پناہ گزین طلبہ آسٹریلیا میں ایک نئے آبادکاری پائلٹ پروگرام کے ذریعے اپنی زندگیاں دوبارہ استوار کر رہے ہیں، جو ان کی یونیورسٹی کی تعلیم کو نرسنگ جیسے اُن شعبوں سے جوڑتا ہے جہاں افرادی قوت کی شدید کمی ہے۔ یہ پروگرام غیر منافع بخش اداروں، آسٹریلوی جامعات اور کاروباری اداروں کے اشتراک سے ممکن بنایا گیا ہے۔ a
تعلیم علینہ احمد شاہ کا ہمیشہ سے خواب رہی ہے۔افغانستان کی ہزارہ برادری سے تعلق رکھنے والی علینہ احمد شاہ کے لیے چھٹی جماعت سے آگے تعلیم حاصل کرنا ممکن نہیں تھا۔لیکن ان کا یہ خواب زندہ رہا، جسے ان کے والد، جو ایک پرائمری اسکول کے استاد تھے، نے ہمیشہ حوصلہ دیا۔
علینہ نے پناہ گزین کی حیثیت سے اپنی زندگی کے 8 سال بھارت میں گزارے، جہاں وہ کسی نئے موقع کی منتظر رہیں۔ بھارت ۱۹۵۱ کے پناہ گزین کنونشن کا فریق نہیں ہے اور نہ ہی وہاں ایسا کوئی ملکی قانون موجود ہے جو پناہ گزینوں کے تحفظ کی وضاحت کرتا ہو۔
پھر انہیں اطلاع ملی کہ انہیں بیرونِ ملک مقیم پناہ گزینوں کو آسٹریلیا لا کر تعلیم فراہم کرنے کے لیے متعارف کرائے گئے نئے ویزا پروگرام کے پہلے طلبہ گروپ میں شامل کر لیا گیا ہے۔
Refugee Student Settlement Pathway پائلٹ پروگرام پناہ گزین طلبہ کو آسٹریلیا کی جامعات سے جوڑتا ہے تاکہ وہ افرادی قوت کی کمی والے شعبوں میں مستقبل کا کیریئر بنا سکیں۔ آسٹریلیا پہنچے ۵ ماہ گزرنے کے بعد علینہ کہتی ہیں کہ یہ تجربہ ان کی زندگی بدل دینے والا ثابت ہوا ہے۔
