کھیل کے میدان سے: پاکستان سپر لیگ کے آٹھویں ایڈیشن کی تیاریاں زوروشور سے جاری

پاکستان کرکٹ ٹیم کے کپتان بابراعظم کے ستارے ان دنوں گردش میں، پاکستان سپر لیگ کے آٹھویں ایڈیشن کی تیاریاں زوروشور سے جاری اور پاکستان کرکٹ ٹیم کے لیفٹ آرم فاسٹ بولر شاہین آفریدی نے گھٹنے کی انجری سے نجات کے بعد باؤلنگ کا آغاز کر دیا ہے۔

Pakistan cricket team captain Babar Azam. Source: AAP

آج کے سپورٹس راؤنڈ اپ میں سب سے پہلے آپ کو ملواتے ہیں پاکستان کے ویل چئیر ٹینس کھلاڑی آصف گل عباسی سے جو پہلے پاکستانی ویل چئیر ٹینس کھلاڑی ہیں جو اب تک تین انٹرنیشنل ایونٹس جیت چکے ہیں انہوں نے اپنی مدد آپ کے تحت دس کے قریب بین الاقوامی مقابلوں میں شرکت کی ہے۔

Source: Supplied / Anas Saeed

آصف گل عباسی پاکستان میں ویل چئیر ٹینس کو فروغ دینے کے لیے کوشاں ہیں ان کا اگلا ہدف معذوری کا شکار نوجوانوں کو ویل چئیر ٹینس کی جانب راغب کرنا ہے ۔ آصف گل عباسی کہتے ہیں کھیل کے ساتھ ساتھ کوچنگ کے کورسز بھی کر رہا ہوں میری خواہش ہے پاکستان میں ویل چئیر ٹینس کو مقبول کروں کیونکہ دنیا میں اس کھیل پر خاصہ کام ہو رہا ہے ۔

Source: Supplied / Anas Saeed

آصف گل عباسی نے بتایا کہ حال میں ترکی میں ہونے والی ورلڈ ٹیم کپ میں پاکستان ویل چئیر ٹیم نے شرکت کی جس میں ہم نے روایتی حریف بھارت کو شکست دی جو پاکستان کے لیے ایک بہت بڑی کامیابی تھی۔

Source: Supplied / Anas Saeed

پاکستان کرکٹ ٹیم کے کپتان بابراعظم کے ستارے ان دنوں گردش میں ہیں پاکستان کرکٹ بورڈ کی راہداریوں میں یہ بات کافی سنجیدگی سے سوچی جا رہی ہے کہ کیا بابراعظم کو اگلے انٹرنیشنل سیزن کے لیے تینوں فارمیٹ کا کپتان برقرار رکھنا چاہیے یا صرف ایک ہی فارمیٹ تک محدود کر دیا جائے اگرچہ پی سی بی نے اس حوالے سے کوئی حتمی فیصلہ نہیں کیا کیونکہ پاکستان نے اپنی اگلی انٹرنیشنل سیریز اپریل میں کھیلنی ہے جس میں ابھی کافی وقت باقی ہے اس وقت پی سی بی کی تمام تر توجہ پاکستان سپر لیگ کے آٹھویں ایڈیشن کو کرانے پر مرکوز ہے ۔

“I feel humbled to have been voted as the ICC Men’s ODI Cricketer of the Year. Source: Twitter / Babar Azam twitter

بابراعظم کی کپتانی کے حوالے سے جب پاکستان کرکٹ ٹیم کے سابق کپتان انضمام الحق سے سوال ہوا تو ان کا کہنا تھا کہ بابراعظم کی کپتانی میں بہتری لانے کے لیے ان کو مزید موقع ملنا چاہیے بابراعظم پر پریشر نہیں ہے لیکن کپتانی وقت کے ساتھ آتی ہے بابراعظم

تینوں فارمیٹ میں اچھی کارکردگی کا مظاہرہ کر رہے ہیں۔

Babar Azam and Mohammad Rizwan celebrate after their team won the Cricket Twenty20 World Cup match between India and Pakistan in Dubai. Source: AP

انضمام الحق نے کرکٹ آسٹریلیا کی جانب سے افغانستان کے ساتھ کرکٹ سیریز منسوخ کرنے پر کہا کہ پاکستان کا تو ہمیشہ ایک ہی موقف رہا ہے کہ کھیل اور سیاست کو الگ الگ رکھنا چاہیے پاکستان تو بھارت کے ساتھ بھی کرکٹ کھیلنے کو تیار ہوتا ہے تمام ٹیموں کو ایک دوسرے کے خلاف کھیلنا چاہے۔

پاکستان سپر لیگ کے آٹھویں ایڈیشن کی تیاریاں زوروشور سے جاری ہیں پی سی بی مینجمنٹ کمیٹی کے سربراہ نجم سیٹھی نے پی ایس ایل کے آئندہ سیزن کے شیڈول کا اعلان بھی کر دیا ہے ٹورنامنٹ کے میچز لاہور کراچی ملتان اور راولپنڈی میں کھیلے جائیں گے۔

Lahore Qalandars' Mohammad Hafeez (R) plays a shot as Multan Sultans' Zeeshan Ashraf looks on during the Pakistan Super League (PSL) T20 Source: AFP, Getty / ARIF ALI/AFP via Getty Images

ادھر پاکستان کرکٹ ٹیم کے لیفٹ آرم فاسٹ بولر شاہین آفریدی نے گھٹنے کی انجری سے نجات کے بعد باؤلنگ کا آغاز کر دیا ہے وہ پی سی بی کے لاہور میں نیشنل ہائی پرفارمنس سنٹر میں بیٹنگ اور باؤلنگ کی بھرپور ٹریننگ کر رہے ہیں شاہین آفریدی نے آئندہ ماہ پاکستان سپر لیگ میں ٹیم لاہور قلندرز کے ٹائٹل کا دفاع کرنا ہے لاہور قلندرز نے شاہین شاہ آفریدی کی ہی قیادت میں پہلی بار پی ایس ایل کا ٹائٹل جیتا تھا ۔

Source: Supplied / Anas Saeed

شاہین آفریدی کا کہنا تھا آسٹریلیا میں کھیلے گئے آئی سی سی ٹی ٹونٹی ورلڈکپ میں کھیلنے کا فیصلہ اس لیے کیا کہ قومی ٹیم کو میری ضرورت تھی میگا ایونٹ میں اگر میں موجودہ فارم کی طرح باؤلنگ کرتا تو نتیجہ مختلف ہوتا شاہین آفریدی کا کہنا ہے کہ پی ایس ایل کی تیاری شروع کر دی ہے شائقین کرکٹ کو ٹورنامنٹ میں ایکشن میں نظر آؤں گا ۔

(ایس بی ایس اردو کے لیے یہ رپورٹ پاکستان سے انس سعید نے پیش کی ہے۔)