ماحور شہزاد کے والد بیڈمیںٹن کے کھلاڑی رہ جکے ہیں اور یہی بات ماحور کو اس میدان کی طرف کھینچ کر لائی- ایس بی ایس اردو سے بات کرتے ہوئے ماحورشہزاد نے بتایا کہ بچپن سے ہی والد نے بھرپور ساتھ دیا اور بیڈمیںٹن کھیلنے میں مدد کی- انہوں نے بتایا، "میرے والد نے مجھے بچپن سے ایک ہی بات بتائی "تھی کہ بیٹا اگر بیڈمینٹن کھیلنا ہے تو قومی سطح پر نہیں بلکہ بین الاقوامی سطح پر کھیلنے کی تیاری کرو-
ماحور کا کہنا ہے کہ جب وہ سات برس کی تھیس اس وقت سے وہ بیڈمینٹن کھیل رہی ہیں اور اس کے علاوہ ان کی بہن بھی ان کے ساتھ کھیلتی رہی ہیں- اسی سلسلے میں ماحور نے بتایا کہ ۱۳ برس کی عمر میں وہ انڈر ۱۹ کی فاتح بن گئی تھیں جس کا فائنل انہوں نے اپنی بہن کے خلاف کھیلا تھا۔
ماحور نے سن ۲۰۱۹ سے بین الاقوامی ٹورنامنٹ کھیل رہی ہیں- انہوں نے ۲۰۱۹ میں سات، ۲۰۲۰ میں تین جبکہ ۲۰۲۱ میں ایک بین الاقوامی ٹورنامنٹ کھیل چکی ہیں- ان کا کہنا ہے کہ جب سے انہوں نے یہ ٹورنامنٹ کھیلنے شروع کیے تھے تب سے ہی اس بات کا ارادہ کر لیا تھا کہ وہ پاکستان کی اولمپکس میں نمائندگی کریں گی۔
اولمپکس میں شرکت کے سوال پر انہوں نے خوشی کا اظہار کرتے ہوئے کہا کہ گزشتہ چار برس سےوہ اس کے لیے محنت کر رہی ہیں اور اس محنت کا ثمر ملنے پر بہت خوشی ہے۔
تیاری کے بارے میں ماحور کا کہنا تھا کہ وہ روزانہ چھ سے سات گھنٹوں تک مشق کرتی رہی ہیں- انہوں نے کہا کہ اتنی مشق کی وجہ سے ہی وہ اچھی کارکردگی دکھانے میں کامیاب رہی- روزانہ دوڑ کے علاوہ وہ ہفتے میں ایک بار پانچ ہزار میٹر کی دوڑ بھی لگاتی ہیں۔
In a match with world No. 1 Saina Nehwal in commonwealth games 2018 at Gold coast, Australia Source: Twitter Mahoor Shahzad
ایس بی ایس کو ماحور نے بتایا کہ اس سارے سفر کے دوران انہیں کافی مشکلات کا سامنا کرنا پڑا- انہوں نے بتایا کہ سب سے زیادہ دشواری مشق کے لیے کورٹ حاصل کرنے میں ہوئی- علاوہ ازیں انہیں کھیل میں سیاست کا بھی سامنا کرنا پڑا لیکن ان کا کہنا پے کہ سب مشکلات کا انہوں نے جواں مردی سے مقابلہ کیا۔
ماحور اس وقت واحد پاکستانی کھلاڑی ہیں جن کی دنیا میں رینکنگ پہلے ۱۲۰ میں آئی ہے- ماحور نے اپنی پاکستان کے لیے اپنی فتوحات کے بارے میں بتاتےہوئے کہا ۲۰۱٦ میں پاکستان انٹرنیشنل سیریز میں چاندی کا تمغہ جبکہ ۲۰۱۷ اور ۲۰۱۹ میں سونے کا تمغہ جیتا، نیپال انٹریشنل ٹورنامنٹ ۲۰۱۸ میں سونے کا تمغہ جیتا، بلغاریہ انٹرنیشنل ٹورنامنٹ ۲۰۱۹ میں کانسی کا تمغہ، ساؤتھ ایشن گیمز ۲۰۱۹ میں کانسی کا تمغہ جیتا اور یوگانڈا انٹرنیشنل ٹورنامنٹ ۲۰۲۰ میں کانسی کا تمغہ جیتا۔
ماحور نے پاکستان بیڈمینٹن فیڈریشن کے کردار کو بھی سراہتے ہوئے کہا کہ انہیں فیڈریشن کی طرف سے ہر ممکن مدد حاصل رہی اور اگر ان کی جگہ کوئی اور بھی ہوتا تو اسے بھی ایسے ہی سپورٹ کیا جاتا ۔
Mahoor Shahzad after winning national championship fifth consecutive time Source: Twitter Mahoor Shahzad
Mahnoor Shahzad was selected by Badminton World Fed. (BWF) for fully funded scholarship of the UoL’s Post Grad Certificate in International Sports Management Source: Twitter Mahoor Shahzad
دوسری جانب پاکستان بیڈمینٹن فیڈریشن کے سیکریٹری جنرل واجد علی چوہدری کا کہنا تھا کہ ماحور نے ناصرف اپنے آپ کو منوایا ہے بلکہ پاکستان کی تاریخ میں پہلی مرتبہ اولمپکس کے لیے بھی کوالیفائی کیا ہے- ماحور پاکستان کی بیڈمینٹن کے میدان میں اولمپکس میں نمائندگی کرنے والی پہلی کھلاڑی ہیں۔-
واجد علی کا کہنا ہے کہ ماحور کے اولمپکس میں جانے سے ناصرف پاکستان میں اس کھیل کی ترویج میں مدد ملے گی بلکہ مزید لڑکیاں بھی اس کھیل میں دلچسپی لیں گی۔
Mahoor recieving prize by Mr. Wajid Ali Chaudhry Secretary General of Pakistan Badminton Federation for winning Gold medal in Pakistan International Series 2019 Source: Twitter Mahoor Shahzad
فیڈریشن کے کردار کے سوال کے جواب میں ان کا کہنا ہے کہ اس وقت فیڈریشن ہر بندے کی ہر ممکن مدد کر رہی ہے اور آنے والے کھلاڑیوں کے لیے بھی سازگار ماحول پیدا کر رہے ہیں۔ واجد علی کا کہنا ہے کہ وہ ماحور شہزاد کی اولمپکس میں بہتر کارکردگی کے لیے پر امید ہیں اور ان کے لیے نیک تمناؤں کا اظہار کیا۔
پوڈ کاسٹ سننے کے لئے اوپر دئے آڈیو آئیکون پر کلک کیجئے
یا پھرنیچے دئے اپنے پسندیدہ پوڈ کاسٹ پلیٹ فارم سے سنئے
- جانئیے کہ کس طرح ایس بی ایس اردو کے مرکزی صفحے کو بُک مارک بنائیں یا ایس بی ایس اردو کو اپنا ہوم پیج بنائیں۔
- اردو پروگرام ہر بدھ اور اتوار کو شام 6 بجے (آسٹریلین شرقی ٹائیم) پر نشر کیا جاتا ہے
- اردو پروگرام سننے کے طریقے
- کوویڈ 19 اردو میں تازہ ترین خبریں
- کو سرچ کرکے انسٹال کیجئے SBS Radio ہماری موبائیل ایپ
