حال ہی میں نسبت آسٹریلیا کی جانب سے میلبورن میں ایک "میٹ اینڈ میچ" ایونٹ کا انعقاد کیا گیا۔
تقریب کی منتظم تہمینہ تنویر کا کہنا کہ اس پروگرام کے ذریعے لوگوں کو ایک پلیٹ فارم مہیا کیا گیا تاکہ وہ ایک دوسرے سے مِل سکیں۔
" اس ایونٹ کا مقصد لوگوں کو آپس میں ملانا تھا جو شادی کرنے کا ارادہ رکھتے ہیں۔ وہ آئیں، سب ایک دوسرے سے ملیں اور فائدہ حاصل کریں۔"
تقریب میں شادی کا ارادہ رکھنے والے مرد اور خواتین نے اپنے والدین اور رشتہ داروں کے ساتھ میلبورن کے علاوہ سڈنی سے بھی شرکت کی۔
"والدین اپنے بچوں کو لے کر آئے یا پھر جن کے والدین آسٹریلیا میں نہیں ہیں وہ اپنے انکل یا آنٹی لے کر آئے یا پھر اپنے بہن یا بھائی کو ساتھ لے کر آئے۔
کچھ ایسے افراد بھی تھے جن کا کوئی رشتہ دار نہیں تھا، وہ اپنے دوستوں کو ساتھ لے کر آئے۔"
تہمینہ تنویر کا کہنا ہے کہ آسٹریلیا میں دوسری کمیونیٹی کے مقابلے میں پاکستانی کمیونٹی اتنی بڑی نہیں ہے کہ رشتے با آسانی مل سکیں۔
Meet n match event was held in Melbourne. Source: Supplied
" پرتھ میں لڑکے اور لڑکیاں موجود ہیں لیکن ان کو نہیں پتہ کہ ان کے شہر میں کتنے لوگ ہیں جو شادی کرنے کا ارادہ رکھتے ہیں۔
"جو پاکستانی آسٹریلیا میں موجود ہیں وہ دور دور تک پھیلے ہوئے ہیں اور ایک دوسرے کے بارے میں نہیں جانتے۔ نسبت آسٹریلیا کے فورم پر آسٹریلیا بھر سے رجسٹریشن ہوئی ہے اور میری کوشش یہی ہے کہ لڑکوں اور لڑکیوں کو آپس میں ملا دوں۔"
نا کسی کی تصویر چاہیئے، نا فون نمبر اور نا ہی نام۔ سب کو ان کا ایک مخصوص نمبر دیا جاتا ہے اور ملاقات کے اور دونوں افراد کی رضامندی کے بعد ہی تفصیلات مہیا کی جاتی ہیں
Meet n match event organiser Tehmina Tanveer. Source: Supplied
" نا کسی کی تصویر چاہیئے، نا فون نمبر اور نا ہی نام۔ سب کو ان کا ایک مخصوص نمبر دیا جاتا ہے، ملاقات اور دونوں افراد کی رضامندی کے بعد ہی تفصیلات مہیا کی جاتی ہیں۔
جو کسی سے مل کر خوش ہوئے یا جنہوں نے نمبر دینا چاہا، انھوں نے ہی نام اور نمبر دیا۔ ہماری طرف سے کوئی تفصیل نہیں دی گئی۔"
