اپوزیشن اتحاد کا پارلیمٹ ہاوس میں پہلا اجلاس۔ مولانا فضل الرحمن اپوزیشن اتحاد میں شامل ہوگئے۔ سابق وزیراعظم عمران خان کی ہسپتال منتقلی کے معاملے پر حکومت اور پاکستان تحریک انصاف کی قانونی روز آزمائی۔۔ پاکستان پیپلزپارٹی نے پارلیمان میں ن لیگ کیساتھ تعاون ختم کردیا۔
پارلیمنٹ میں اپوزیشن اتحاد کا پہلا اجلاس منعقد ہوا۔ جس میں جمعیت علمائے اسلام کی متحدہ اپوزیشن میں شمولیت کی توثیق کی گئی۔ اجلاس میں حکومت کیخلاف پارلیمنٹ میں مشترکہ لائحہ عمل اختیار کرنے کا فیصلہ کیا گیا۔ عمران خان کو ہسپتال منتقل کرنے کے فیصلے پر عظمی خان کی توہین عدالت کی درخواست سپریم کورٹ نے سماعت کیلئے مقرر کردی۔ عدالت عظمی نے عمران خان کو نجی ہسپتال منتقل کرنے کے حکم کیخلاف حکومت کی نظرثانی درخواست کو نمبر الاٹ کردیا ہے۔
اڈیالہ جیل میں قید عمران خان سے انکی بہن نورین نیازی کو دو ہفتوں میں دوسری بار ملاقات کروا دی گئی۔ راولپنڈی کی انسداد دہشتگردی کی عدالت نے 9 مئی جی ایچ کیو حملہ کیس میں 47 اشتہاری ملزمان کو 10،10 سال قید اور 5،5 لاکھ روپے جرمانے کی سزا سنائی ہے۔
کشمیر انتخابات کو لیکر حکمران اتحاد کی دو بڑی جماعتوں پاکستان مسلم لیگ ن اور پاکستان پیپلز پارٹی کے درمیان اختلافات سامنے آگئے ہیں۔ پاکستان کے زیر انتظام کشمیر میں نئی قانون ساز اسمبلی نے حلف اٹھا لیا ہے۔ کالعدم جوائنٹ عوامی ایکشن کمیٹی کے دھرنے کے باعث پونچھ ڈویژن کی سات نشستوں پر انتخابات تاحال نہیں ہوسکے۔
بشکریہ: اصغرحیات۔ پاکستان
