پاکستان میں کرکٹ ایک مقبول کھیل ہے مگر عالمی معیار کی مستقل اچھی کارکردگی کئی دہائیوں سے اس ٹیم کا بڑا مسئلہ رہی ہے۔ پاکستان کرکٹ ٹیم کی کارکردگی اور معیار کے حوالے سے سابق کپتان سلمان بٹ نے ایس بی ایس اردو کو دیے گئے خصوصی ویڈیو انٹرویو میں اہم مسائل اور ان کی وجوہات پر کھل کر گفتگو کی ہے۔۔ تفصیل جانتے ہیں اس رپورٹ میں۔
سلمان بٹ کے مطابق پاکستان اکثر ہوم سیریز میں بہتر کارکردگی دکھاتا ہے لیکن آئی سی سی کے عالمی ایونٹس میں مشکلات کا شکار ہوتا ہے۔وہ اس کی وجہ اسپن فرینڈلی ہوم کنڈیشنز کو قرار دیتے ہیں جو کمزوریوں کو چھپا دیتی ہیں۔ان کے مطابق مستقل مزاجی اور بولنگ کی خامیاں حقیقی بین الاقوامی پچز پر واضح ہو جاتی ہیں۔
سلمان بٹ سمجھتے ہیں کہ مسئلہ کسی ایک شعبے کا نہیں بلکہ پورے کرکٹ نظام سے جڑا ہوا ہے، جس میں گراس روٹس سے لے کر انٹرنیشنل سطح تک مسائل موجود ہیں۔
فٹنس، تکنیک اور گیم اویئرنس کی کمی کو وہ بنیادی مسائل کے طور پر بار بار اجاگر کرتے ہیں۔
وہ مضبوط ڈومیسٹک اور فرسٹ کلاس کرکٹ کے ذریعے بہتر تیاری کی ضرورت پر بھی زور دیتے ہیں۔
رپورٹنگ: حافظ محمد بلال (پاکستان)
___________________________
ہر بدھ اور جمعہ کا پورا پروگرام اس لنک پرسنئے, اردو پرگرام سننے کے دیگر طریقے, “SBS Audio” کےنام سےموجود ہماری موبائیل ایپ ایپیل (آئی فون) یااینڈرائیڈ , ڈیوائیسزپرانسٹال کیجئے۔
شئیر
