وزیراعظم شہباز شریف نے ایران کے نئے سپریم لیڈر معظم مجتبیٰ خامنہ ای کے نام خط لکھا کر ان سے آیت اللّٰہ خامنہ ای کی شہادت پر تعزیت کا اظہار کیا ہے ۔ وزیراعظم شہباز شریف نے انہیں ایران کے سپریم لیڈر کی ذمے داریاں سنبھالنے پر مبارک باد دی ہے۔ انہوں نے کہا ہے کہ مشکل وقت میں پاکستانی قوم ایرانی عوام اور قیادت کے ساتھ کھڑی ہے۔
حکومت پاکستان نے ایران اسرائیل امریکہ جنگ کے باعث معیشت کو مستحکم رکھنے اور توانائی بحران سے نمٹنے کیلئے کفایت شعاری اقدامات کا اعلان کیا ہے۔ نائب وزیراعظم و وزیر خارجہ اسحاق ڈار نے ایران اسرائیل امریکہ جنگ اور خطے کی صورتحال پر چینی وزیر خارجہ وانگ یی، سعودی وزیر خارجہ فیصل بن فرحان اور بحرینی وزیر خارجہ عبدالطیف بن راشد کے ساتھ ٹیلی فونک رابطہ کیا ہے۔
قومی اسمبلی میں پوزیشن ارکان نے پٹرول مصنوعات کی قیمتوں میں اضافے اور مہنگائی کے خلاف اسپیکر ڈائس کا گھیراو کرکے شدید احتجاج کیا ہے۔ اڈیالہ جیل میں ایک بار پھر عمران خان کو بہنوں، وکلاء یا سیاسی رہنماوں کے ساتھ ملاقات کی اجازت نہ مل سکی۔ پولیس کے ساتھ دھکم پیل میں ایک پی ٹی آئی کارکن زخمی ہوگیا۔
بشکریہ: اصغرحیات۔ پاکستان
