پاکستان میں انتخابات کے کئی دن بعد بھی غیر یقینی صورتحال برقرار

پاکستان میں عام انتخابات کے غیر حتمی اور غیر سرکاری نتائج کے بعد غیر یقینی صورتحال باعث بے چینی بڑھ رہی ہے۔ مبصرین کے مطابق تحریک انصاف کے حمایت یافتہ امیدواروں کی غیر متوقع جیت کے بعد جو صورتحال سامنی آئی ہے اس سے ملک کا سیاسی منظرنامہ فی الحال غیر واضع ہے۔

A security personnel stands guard at the headquarters of Election Commission of Pakistan in Islamabad on September 21, 2023. Pakistan will hold delayed national polls in January next year, the election commission announced on September 21, as the country grapples with overlapping political, economic and security crises. (Photo by Aamir QURESHI / AFP) (Photo by AAMIR QURESHI/AFP via Getty Images) Source: AFP / AAMIR QURESHI/AFP via Getty Images

غیر حتمی غیر سرکاری نتائج کے مطابق پاکستان تحریک انصاف کے حمایت یافتہ امیدواروں کو قومی اسمبلی کی 93 نشستوں پر کامیابی ملی ہے۔ اس کے بعد دوسرے نمبر پر پاکستان مسلم لیگ ہے، جسے غیر سرکاری غیر حتمی نتائج کے مطابق قومی اسمبلی میں 75 نشستیں ملی ہیں جبکہ پاکستان پیپلز پارٹی کو قومی اسمبلی کی 54 نشستوں پر جیت ملی ہے۔

اسلام آباد سے سیاسی تجزیہ نگار جاوید رانا نے ایس بی ایس کو بتایا کہ تحریک انصاف کے حمایت یافتہ امیدواروں کی جیت انتہائی غیر معمولی ہے اور یہ ملکی اسٹیبلشمنٹ کی عمران خان مخالف پالیسیوں کے خلاف عوامی ردعمل کا واضح ثبوت ہے۔

پاکستان سے موصولہ رپورٹس کے مطابق مسلم لیگ اور پیپلز پارٹی کے درمیان مجوزہ مخلوط حکومت تشکیل کی کوششوں میں مصروف ہیں۔ تجزیہ نگار جاوید رانا کے بقول اکثریت حاصل کرنے والی جماعت کے مینڈیٹ کو عزت نہ دینے کے نتائج ملک کے لیے بہتر ثابت نہیں ہوں گے۔

پاکستان کے انتخابات پر تبصرہ کرتے ہوئے آسٹریلیا کے دفتر خارجہ نے ایک بیان میں کہا کہ افسوس ہے کہ تمام سیاسی جماعتوں کو برابری کی بنیاد پر الیکشن میں حصہ لینے کی اجازت نہیں دی گئی۔

ان انتخابات کے غیر سرکاری اور غیر حتمی نتائج کے مطابق سرفہرست جماعت پی ٹی آئی نے عندیہ دیا ہے کہ وہ حکومت سازی کے لیے مطلوبہ نشستیں مکمل کرنے کے لیے رابطہ کاری میں مصروف ہے۔