کھیلوں کی دنیا: پاکستان کرکٹ ٹیم آئی سی سی ون ڈے رینکنگ میں پہلی پوزیشن پر، ایشیا کپ 2023 کی تیاریاں

پاکستان کرکٹ ٹیم آئی سی سی ون ڈے رینکنگ میں پہلی پوزیشن پر پہنچ گئی - ارشد ندیم نے پیرس اولمپکس کے لیے براہ راست کوالیفائی کر لیا - عاقب جاوید نے کوہلی کے مقابلے میں بابراعظم کو بہتر کھلاڑی کیوں قراد دیا ؟

Pakistan team members pose for photographers following their win in the third one day international cricket match between Afghanistan and Pakistan in Colombo, Sri Lanka on Sunday, Aug. 26. (AP Photo/Eranga Jayawardena) Source: AP / Eranga Jayawardena/AP

پاکستان کرکٹ ٹیم افغانستان کو ون ڈے سیریز میں شکست دے کر آئی سی سی ون ڈے کرکٹ کی رینکنگ میں پہلی پوزیشن پر آگئی ۔

پاکستان ٹیم نے افغانستان کو تیسرے ون ڈے میچ میں بھی شکست دے کر تین میچوں کی سیریز میں وائیٹ واش کیا پاکستان نے تیسرے میچ میں افغانستان کو 59 رنز سے ہرایا ۔ کولمبو میں کھیلے گئے تیسرے ون ڈے میچ میں پاکستان نے پہلے بیٹنگ کرتے ہوئے 269 رنز کا ہدف دیا جس کے تعاقب میں افغانستان کی کرکٹ ٹیم 209 رنز پر ڈھیر ہوگئی ۔

پاکستان کے کپتان بابراعظم اور وکٹ کیپر محمد رضوان نے 60 اور 67 رنز کی اننگز کھیلی جبکہ سلمان علی آغا نے 38 اور محمد نواز نے 30 رنز سکور کیے جبکہ شاداب خان نے تین ، شاہین آفریدی فہیم اشرف اور محمد نواز نے دو دو وکٹیں حاصل کیں ۔

امام الحق بہترین کارکردگی پر پلیئر آف دی سیریز جبکہ محمد رضوان پلیئر آف دی میچ قرار پائے ۔

Pakistan's Faheem Ashraf, left, celebrates the wicket of Afghanistan's Rahmanullah Gurbaz with his teammates during the third one day international cricket match between Afghanistan and Pakistan in Colombo, Sri Lanka on Sunday, Aug. 26. (AP Photo/Eranga Jayawardena) Source: AP / Eranga Jayawardena/AP

پاکستان کے ایتھلیٹ ارشد ندیم نے پیرس اولمپکس کے لیے کوالیفائی کر لیا ہے ارشد ندیم نے ورلڈ ایتھلیٹکس چیمپئین شپ میں جیولن تھرو کے ابتدائی مقابلوں میں 86.79 میٹر کی تھرو کر کے نہ صرف چیمپئن شپ کے فائنل میں جگہ بنانے میں کامیابی حاصل کی بلکہ آئندہ سال فرانس میں منعقد ہونے والے اولمپکس کے لیے بھی کوالیفائی کیا ۔ انہوں نے مسلسل دوسری بار براہ راست اولمپکس کے لیے کوالیفائی کیا ہے اس سے قبل ارشد ندیم ٹوکیو اولمپکس میں شرکت کر چکے ہیں

ہنگری کے دارالحکومت بوڈاپسٹ میں جاری ورلڈ ایتھلیٹکس چیمپئن شپ میں جیولن تھرو کے فائنل مرحلے کا مقابلہ ہو رہا ہے۔

epa10819500 Arshad Nadeem of Pakistan competes in the qualification of the men's javelin throw of the World Athletic Championships in the National Athletics Centre in Budapest, Hungary, 25 August 2023. EPA/Zsolt Czegledi HUNGARY OUT Credit: Zsolt Czegledi/EPA

پاکستان کے ارشد ندیم نے ابتدائی مرحلے میں مجموعی طور پر دوسری سب سے طویل تھرو کی جبکہ بھارت کے نیرج چوپڑا 88.77 میٹر کی تھرو کے ساتھ پہلے نمبر پر موجود ہیں ۔ ارشد ندیم نے اپنے فینز کو مخاطب کرتے ہوئے کہا کہ آپ سب کی دعاؤں سے چیمپئن شپ کے فائنل اور پیرس اولمپکس 2024 کیلئے کوالیفائی کر لیا ہے۔

Chairman of the PCB Management Committee, Chaudhry Muhammad Zaka Ashraf, center, Waqar Younis former fast Bowler, left, and former Pakistani Cricketer Mohammad Hafeez, second right, attend the unveiling of the ACC Asia Cup 2023 trophy, in Lahore, Pakistan, Wednesday, July 19, 2023. (AP Photo/K.M. Chaudary) Source: AP / K.M. Chaudary/AP

پاکستان کرکٹ ٹیم کے سابق فاسٹ بولر عاقب جاوید نے ویرات کوہلی کے مقابلے میں بابراعظم کو بہتر کھلاڑی قرار دے دیا ۔ عاقب جاوید کا کہنا تھا کہ کپتان بابر اعظم ویرات کوہلی کے مقابلے میں زیادہ تسلسل سے رنز کرتے ہیں جبکہ ویرات کوہلی ایک مخصوص دورانیے کے لیے پرفارمنس دکھاتے ہیں ۔ عاقب جاوید نے کہا کہ بڑے لمبے عرصے کے بعد ورلڈ کپ کے لیے پاکستان کی متوازن ٹیم تیار ہوئی ہے پاکستان ٹیم کا کمبینیشن اچھا لگ رہا ہے، فاسٹ بولرز، اسپنرز، ٹاپ آرڈر اور پھر مڈل آرڈر بھی سب اچھے ہیں اور فٹ بھی ہیں۔ایشیا کپ میں بھارت کے خلاف میچ کے بارے میں گفتگو کرتے ہوئے عاقب جاوید نے بتایا کہ کینڈی میں ہونے والے میچ میں پاکستان کو 3 فاسٹ باولرز شاہین آفریدی، نسیم شاہ اور حارث رؤف کے ساتھ میدان میں اترنا چاہیے