سڈنی میں منعقدہ ریلی میں شرکا کا کہنا تھا کہ وہ بھارت کے زیرِانتظام کشمیرمیں کشمیریوں کی صورتحال پر ان کے ساتھ کھڑے ہیں۔
- آسٹریلیا کے شہر سڈنی میں کشمیروں کے ساتھ اظہارِیکجہتی کے لئے ریلی
- سڈنی میں ہونے والے سیمینار میں آسٹریلیا کی بڑی سیاسی پارٹیوں کے رہنماوں کی شرکت
- شرکا کا کہنا تھا کے کشمیر کے معاملے پر آسٹریلوی حکومت کو بھارتی حکومت سے بات کرنا ہوگی
سیمینار سے خطاب میں گرینز پارٹی کی رہنما اور سابق سینیٹرلی رائنن کا سیمنیار کے شرکا سے کہنا تھا کہ بھارت کے زیرِانتظام کشمیر کی صورتحال پر آسٹریلوی حکومت کو بھارتی حکومت سے بات کرنا ہوگی۔
دوسری جانب سڈنی کے سیمینار میں مختلف شعبہ ہائے زندگی سے تعلق افراد کا کہنا تھا کہ کشمیر کا مسئلہ اقوامِ متحدہ کی قراردادوں کے مطابق ہونا چاہیئے۔
سیمینار میں نیو ساوتھ ویلز لیبر پارٹی کے رہنما شوکت مسلمان اور لیبرل پارٹی کے سینیئررہنما اور سڈنی کے سبرب ہارنسبی کے مئیرفلپ ریڈوک نے بھی خطاب کیا۔
دوسری جانب نیو ساوتھ ویلز پارلیمنٹ کے رہنما پال لِنچ کا کہنا تھا ایمنسٹی انٹرنیشنل کا حکومتی دباو کی وجہ سے اپنا دفتر بند کرنا نہایت افسوسناک ہے۔
سیمینار سے خطاب میں آسٹریلیا میں پاکستانی ہائی کمشنر بابر امین کا کہنا تھا کہ عالمی تحقیقدانوں، مورخین کے مطابق کشمیر پر بھارت کا موقف غیرقانونی ہے۔
گرینز پارٹی کی رہنما لی رائنن سے ایس بی ایس اردو نے خصوصی گفتگو کی جسے سننے کے لئے تصویر کے اوپر اسپیکر پر کلک کیجئے۔
