کرکٹ کی دنیا کا سب سے بڑا ٹاکرا،پاک بھارت میچ آج کولمبو میں کھیلا جائے گا روایتی حریف پاکستان اور بھارت کی ٹیمیں ایشیا کپ میں ایک بار پھر مد مقابل آئیں گی کولمبو میں مسلسل بارشوں کے سبب میچ کے لیے ایک اضافی دن بھی رکھا گیا ہے بارش سے متاثر ہونے کی صورت میں میچ کل تک جاری رہے گا ۔اس سے قبل ٹورنامنٹ میں کھیلا گیا پہلا میچ بارش کی وجہ سے بغیر کسی نتجے کے ختم ہوگیا تھا ۔ کولمبو میں پریس کانفرنس کرتے ہوئے پاکستان کرکٹ ٹیم کے کپتان بابراعظم نے بتایا کہ موسم کی وجہ سے فرسٹریشن نہیں ہے ہم مسلسل کرکٹ کھیل رہے ہیں ہ ٹریننگ ہمارے ہاتھ میں ہے جو ہم کر رہے ہیں میچ میں ہماری بولنگ کا اسٹارٹ اچھا ہوتا ہے مختلف کمبی نیشن آزما رہے ہیں اسی لیے ہم فاسٹ بولر آل راؤنڈر فہیم اشرف کو کھلایا ورلڈ کپ کے لیے ہم ایشیا کپ کو دیکھ رہے ہیں تاکہ اور مزید کیا بہتر ہو سکتا ہے ہم تقریبا اپنا اسکواڈ بنا چکے ہیں ٹیم کی بہتری کے لیے سب کرتے ہیں پلییرز کے دل ٹوٹنے والی بات نہیں ہے جو بھی منتخب ہوں گے وہ بہترین ہی ہوں گے بھارتی کرکٹر شبھمن گل نے بتایا کہ ٹریننگ سیشن میں لیفٹ آرم بولرز کو کھیلنے کے لیے اچھی پریکٹس کی ہے پاکستان کے خلاف اتنا نہیں کھیلتے جتنا دوسری ٹیموں کے خلاف کھیلتے ہیں پاکستان کا بولنگ اٹیک اچھا ہے ساری دنیا جانتی ہے جب آپ پہلی بار کھیل رہے ہوں تو فرق پڑتا ہے.
شاہین آفریدی اور نسیم شاہ الگ الگ قسم کے بولر ہیں ان کی اپنی اپنی خاصیت ہے شاہین آفریدی سوئنگ کرتے ہیں نسیم شاہ تیز گیند پھینکتے ہیں
بھارت کے سپورٹس جرنلسٹ وکرانت گپتا نے متحدہ عرب امارات میں ایشیا کپ نہ کروانے کے فیصلے کو درست قرار دیا ہے انہوں نے کہا کہ یو اے ای کے گرم موسم میں کھلاڑیوں کو انجریز ہو سکتی تھیں جس وجہ سے آئی سی سی ورلڈ کپ سے پہلے ٹیمیں کو مشکلات کا سامنا کرنا پڑ سکتا تھا ۔وکرانت گپتا نے بتایا کہ بھارتی حکومت کی جانب سے فیصلہ کیا گیا ہے کہ ورلڈ کپ کے دوران پاکستان کرکٹ ٹیم کو صدارتی لیول کی سیکورٹی فراہم کی جائے گی
پاکستان ویمن کرکٹ ٹیم کی آل راؤنڈر عالیہ ریاض 1 ہزار سے زائد رنز بنانے والی آٹھویں پاکستانی خاتون کرکٹر بن گئی ہیں انہوں نے جنوبی افریقہ کے خلاف ون ڈے سیریز میں یہ اعزاز حاصل کیا اس سے قبل بسمہ معروف، جویریہ خان، ثناء میر، نین آبدی، ندا ڈار، ناہیدہ خان اور سدرہ امین ایک ہزار سے زائد رنز بنا چکی ہیں عالیہ ریاض 54 میچوں میں 1034 رنز بنا کر اس کلب میں شامل ہوئیں عالیہ ریاض نے گفتگو کرتے ہوئے کہا کہ ون ڈے انٹرنیشنل میں ایک ہزار رنز مکمل کرنے پر بہت خوش ہوں جنوبی افریقہ ویمنز ٹیم ون ڈے انٹرنیشنل کی اچھی ٹیم ہے، کوشش ہوگی کہ اگلے میچوں میں بہتر کارکردگی کا مظاہرہ کروں.
بشکریہ: انس سعید
