آئی سی سی چیمپئنز ٹرافی کا فائنل بھارت اور نیوزی لینڈ کے درمیان اتوار کے روز دبئی انٹرنیشنل کرکٹ اسٹیڈیم میں کھیلا جائے گا ۔ بڑے ٹاکرے میں کرکٹ ماہرین نے بھارتی ٹیم کا پلڑا بھاری قرار دیا ہے ان کا کہنا ہے کہ بھارت کرکٹ ٹیم نے اپنے تمام میچز دبئی میں کھیلے ہیں جس وجہ سے ان کو فائدہ ہوگا باقی ٹیموں کی طرح بھارتی ٹیم کو ٹریول اور مختلف کنڈیشنز کا سامنا نہیں کرنا پڑا۔
ادھر بھارتی ٹیم کے ہیڈ کوچ گوتم گھمبیر نے بیانیے کی نفی کرتے ہوئے کہا کہ دوسری ٹیموں کی طرح دبئی ہمارا بھی ہوم گراؤنڈ نہیں ہے ہمارا پورا فوکس نو مارچ کی گیم پر ہے ۔
پاکستان میں سیکورٹی وجوہات کے باعت بھارتی کرکٹ ٹیم نے آئی سی سی چیمپئنز ٹرافی کے میچز پاکستان کے میدانوں پر تو نہیں کھیلے لیکن بھارتی کرکٹ بورڈ کے نائب صدر راجیو شکلا نے قذافی اسٹیڈیم میں نیوزی لینڈ اور جنوبی افریقہ کے مابین ہونے والا سیمی فائنل میچ دیکھا ہے
پاکستانی شہریوں نے بھارتی بورڈ کے اس رویے کو دوہرا معیار قرار دیا ہے لاہور میں میڈیا سے گفتگو کرتے ہوئے نائب صدر راجیو شکلا نے واضح کیا ہے کہ پاکستان اور بھارت کے درمیان کرکٹ تعلقات کا انحصار سرکار کی اجازت سے مشروط ہے۔ حکومتی کلیئرنس نہ ہونے کی وجہ سے بھارتی کرکٹ ٹیم پاکستان کا دورہ نہیں کر سکی ۔
پاکستان میں موجود آسٹریلین ہائی کمشنر نیل ہاکنز نے سابق اولمپئین خواجہ جنید ہاکی اکیڈمی کے نوجوان کھلاڑیوں میں انعامات تقسیم کیے ہیں اس موقع پر گفتگو کرتے ہوئے انہوں نے کہا کہ پاکستان ہاکی کا ایک یاد گار ماضی ہے پاکستان میں ہاکی کو دوبارہ ٹاپ پر دیکھنا چاہتے ہیں ۔ پاکستان میں ٹیلنٹ ہے صرف اس پر توجہ دینے کی ضرورت ہے ہم پاکستان ہاکی کی ہر طرح کی مدد کرنے کو تیار ہیں ۔ نیل ہاکنز کی خواہش ہے کہ دوبارہ آسٹریلیا اور پاکستان ٹاپ ایونٹس کے سیمی فائنلز اور فائنلز میں مد مقابل آئیں ۔
(بشکریہ انس سعید)
_______________
کو اپنا ہوم پیج بنائیں۔
- ہر بدھ اور جمعہ کا پورا پروگرام اس لنک پرسنئے
- ردو پرگرام سننے کے اور طریقے
- “SBS Audio” کے نام سے موجود ہماری موبائیل ایپ انسٹال کیجئے ایپیل (آئی فون) یا اینڈرائیڈ ڈیوائیسز پر انسٹال کیجئے
- پوڈکاسٹ کو سننے کے لئے نیچے دئے اپنے پسندیدہ پوڈ کاسٹ پلیٹ فارم سے سنئے:
Spotify Podcast
Apple Podcasts
