پاکستان رپورٹ: صدر مملکت کی جانب سے کئی روز تک ججز تعیناتی کی سمری روکے جانے کے بعد بالآخر منظوری

پاکستان میں ہائیکورٹس کے ججز کی تعیناتی اور مستقلی کا تنازعہ ختم ہوگیا ہے۔ صدر مملکت آصف علی زرداری نے تمام سمریوں پر دستخط کردیئے ہیں۔ یہ سمریاں سپریم جوڈیشل کونسل کی جانب سے وزیراعظم کے توسط سے صدر مملکت کو ارسال کی گئی تھیں۔ صدر مملکت کی جانب سے سمریوں کی منظوری میں تاخیر کی وجہ سے سیاسی اور قانونی بحث چھڑ گئی تھی۔

راولپنڈی مال روڈ پر سیکیورٹی فورسز پر فائرنگ کرنے والا شخص جوابی کارروائی میں ہلاک ہوگیا ہے۔ پولیس اور سیکورٹی ذرائع کے مطابق حملہ اور کا تعلق پاکستان تحریک انصاف سے ہے ۔ ملزم محمد حسین کے قبضے سے پارٹی پرچم ، اسلحہ، گولیاں اور اہم دستاویزات بھی برآمد ہوئی ہیں۔پاکستان تحریک انصاف نے عمران خان سے ملاقاتوں پر پابندی اور علاج معالجے کیلئے دائر درخواستوں کی سماعت کیلئے سپریم کورٹ کے باہر احتجاج کیا ہے۔ پاکستان کے زیر انتظام کشمیر کے عام انتخابات میں بڑا اپ سیٹ ہوا ہے۔

غربی باغ سے ریاستی جماعت مسلم کانفرنس کے سربراہ سردار عتیق احمد اپنی آبائی نشست ہار گئے ہیں۔ تیسرے مرحلے کے نتائج میں باغ اور حویلی میں بھی دلچسپ صورتحال سامنے آئی ہے۔

(بشکریہ: اصغرحیات۔ پاکستان)