ایسٹر پر ہم نے کس طرح کمونیٹی سے رابطہ رکھا؟

"اس بار گڈ فرائڈے اس طرح نہیں منا سکے جیسے پہلے مناتے رہے ہیں مگر ہم نے چرچ سروس کو فیس بک پر براہ راست نشر کر کے کمیونیٹی سے ربط بنائے رکھا" یہ کہنا تھا سینٹ مارک اینجلیکن چرچ ریویسبی سڈنی کے پادری اعجاز گِل کا جبکہ ان کی اہلیہ شہناز اعجاز نے کہا کہ انہوں نے یہ ایسٹیر سادگی سے منایا۔

Ibada ya pasaka mtandaoni Source: Supplied

   سینٹ مارک  اینجلیکن چرچ ریویسبی سڈنی کے پادری اعجاز گِل لگ بھگ چھ سال سے ایسٹر کا خطبہ کمونیٹی کے اراکین کی چرچ میں موجودگی کے ساتھ جوش و خروش سے دیتے رہے ہیں  مگر اس بار ان کے کمونیٹی چرچ کے ہال میں وہ اور ان کی اہلیہ تنہا موجود تھیں اور انہوں نے اس بار گڈ فرائیڈے کا خطبہ سامعین کی غیر موجودگی میں دیا۔  کرونا وائیرس کے باعث ہم نے اس بار لائیو اسٹریمنگ کے ذریعے اپنی کمونیٹی سے ربط رکھنے کا فیصلہ کیا اور سامعین نے فیس بکُ پر انہیں سنا اور دیکھا۔

Source: Supplied

آسٹریلیا بھر کی طرح باقی دنیا میں بھی ایسٹر کی تقریبات کے اجتماعات نہیں ہو رہے ہیں اور چرچ میں اجتماعی سروسز  پر پابندی ہے۔

اعجاز گلِ کہتے ہیں کہ یہ ایک مشکل وقت ہے مگر سرکاری اور طبّی ہدایات پر عمل کرکے اس وبا سے نمٹا جا سکتا ہے

Source: Supplied

ان کی اہلیہ شہناز اعجاز نے ایس بی ایس اردو سے بات کرتے ہوئے کہا کہ اس بار خوشی کے اس موقعے پرکچھ اداسی کی فضا تھی مگر انہوں نے ماضی کی طرح اس گڈ فرائیڈے کو سادہ کھانا پکانے کی روائیت برقرار رکھی۔

اس مشکل وقت میں ہم کمونیٹی کا علاوہ اپنے دوست احباب رشتے داروں اور عزیزوں سے ویڈیو کالز کے ذریعے مسلسل رابطے میں ہیں

اعجاز گِل کا کہنا تھا کہ ایسٹر پر ہمیں سب کا خیال رکھنا ہے۔ انہوں نے نوجوانوں پر زور دیا کہ وہ اپنے گھروں میں موجود بزرگوں کو ہر طرح آرام پہنچائیں  

---

کرونا وائیرس کے بارے میں ہدایات

وفاقی حکومت کی ویب سائٹ کے مطابق کرونا وائرس کی علامات، ہلکی بیماری سے لے کر نمونیا کی علامات کی طرح ہوسکتی ہیں۔علامات میں بخار، کھانسی ،خراب گلا، تھکن یا سانس لینے میں دشواری شامل ہیں۔ اگر آپ میں بیرونِ ملک سے واپسی پر چودہ دن کے اندر یہ علامات پیدا ہوتی ہیں یا کسی کووڈ ۔ ۱۹ سے متاثرہ مریض سے رابطے میں آئے ہیں، تو فوری طبّی امداد حاصل کریں۔ اگر آپ سمجھتے ہیں کہ آپ کو ٹیسٹ کرانا ہے تو اپنے معالج سے رابطہ کریں یا قومی کرونا وائرس ہیلتھ معلوماتی ہاٹ لائن پر فون کریں۔

فون نمبر۔ 1800020080

کرونا وائرس سے متعلق مزید خبریں اور معلومات ایس بی ایس اردو کی ویب سائٹ پر حاصل کریں۔