتی ہیں، پھر بھی آپ کو سڑک کے تمام اصولوں پر عمل کرنا چاہیے۔
خلاف ورزی بڑے جرمانے، لائسنس کی معطلی یا منسوخی کا باعث بن سکتی ہے۔
"ہم ایک بہت زیادہ منظم ملک ہیں۔ تیز رفتاری،(نشے کے ) زیر اثر گاڑی چلانے پر بھاری جرمانے ہیں،" مسٹر ٹومینو نے خبردار کیا
مہاجرین اور تارکین وطن کے لیے خصوصی ڈرائیونگ پروگرام
آسٹریلیا بھر میں کئی کمیونٹی اور سیٹلمنٹ سروسز ادارے مفت یا کم لاگت والے ڈرائیونگ پروگرام پیش کرتے ہیں جو خاص طور پر مہاجرین اور تارکین وطن کے لیے بنائے گئے ہیں۔
دی گریٹ لیکس ایجنسی فار پیس اینڈ ڈیویلپمنٹ نچلی سطح کی ان بہت سی تنظیموں میں سے ایک ہے جو ثقافتی اور لسانی لحاظ سے متنوع پس منظر سے تعلق رکھنے والے سیکھنے والے ڈرائیوروں کے لیے ایک سپورٹ پروگرام چلاتی ہے۔
ادارے کے ایگزیکٹو مینیجر ایمانوئل مسونی کا کہنا ہے کہ انہوں نے پروگرام چلانا شروع کیا، جس سے سیکھنے والے ڈرائیوروں کو ان کے عملی امتحانات پاس کرنے میں مدد ملتی ہے، جب انہوں نے اس بات کی نشاندہی کی کہ بہت سی نئی اور اکیلی مہاجر مائیں نقل و حمل کے لیے دوسروں پر انحصار کرنے لگیں۔ تنظیم نے بہترین نتائج کے لیے مہاجر کمیونٹی کے اندر سے ایک ڈرائیونگ انسٹرکٹر کو شامل کیا۔
"کچھ لوگ ایسے ہوتے ہیں جو مکمل طور پر اس بات سے ناواقف ہوتے ہیں کہ اسٹیئرنگ وہیل کو کیسے پکڑنا ہے۔ لہذا، ڈرائیور ان کو ابتدا سے سیکھانا شروع ہوتا ہے تاکہ انہیں اس مقام سے لے کر لائسنس حاصل کرنے تک گاڑی چلانا سکھائے،‘‘ وہ کہتے ہیں۔
مچلین ناینتاباراس پروگرام سے مستفید ہونے والی نئی ماؤں میں سے ایک ہے۔
محترمہ ناینتابارا نے اپنے آبائی ملک کانگو میں کبھی گاڑی نہیں چلائی تھی اور وہ اسٹیرنگ وہیل پکڑنے سے بہت خوفزدہ تھیں۔ انہوں نے گاڑی چلاناسیکھنے کا فیصلہ کیا کیونکہ کام کے لیے پبلک ٹرانسپورٹ کا استعمال کرنے میں وقت کا زیاں ہوتا تھا۔ ایک چھوٹے بچے کے ساتھ، وہ کہتی ہیں کہ بسوں میں پرام کے ساتھ سفر مشکل تھا۔
اگرچہ انہوں نے پیشہ ورانہ ڈرائیونگ کے اسباق لیے تھے اور انہیں دوستوں کی طرف سے بھی تربیت دی گئی تھی، لیکن وہ دو بار اپنے عملی ڈرائیونگ ٹیسٹ میں ناکام رہی - یہاں تک کہ انہوں نے گلیپڈ کے ساتھ ڈرائیونگ کا سیکھی۔
وہ اپنی کامیابی کا سہرا اپنے انسٹرکٹر کے ساتھ اسی ثقافتی پس منظر کا اشتراک کرنے کو دیتی ہے، جس نے اس کا اعتماد بڑھانے میں مدد کی۔
اب میں جہاں بھی جانا ہو جا سکتی ہوں... پہلے یہ بہت مشکل تھا، لیکن اب میرے پاس اپنی گاڑی ہے۔ کام پر جانا بہت آسان ہے، میرے لیئے اپنے بیٹے کو باہر لے جانا بہت آسان ہے۔ یہ زندگی کو آسان بناتا ہے، خاص طور پر اس عورت کے لیے جس کے بچے ہیں۔
محترمہ نا ینتابارا دوسری خواتین کی حوصلہ افزائی کرتی ہیں کہ وہ ڈرائیونگ کے اپنے خوف پر قابو پالیں، کیونکہ اس کے بعد کی تبدیلی ایک انعام کی طرح لگتی ہے ۔
"(شروع میں لگتا ہے کہ )یہ کافی خوفناک ہونے والا ہے، لیکن جب آپ کامیاب ہو جاتے ہیں، جب آپ کو اپنا لائسنس مل جاتا ہے، تو آپ اس کے بارے میں نہیں سوچتے کہ پہلے کیا ہوا، کیونکہ اس نے آپ کی زندگی بدل دی۔"
