جونیئر ہاکی ایشیاء کپ کے سنسنی خیز فائنل میچ میں روایتی حریف بھارت نے پاکستان کو شکست دے دی بھارتی ٹیم نے پاکستان کو دو ایک سے مات دی ۔
عمان میں کھیلے گئے ٹورنامنٹ کے فائنل میں پاکستان کی جانب سے واحد گول 38 ویں منٹ میں بشارت علی نے سکور کیا بھارت کی جانب سے انگد سنگھ اور اریجیت سنگھ نے ایک ایک گول کیا ادھر پاکستان نے جونیئر ہاکی ایشیاء کپ کے ٹاپ فور پوزیشن پر فشن کرنے کے بعد جونیئر ہاکی ورلڈ کپ کے لیے کوالیفائی کر لیا ہے جونیئر ہاکی ورلڈ کپ رواں سال ملائشیا میں کھیلا جانا ہے ۔
پاکستان ہاکی ٹیم کے سابق کپتان اور اولمپئین رشید الحسن نے ایس بی ایس اردو سے گفتگو کرتے ہوئے کہا کہ پاکستان نے فائنل کھیلا یہ بہت خوش آئند بات ہے لیکن پاکستان جونئیر ٹیم کو یہ مقابلہ جیتنا چاہیے تھا بھارتی ٹیم میں بہت سے نئے کھلاڑیوں کو شامل کیا گیا ہے پاکستان ہاکی کے بہتر رزلٹس کے لیے کھلاڑیوں کو زیادہ ٹریننگ کروانے کی ضرورت ہے ۔۔
انٹرنیشنل کرکٹ کونسل کے چیئرمین گریگ بارکلے اور چیف ایگزیکٹیو جیف ایلرڈائس نے پاکستان کا دو روزہ دورہ کیا ہے چئیرمین گریگ بارکلے نے پہلی بار پاکستان کا دورہ کیا آئی سی سی کے دونوں عہدیداروں نے پاکستان کرکٹ بورڈ کی مینجمنٹ کمیٹی کے چیئرمین نجم سیٹھی اور بورڈ کے دیگر حکام سے پی سی بی ہیڈ کوارٹر قذافی اسٹیڈیم میں ملاقات کی جس میں کرکٹ کی ترقی اور اسے مزید فروغ دینے سے متعلق مشترکہ معاملات پر گفتگو ہوئی۔
آئی سی سی حکام نے کرکٹ اکیڈمی، لاہور قلعہ، لاہور میوزیم، مینار پاکستان اور سیف سٹی پروجیکٹ کا بھی دورہ کیا۔
آئی سی سی کے چیئرمین نے کہا کہ انہیں پاکستان آکر بہت خوشی ہوئی ہے ۔ ان کی سوچ یہ ہے کہ آئی سی سی کے تمام رکن ممالک کا دورہ کیا جائے اور دیکھا جائے کہ ہر رکن ملک میں کرکٹ اور اس کے انتظامی معاملات اس کے دائرہ اختیار کے تحت کس طرح چلائے جارہے ہیں پاکستان میں کرکٹ کی سہولتوں کی تعریف کرتے ہوئے گریگ بارکلے کا کہنا تھا کہ پاکستان میں سہولتیں اور کرکٹ سے متعلق پروگرام بہت زبردست ہیں اب چونکہ پاکستان میں انٹرنیشنل کرکٹ واپس آچکی ہے لہذا پی سی بی دوطرفہ کرکٹ کے انتظامات کے سلسلے میں کامیابی کے ساتھ اپنا کردار ادا کررہا ہے۔
کرکٹ کے ایشیا کپ کے شیڈول کا تاحال فیصلہ نہ ہو سکا ۔ میزبان پاکستان اور بھارت کے درمیان ڈیڈ لاک برقرار ہے ۔خبر رساں اداروں کے مطابق بھارت نے پاکستان کا ہائبرڈ ماڈل مسترد کر دیا ہے بھارتی کرکٹ بورڈ ٹورنامنٹ ایک ہی مقام پر کرانے کا خواہشمند ہے ایشیا کپ سری لنکا میں کروانے پر سنجیدگی سے غور کیا جا رہا ہے ۔ پاکستان کرکٹ ٹیم کے سابق کپتان انضمام الحق کا کہنا تھا کہ ایشیا کپ پاکستان کا نہیں کرکٹ کا میلہ ہے کرکٹ جہاں بھی ہو وہاں کھیلنے جانا چاہیے اگر کوئی ٹیم پاکستان نہیں آتی تو پھر پاکستان کو بھی متعلقہ ملک میں کھیلنے نہیں جانا چاہیے ادھر پنجاب کے صوبائی وزیر کھیل اور فاسٹ بولر وہاب ریاض نے ایشیا کپ کے پاکستان کے کچھ مقابلے ہونے کو ہی غنیمت قرار دیا ہے ۔۔
بشکریہ: انس سعید
__________________________________________________________________
- کس طرح ایس بی ایس اردو کے مرکزی صفحے کو بُک مارک بنائیں یا
کو اپنا ہوم پیج بنائیں۔
§ اردو پروگرام ہر بدھ اور اتوار کو شام 6 بجے (آسٹریلین شرقی ٹائیم) پر نشر کیا جاتا ہے
§ اردو پرگرام سننے کے طریقے
§ پوڈکاسٹ کو سننے کے لئے نیچے دئے اپنے پسندیدہ پوڈ کاسٹ پلیٹ فارم سے سنئے:
